تصبرني تعاهدني
يلاكبر ما تفاركني
.......
يشبه المصطفى يبني
ينجمه النورت ليلي
تذوب سنيني لسنينك
وانه بحيلك اشد حيلي
ينفحه ومن عطرجدك
يشجرة ود تفييلي
ذخرتك يبني للصعبه
بكبر سني تباريلي
تسندني تساعدني
يحلمي الما يبارحني
......
يمن طولك اشوفنه
تردن روحي واتبشر
اكحل عيني بعيونك
ولو تحجي ا لگب ينسر
يالكبر يا شبه طه
وطبعك من طبع حيدر
ردت منك ترد ليه
قبل ما يبني تتوذر
تحيرني يمرمرني
يرف دلالي يعصرني
......
تروح وعيني تترقب
وادعي كون اليه تعود
دليلي يبني يتوجر
وارد ادعي ترد ردود
بجيت ودمعي يحرگني
وخوفي الي عبر الحدود
صرت مرعوبه من كلشي
واحس گربت ليالي السود
كثر وني تمحني
يصيحن گلبي اآ يبني
......
دعيت بجاه ابو السجاد
اشوفك مره واتصبر
واشمن عطرك اتوادع
واحضنك والگلب ينسر
لحضات وترد ليه
اشوفك حاني ومكدر
تكلي ذاب دلالي
كاتلني العطش والحر
تريد الماي من عندي
وجدك ساقي الكوثر
يحسروني ويفجعوني
عدوك بيك لوعني
...
سمعت صياح باللحومه
فزع عباس بيهم هد
اشوفنه يحز رگاب
وسيفه ما وگف بالعد
لجن وسفه ولوك الكوم
وبعدو عنك المسند
واسمع صاحو توذر
اشوف حسين حيله انهد
يعزيني ويواسيني
ابوك وريته دافنني
يالكبر لا تفاركني
.....
للخادمه ام عباس الخفاجي
أنت تقرأ
من نهل الانوار المحمديه(ج١)
Poesíaابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
