للسلاح شياطين

الفصل الرابع

" الوقت المناسب جه يا امل وهثبتك أنا مين واقدر اعمل ايه "
امل : مش فاهمة حاجة ايه ده .
احمد: معرفش دى رسالة تهديدشكلها ، ميكنش هو .
امل : قصدك ايه أن الحوار ده كله حقيقى.
سهام بتقول للجميع : سيداتى سادتى لا داعى للقلق من المأكد وجود خطأ ما نرجو الهدوء ...
ولسه هتكمل وحصل انفجار فى القاعة 💣💣💣
والنار ملت المكان ..
امل واصحابها اتناقلوا للمستشفى ..
امل بتفتح عينيها
امل : أنا فين؟؟؟ اااااه جسمى واجعنى اوى .
دكتور عماد: متقلقيش انتى فى المستشفى ، احنا عملنا اللى علينا والحمدلله صحتك كويس جدا..
امل : الحمدلله ،طيب واصحابى عاملين ايه ؟؟؟
دكتور عماد : قصدك مين ؟؟!
امل:سهام ودكتور احمد .
دكتور عماد : اه سهام كويسة الحمد لله فاقت من شوية الانفجار كان بعيد عنها ، بس احمد إلى تعبان شوية ، لما وقع.. وقع على كرسى فحصله نزيف فى المخ..
امل: يعنى فى خطورة عليه ؟!!!
دكتور عماد: لا ،أن شاء الله خير حالته بتتحسن.
امل : تمام يا دكتور ،شكرا.
دكتور عماد : طيب اسيبك ترتاحى ..
بعد شوية دخلت الممرضة عليها بورد جايلها هدية
الممرضة : الورد ده علشانك اتفضلى ، وانا لو ماكنك هوافق .
امل :قصدك ايه؟؟! انتى مين؟؟! انتى عرفانى ؟!!
خرجت الممرضة وسابتها تكلم نفسها...
امل : استنى انتى رايحة فين ؟!!!!
امل مسكت الرسالة اللى على الورد وقرأتها و لقت مكتوب فيها " الف سلامة عليكى كده عاجبك يعنى انتى اللى اضطرتينى اعمل كده " ...
امل كانت هتجنن من التفكير مش عارفه هتعمل ايه شكله الموضوع بجد وأنها فى خطر كبير ، وكمان هى كانت سبب ضياع فرحت صاحبتها اللى كانت بتحلم فيها من زمان وكمان احمد اللى اتعرض للخطر بسببها امل مش عارفه هتعمل ايه هى تعبت جدا بس كل مرة بتفتكر أن الطريق اطول ولازم تكون اقوى من كده .
امل بعد مارجعت كويسة زى الاول راحت لصاحبتها سهام...
امل : سهام اخبارك عاملة ايه أنا اسفة اسفة جدا ؟؟
وبدأت تعيط ..
سهام : انتى عبيطة، ده مش زنبك أنا مش زعلانه منك .
امل : أنا دمرتلك المعرض وكمان عارضك للخطر أنا اسفة جدا جدا أنا مش عارفه هعوضك ازاى أنا خلاص لا حوله بيا ولا قوه .
سهام : هتواجهيهم لازم توجهيهم وتخلصى منهم .
امل : واضح أن ده الخيار الوحيد اللي قدامى.
سهام : وأحمد عامل ايه ؟؟!هو كويس ؟؟!
امل :الدكتور بيقول أنه حصله نزيف فى المخ بس حالته بقت مستقرة دلوقتى ، هروح أشوفه دلوقتى واطمن عليه .
سهام : استنى يا امل هو انتى عرفتى ازاى أن اللى حصل ده كان بسبب الشخص اللى بيكلمك؟؟؟!
امل بتقول بقرف وضعف : بعتلى ورد كان فيه رسالة بيقولى انى اضطريته يعمل كده ، أن هروح لاحمد .
سهام : انتى اقوى من كده يا امل .. طمننى على احمد متنسيش.
امل واقفة برا اوضة احمد وبتبص عليه بقلق وحزن وندم .
دكتور عماد : آنسة امل حضرتك واقفة كده ليه ؟؟!
امل : عايزة اطمن على احمد ينفع ادخله ؟؟
دكتور عماد: اه طبعا بس مطوليش هو كده كده بالكتير هيفوق انهاردة .
امل : شكرا جدا .
امل دخلت غرفة احمد والحزن ماليها
امل بتكلم احمد: أنا عارفه انك خايف عليا ومش هتزعل منى بس أنا اللى هزعل منك لو مافقتش وكلمتنى أنا ماليش غيرك انت اكتر من اخ طول عمرى وانا معاك ومستحيل انى ابعد عنك مبتبعتش عنى أنا محتجاك فوق بقى انت اللى هتقوينى و هتحمينى قوم وبدأت تعيط... لحد ما دخلت الممرضة.
الممرضة: آنسة امل حضرتك عايزينك فى الاستقبال علشان شوية ورق .
مسحت دموعها وقوة نفسها وقالت : حاضر جاية .
امل راحت الاستقبال : نعم حضرتك محتاج اى حاجة منى ؟!.
موظف الاستقبال : اه حضرتك لازم تخلصى الورق ده .
امل: تمام ، وبالنسبة للفلوس ادفعها فين ؟
الموظف: لا هو حضرتك الفلوس بتاعت حضرتك وآنسة سهام ودكتور احمد ادفعت .
امل باستغراب : ادفعت ازاى ؟؟!!!! ومين اللي دفعها ؟؟؟!
الموظف : لا الصراحة مقدرش اساعدك فى الموضوع ده لانى معرفش مين ؟؟! لأن اللى دفع كتب اسم حضرتك وساب الورق دى ،اتفضلى.
امل : طيب شكرا ،هات .
فتحت امل الورق كان مكتوب فيها " شوفتى أنا طيب ازاى اجهزى الوقت المناسب جه خلاص "
امل صرخت :ااااااااااه ،يارب خلصنى من الهم ده ياربى أنا خلاص تعبت والله تعبت ..
سهام كانت ورا امل وقالت : امل .
امل لفت ليها و حضنتها وبكت : اعمل ايه؟؟ قوليلى اعمل ايه؟؟ .
سهام: من امتى وانتى ايمانك بربنا ضعيف كده ؟!، ربنا كبير يا امل ربنا مش بيجيب حاجة وحشة يا روحى ، ثقى فيه واجمدى كده ربنا دايما معاكى .
امل : ونعمه بالله عندك حق، اكيد ربنا مابينساش حد .
الممرضة: آنسة امل دكتور احمد فاق وسأل عليكى .
امل بفرحة وأمل : والله طيب انا جاية اهو . وبصت لسهام اللى كمان كانت فرحانه وقالتلها: يلا نروحله .
سهام : يلا.
عند احمد ...
سهام : احمد الف سلامة عليك .
احمد: الله يسلمك .
امل : أنا اسفة ولسه هتكمل .. احمد قاطعها وقالها : متكمليش أنا عارف انتى هتقولى ايه ومفيش داعى للأسف ده مش غلطتك ، وياستى أنا كويس اهو حتى سهام زي القرده ههههه.
سهام : والله طيب انا ماشية لما تعرفوا قمتى هاجى .
احمد : اقعدى يابت ناقصة هبل .
سهام : أنا سكتالك علشان انت تعبان بس غير كده كنت عميتك. وبصت له بنظرة مرعبة
احمد: يا ما ..
امل : بطلوا بقى ، بردوا مهما اتكلمت وقولت يا احمد هحس بالندم علشان اللى عملتوا فيكم .
سهام: ياعم دى بت عبيطة سيبك منهاههههه.
احمد : تصدقى اول مره تقولى حاجة صح يا سووو .
كلهم ضحكوا .
وبعد ما احمد قدر يمشى امل وسهام وأحمد كل واحد راح بيتوا علشان يرتاح الا امل اللى كانت بتفكر فى الرسالة والشخص المجهول .
امل روحت البيت ولسه داخله ترتاح شوية و التلفون التانى رن....فردت امل : الو .
الشخص المجهول : مستعدة يا امل تعرفى ؛ لأن خلاص قررت أن ده هو وقتك .
يتبع ........