اسكريبتات ل سلمى ياسر

اسكريبت 36

-- ياسمين
= ...
- ياسميين !
= ....
- ياسمييييين !!
= يادي زفته عايزه إيه يا خراابه انتي اتفضلي
- تخيلي معايا كده ..
= مبحبش أتخيل
- طب فكري معايا ..
= مبحبش أفكر
- طب ..
= مبحبش
- طب خفي العسل عشان منكدش عليكي وساعتها هتحبي النكد غصب عنك
= ربنا على الظالم
- معلش 🙂
= عايزه إيه؟
- تخيلي كده لو طلع الكراش بيكراش
= يعني إيه ؟!

( بصتلها بعصبيه على غبائها اللي مش وقته ده أصلًا )

- يعني لو طلع أحمد بيكراش عليا زي ما أنا بكراش عليه
= أحمد اللي أنتي لسه متخانقه معاه عشان خبطك غصب عنه!!
- اه ويخبط فيا ليه! اعمى هو؟! مش شايفني مثلًا!
= أنتي متأكده إنك بتكراشي عليه ولا عايزه تقتليه؟ قولي متتكسفيش

( بصتلها وأنا لسه متعصبه وبدأت اهداا شويه شويه )

- أنا حتى مش بكراش عليه، أنا بحبه يا ياسمين، بحبه اووي، لما بشوفه قلبي بيفرح ويفضل يدق جامد كده، بخاف ياخد باله من لغبطتي قدامه فـ بتعصب واتخانق معاه، يمكن هو كِره يشوفني اصلًا عشان كل ما نتقابل صدفه بنتخانق، بس أنا والله بحبه ..
= وطبعًا مش هتقدري تقوليله
- لو حسيت إنه ممكن يكون بيكراش ولو شويه صغيرين كنت حاولت اعملها بس هو مش بيطيقني
• ومين قالك إني مش بطيقك ؟!

( لفيت وشي بسرعة وانا مخضوضه لقيته واقف وبيضحك )

- اناا .. يعني ... قصدي ... هو انت قولت إيه؟!

( سمعت ياسمين بتضحك وبعدين سابتنا ومشيت )

• مين قالك إني مش بطيقك ؟
- يعني انت مش بتكرهني ؟
• لا خالص
- اومال ؟!
• انا بحبك ! ♥️

لولا وجودك ما حييت ♥️🌏
#سلمى_ياسر
" متنسوش لو عجبكم الاسكريبت تدعمونا بفولو ولايك 💛 "