اختراق - breakthrough

3 - المهرج

ككل أسبوع اعتاد معتز ان يحضر جلسته مع هالة الطبيبة النفسية
الجلسات كانت مكلفة و لكنه كان يتحمل تكلفتها دون عناء باستخدام مهاراته في اختراق حسابات الفيزا لدي البعض فاختراق الحسابات او الحواسيب علي العموم اشبه بفتح الابواب لكل جهاز او نظام مفتاح يسمي كود و هو مجموعة رموز بمعرفة ترتيبها المناسب يمكنك اختراق اي نظام لكن الان هنالك من اخترق حياة معتز و دفعه للعلاج النفسي
كان يظهر له شخصية وهمية منذ فترة ترتدي قناع مهرج هذا المهرج يظهر عندما يكون وحده علي فترات متقطعة حتي في احلامه
هالة بعد كل جلسة تكتب له روشتة بها مهدئات و تطلب منه ان يتجنب الصدام مع والده
الامر و ما فيه ان معتز ينفذ عكس ذلك تماما و حالته تتدهور من كل النواحي
ها هو يعود الي منزله
ابيه قد ذهب الي العمل
لعله يتمكن من مراقبة صديقته نور من كاميرا تليفونها الذي اخترقه منذ ايام بعد ان اكتسب ثقتها
و لكن يظهر له المهرج الذي قد تأخر عن الظهور منذ فترة
رجل متوسط الطول يرتدي بنطال جينز ازرق و تيشرت اسود عليه جاكت جينز ايضا بالاضافة لقناع المهرج
- مش وقتك خالص
المهرج : مش بمزاجك انا بظهر فالايام المزعجة بس مش اكتر
اغلق معتز اللاب توب و التفت نحو المهرج بغضب
المهرج يضع يده خلف ظهره و هو يقف علي مدخل الغرفة : مضايق ليه  انا جزء من شخصيتك لازم تحترمه عشان يساعدك مش تروح تضيع فلوسك عالدكاترة النفسيين لا لا انت حالك مش عاجبني
* تصدر نغمة الرسائل علي واتساب فالتقط معتز الموبايل بلهفة
المهرج : متتسربعش اوي كدا
اكيد مش نور يعني
و قد قرأ معتز رسالة غريبة من رقم خاص لا يظهر
" مستعد لأهم يوم في حياتك ولا لا "

بعد ثواني استقبل معتز رسالة عبر تسجيل صوتي لصوت قد تم تعديله يقول
( الاوضة بتاعتك و شقتك كلها متلغمة بقنابل لو حاولت تخرج من بيتك او تحاول تعطلها او منفذتش اللي هيطلب منك هتنفجر
قدامك عد تنازلي 5 دقايق خلالهم تكون اتأكدت ان القنابل فبيتك و ترد تقولي انك جاهز للي هنعمله الليلة ايا" كان )
المهرج : ايه الهبل دا
ينهض معتز من مكانه و يبحث فالشقة كلها حتي يجد بالفعل 4 قنابل متفرقة بانحاء المنزل
كل منها مكون من كيس مستطيل محشو شيئا ما ملفوف بشريط لاصق يلتصق بكل منها تليفون محمول
يرسل معتز رسالة للرقم المجهول عبر واتساب : ايه المطلوب و ليه تدخل القنابل فالموضوع كنا ممكن نتفق بدون كل دا
المهرج ينظر مع معتز فشاشة الموبايل
رسالة صوتية جديدة
" هبعتلك ايميل هتطلب منه تشتري سلاح بندقية قنص Psg و متنساش تكتب شفرة من 3 ارقام
666 عشان تاجر السلاح يتأكد انك من السوق
خلي بالك من غير ال3 ارقام تاجر السلاح هيبعتلك حد يقتلك و مش هقدر احميك ساعتها اوعي تنسي ال 3 ارقام
قدامك ساعة تكون بعت الايميل و وصلك السلاح و دفعت تمنه يا اما القنابل هتنفجر)
يتم ارسال عنوان بريد الكتروني بعد الرسالة الصوتية فيحاول معتز تنفيذ ذلك و قد أرسل رسالة طلب السلاح الي الايميل المطلوب
المهرج : استني احنا هنجيب تمن السلاح دا منين
اينعم انت حرامي بس مش معاك فلوس تشتري سلاح

بعد ارسال الايميل بربع ساعة وصل الرد
المبلغ المطلوب 5000 دولار في خلال عشر دقائق يا اما اعتبر الاتفاق لاغي
معتز : انا حتي لو سرقت المبلغ دا من حد هبقي ملفت للنظر و ممكن يتقبض عليا بعد ساعات
و لوهلة جائت لمعتز فكرة
نور ....صديقته.... لقد اكتشف بعد ان اخترق هاتفها انها تراسل الرجال عبر احد التطبيقات و تحصل منهم علي مال كثير مقابل صور لها عارية و غيره
يمكنه ان يسحب الاموال من حسابها عبر هاتفها و تحويلها الي حسابه فورا
قام معتز بذلك و المهرج يتابعه
المهرج : انت ازاي نور تبقي فحياتك و يظهرلك واحد زيي
بالنهاية تم ارسال المبلغ المطلوب لتاجر السلاح و بعد 20 دقيقة
صدر صوت أحدهم يطرق باب الشقة
فتوجه معتز للباب و فتحه ليجد حقيبة مستطيلة كبيرة ملقاه أرضا و لا يوجد احد فأدخلها للداخل و اغلق الباب
فتحها ليجد أجزاء مفككة لبندقية قنص من النوع psg

بينما يتأمل معتز البندقية جاءته رسالة صوتية جديدة فاقترب منه المهرج يتأمل البندقية داخل الحقيبة العريضة
معتز يستمع الي الرسالة الجديدة
(ركب البندقية و خليها في وضع اطلاق قدام الشقة بعد ربع ساعة هيجيلك رجل مسلح قدام باب شقتك و لازم تقتله بالبندقية من ورا الباب عشان نتأكد انها شغالة
انا عارف انك عمرك ما مسكت او استعملت أي سلاح بس متأكد انك هتلحق تتصرف لانك لو ملحقتش تركب البندقية الراجل اللي جاي بعد شوية هيخلص عليك)
المهرج : هنعمل ايه ؟
معتز : اليوتيوب
المهرج : هنركب سلاح من اليوتيوب ؟ افرض غلطنا ؟
معتز : مفيش قدامي حل غير اني احاول
احضر معتز اللاب توب من غرفته للصالة ثم بحث عن طريقة تركيب بندقية قنص psg
الكثير من المقاطع للكثير من الانواع بنفس الاسم حتي وجد الفيديو المناسب
خطوة بخطوة يحاول معتز تارة و المهرج تارة حتي اكتمل تركيب البندقية و فجأة
باب الشقة يصدر منه صوت طرقات متتالية
يسود الصمت الاجواء و يضع معتز البندقية  ارضا حيث يتم تثبيتها علي قاعدة منفرجة كتلك التي تثبت كاميرا التصوير
و دون تردد صوب معتز نحو الباب و اطلق النار فانطلقت الرصاصة الوحيدة بالبندقية بصوت مكتوم خافت لتخترق باب الشقة للخارج