Tap here to start 2020
مش حـنقول زي ماقالو او بالأحرى حتي اني فكرت فيها ، بس استبعدت هالافكار بكللّ ماعندي من طاقة، انها سنة نحِسْ وانها ابيخ سنة مرت علينا، وإن كل سُوء مرينا بيه هوا في سنة 2020 "بس لا هذا أكبر غلط، مافيش حاجة أو موقف أو سوء أو شرّ بسيط كان ولا كبير نمرُّو بيه إلاّ مايكون فيه حكمة وليه ظروفه وليه معاني واشارات.🌱
هي ما ننكروش إنّها كآنت سنة صعبة قريب علي الأغلبية،لكن بالنسبة ليا تعلمت هلّبة حاجات منها، سبحآن الله كل سنة تكتشفي وتتعلمي حاجة جديدة، حتي لو انتِ كنتِ فاهمة وعارفة الدّنيا وفاهمة نفسگ، لكن بتمرّي بمواقف صعبة تبيلنك نفسك وتبيلنك الناس ومعدنها الحقيقي، تبيلنك صبرك مع ظروف والأزامات وقداش تتحملي، وهل تقدري تمري بـ هالمحن او لا، تبيلنك لـ يحبك من قلبه فعلاً علي يظاهرلك بالحبّ علي يضحك في وجهك وفي قفاك مايخلي مايقول، عـ صديق لـ فعلاً يكون معاك في جميع ظروفك مهما طلع منك، على صديق لـ من ابسط المواقف يسيبك علي آشياء تافها. 👌
يعني كل حاجات هادم دروس من ربي، وبعد تجتازي كلّ هالمراحل وانت راضية وعارفة إنو ربي مش حيسيبگ ومش حظني غير الظنّ الحسن وإنها بإذن الله فترة وتمرّ وبإذن الله حنطلع واني قلبي أكثر صبر أكثر ثبات أكثر حكمة عرفتي تتصرفي في هلبة مواقف ماتسرعتيش ماجرحتيش حد ماظلمتيش، طلعتي انت وصغويرتك ووعويلتك بكامل الصّحة والعافية، والناس لـ نحبّهم كلهم بخير، تفرحي من قلبك تعطي من قلبك، نيتك صافية ماتعرفيش تحقدي مهما كان سوء لـ قدامك، ماتبي شئ غير إنو ربي يرضى عليك وبوك وامك هاذي أحلي نعمة وأجمل إحساس🥺.
خليكم كلكم متفائلين إنها سنة علمتنا مش دمرتنا.😄🌿
والحمدلله خشينا في سنة تكون في رضاك يآرب🍂
وخلاص حسيت روحي طولت هلّبة بس كلام قداش ليه حاصل وخاطري نطلّعه، مرات في ناس تبي تكتبه بس مش قادرة تعبّر🙂🙋♀️
