بربع بربع دفي روحك من البرد
باجر مطر
يلله اقترب باجر مطر
ماجنت اضن تمطر بدمي ودم عمر
حاجه بربع حاجه بألف
كلشي بفلوس بس دمي برخص
بأرض الوطن
مسحي دمعج ييمه بشيلتج وهلهلي
ابنج عمر وابنج علي
خلصو من وطن مبيوع
من حلم مبيوك من الصغر
من جوع وبرد
من ركضة عمر خلصان
من ذاك العهد
من انباع الوطن
من مات صوت الشعب
وانسدت كل الاذن
مسحي دمعج يالله وكومي هلهلي وصفكي
ابنج عمر وابنج علي
خلصو من عمر راكض بلا هدف
من ماتت الكان يا ماكان
وبقت بس الصار
صار الوطن بس دمع
صار الوطن بس لليعيش بلا ضمير
صار الوطن بيد الحزب
صار الوطن دمه ببلاش حتى مو بربع
بقلمي 💔
