بنات حجي جباك

البارت السادس عشر

اخذني الشيب وانه
           بواهس العشرين  🥀
ولتمن عليه الما_حسبتلهن
غربه  وعوز  ودنيا وحجي شمات
هي شعايزه وفرگاك چملهن

الكاتبabbas haji

مساء الخير حبايب

جاسب،،، هاي شبيج اتخبلتي

سناء،،، اي والله تخبلت

جاسب،،، راح ارجع للبيت وتعاي للحديقه احجي وياج

سناء،،، تعال عسريع

جاسب،،، طبيت للبيت لكيتها بلحديقه كاعده وتبجي هاي شبيج يلمخبله

سناء،،،اي مخبله والله مستعده اكتل روحي هم

جاسب،،، سناء انتي مره متزوجه شوية فكي دماغج اني هم لازم اتزوج قابل اضل هيج ونتي لازم تفرحينلي مو الكاج تبجين وتعيطين صح اني هم احبج  واعتز بيج واغلى من روحي بس لازم اتزوج

سناء،،، جاسب ما اكدر اعيش بدونك والله

جاسب،،، ميخالف حبيبتي لا تصيرين طفله تضلين حبي الاولي ومنو كال اني راح انساج راح اضل احبج وعتبرج اعز صديقه الي

سناء،،، معقوله حب يتحول صداقه

جاسب،،، حقج ما معقوله بس لازم اتزوج واخلص من الاني بي  وانتي هم رقمي يمج اي وقت تحتاجين اني يمج حته من البيت ما اطلع والله يا عمري طبي جوه غسلي وجهج ورتاحي وابد لا تفكرين انو اني اعوفج لا وداعت عيونج ما اعوفج يا عزيزتي

سناء،،، ما اصدك جاسب اعرف والله خسرتك ليش متصدكني اني ما اعيش بدونك  والله اختنك

جاسب،،، كتلج اني هم ما عايفج والله كافي بجي يا عمري  طبي اغسلي وجهج ورتاحي واي وقت تخابريني اني اجاوبج  ويلمخبله ما اعوفج لو تموتين

سناء،،، وعد متعوفني

جاسب،،،يابه وعد ما اعوفج والله  يله حبي طبي جوه  راحت يبو هاي شلون لزكه وصدك ما عدها عقل مثل مخبله تصيح زين هاي مشكله شنو الحل ماله خابروني جابو غرفه نوم طلعت الجربايه القديمه بيها  وخليت جديده  وبنفس سياره دزيتها للكراج كتله ذبه هناك خابرت الحجي ونطيت رقمهم كال خل يجيبو يفيدنه هنانه اخذوها وحملوها بسياره وشدولي الجديد اجه الحجي للبيت كال ها شتسوي انته كتله ما اسوي شي كاعد

الحجي،،،، هاك ابني هاي دفترين فلش هاذه حايط الحوش وبلش بناء

جاسب،،، ماشي حجي باجر ابلش بيها

الحجي،،،  وخليلك باب صغير للخارجي حتى بعد ما يضل مربوط بيتي براحتك طب وتطلع

جاسب،،، لا عادي حجي بس الغرفتين ابني وخلص

حجي،،، راح اخابرلك هذا الولد  هوه يشتغل الك ونته بس حاسبه

جاسب،،، ماشي بعد احسن لان اني باجر عندي شغل محكمه وراها نشتري ذهب عكب باجر الحنه