ဝတ်ဆင်ထားသည့် တိုက်ပုံအညိုအား ဆွဲချွတ်ကာ အောက်ခံရှပ်အင်္ကျီအဖြူရောင်၏ လည်ပင်းကြယ်သီးအား ဆွဲဖြုတ်မိ၏။ ရွှေကွပ်ထားသည့် စိန်တစ်လုံး ကြယ်သီးကလေးသည် သူ့လက်ထဲဝယ် မစာမနာ ချွတ်ခံလိုက်ရချေသည်။
" မောလာပလား "
" ကြီးဒေါ် "
" အေး ... သံပုရာရည်သောက်မလား သကြားရည်သောက်မလား "
" သကြားရည်ပဲလုပ်ပေး ကြီးဒေါ် .. ဦးလေးရော "
" မင့်ဦးလေးကို မင့်အဖေ ခေါ်သွားတယ်.. ဆီပွဲရုံအသစ်လုပ်မဲ့ကိစ္စဆိုလား ... အဲ့ဒါ စီစဉ္ဖို့တဲ့ ... ကျော်စွာ့ကို ပွင့်ဖြူကိုလွှတ်မယ် ထင်တယ် "
" ဘာလို့များ အဲ့သလောက် အလုပ်တွေလောဘကြီးနေတာလဲ .. ဘယ်သူ့ကိုထောက်ပံ့မလို့လဲ "
" ကျောင်းသားရေးရာဆိုလား မသိပါဘူးကွယ် .. အဲ့ဒါထောက်ပံ့ဖို့တဲ့ .. ပေါ်တင်ထောက်ပံ့လို့မဖြစ်လို့ ပွဲရုံထောင်ပြီး အလုပ်သမားခေါ်တယ်ဆိုလား ... နယ်ဝေးဆိုတော့ စစ်ဆေးလို့မရလို့ ဆိုပြီး ပြောသွားတာတော့ ကြားတယ် "
သူ၏ ဖခင်သည် သူနှင့်ဦးလေးကိုတော့ နိုင်ငံရေးမှ ဝေးဝေးပြေးစေပြီး တစ်ဖက်ကတော့ နိုင်ငံရေးကို တိတ်တဆိတ်ကူညီနေလေ၏။ ဖခင်၏ စိတ်ရင်းက နိုင်ငံရေးကိုအလေးထားသည်လား၊ သို့တည်းမဟုတ် ရှေ့ကိုကြိုမျှော်၍ပင်လား။ ဖခင်သည်သာ အသိဆုံးဖြစ်ပါလိမ့်မည်။
သကြားရည်ခွက်ကလေးကုန်ချိန်ဝယ် ထိုင်ခုံနောက်မှီဝယ် ခေါင်းကိုလှန်ကာမော့ရင်း မျက်လုံးတို့မှိတ်ထားမိတော့သည်။
' ဘယ်များရောက်နေသလဲ ကလေးရယ်.. ကျုပ်ရှာမတွေ့အောင်များ အပုန်းကောင်းနေလေလျော့သလား '
မှေးမှိတ်ထားသည့်မျက်ဝန်းထဲဝယ် အမှောင်ထုကိုသာ မြင်နေရသော်လည်း သိပ်မကြာခင်မှာပင် ပုံရိပ်ကလေးများက မြင်လွှာဝယ် တဝဲလည်လည် လာထင်၏။
..............................
သူ့လက်ထဲဝယ် လှိမ့်တိုင်းပါလာသည့် ကားစတီရာရင်လေးအား လိုက်ကြည့်နေသည့်မျက်ဝန်းလှလှတစ်စုံကြောင့် သူ့လက်ထဲ ချွေးစေးပြန်စေကြောင်း အနှီသူငယ်မသည် မသိရှာ။
YOU ARE READING
အိုဘယ့်မှုံရွှေရည်(Completed)
RomanceStart Date: Sep 22nd, 2020 End Date: May 21st, 2021 ဟိုးရှေးရှေးတုန်းက ဇာတ်သဘင်တစ်ခု ရှိသတဲ့။ တစ်ရက်တော့ ပိုင်ရှင် ဇာတ်ဆရာကြီးက ဆုံးပါးသွားလေတယ်။ အဲ့ဒါနဲ့ ဇာတ်ဆရာကြီးရဲ့ ညီဖြစ်သူက သူေဋ္ဌးတစ်ယောက်ကို ရောင်းလိုက်ပြီး ထွက်ပြေးသွားပါလေရောပေါ့ကွယ်။ သူေ...
