ذنوب ليست لنا ..

البارت 6

#ذنوب ليست لنا
#بقلمي park_hiu_je
#البارت السـادس
...

اني توني تنفست من انته جيت ..
جنت مخنوگة الهوى مجافيني ..

...

حمزة : خلصتي الرحلة الإستكشافية؟!
بله كولي شنو استكشفتي ؟ استنتجتي؟
ترا اذا ما حصلتي شي من هاي الغرف
اكو سويت كامل بذيج الجهة ينتظرج
بس تدرين شنو اذا شفت ظلج بي احسبي
هذا اخر يوم بحياتج .. ويله روووحي
مناا وبطلي فضول ..

بلقيس : حجة هيج وراح واني يا كاع انشگي
وبلعيني صرت بهدومي من الخجل
والله مو بيدي بس الفضوليين يعرفون
ليش هيج سويت ..

طبيت للغرفة مددت متكـسرة شوية
واجت بيداء صاحتني ع الغدة .. جنت مشتهي
بس عيب نزلت .. ياابه شنو هاي كول منسف
اثنين يله يشيلو ومتروس لحم وشحم ..

احنة ناكل هيج بس مو بهالحجم ..
كعدت اكـل بالخاشوگة ونسرين تذب حجي

نسرين : اووي باعوا النزاكة

:- خزرتها امها وهي مسكتت بس مهتميت
اكلت شوية وكمت غسلت ودا اطلع فوك
انـام وارتـاح احس نفسي صار شهر منايمة
لأن كـاعدة من الصبح ..

نسرين : ويـن عيني شنو نشتغل عندج
احنة البيت انگلب تعالي ساعدينه
يعني الأَصـول متعرفينها اله نعلمج

حمزة : نسرررين !!!

:- نعم شيخ ؟!

بلقيس : حبست الضحكة ع منظرها شلون
جفلت وخافت من اجه ابو جگارة

حمزة :- الأصـول التحجين عنهن انتي متعرفيهن
لو تعرفيهن ما تكولين للضيف تعال اشتغل
وكلنا نعرف من الأصول اكرآم الضيف ثلاث ايام وبعدها يصير من اهل البيت

:- مو قصدي شيخ بس لين الشغل كثير
كلت تساعدنه حتى نخلص بسرعة

:- يا شغل هذا شو المواعين
فزعت الولد يغسلونهن لين كبار
شبقى على كنسة ومسحة هالكاع ؟!
روحي منا نسرين

:- راحت وهو باوع عليها باوعت علي وكملت
دربي حسيته صعد وراية شو رجع نزل ..
مهتميت كملت دربي ونمت نومة ما نامها
النائمون من التعب ..

كعدت الساعة بـ 11 بالليل حييل
شكد نايمة شفت ود نايمة يمي ..
حسيت بجوع وعطش كمت ونزلت ع المطبخ
شو الكل نايم شنو دجاج ؟! شربت ماي
وسويت لفة وكعدت اكل كامت تجيني
نسمات هوا دافية من باب المطبخ
جان الجو بداية شهر 4 .. تمشيت وطلعت
بالحديقة والهوا يطير شعري شكد احب
هيـج جو ..

كعدت ع الصبة بالحديقة انفتح الباب
وطب ابـو جگارة كال : السلام عليكم

رديت : هلو ابـ.. احمم شيخ

الشيخ : ترا كلت السلام عليكم

:- ايي جاوبتك هلو لو الا
وعليكم السـلام ورحمة الله وبركاته