بلغة ﺍﻷﻣﻴﺴﺎﻥ:
ﺍﻟﻘﺎﺑﻠﺔ ﺑﻮﺟﻪ بشوش : ﺭﺍﻫﻲ ﺯﻳﺪﺕ ﻭﺟﺎﺑﺖ ﻃﻔﻠﺔ.
ﺍﻟﺸﻴﺦ ﺑﺸﻮﻕ كبير : ﻓﻴﻬﺎ ﺍﻟﻤﻮﺍﺻﻔﺎﺕ؟
ﺍﻟﻘﺎﺑﻠﺔ «ﺭﺍﺳﻬﺎ ﻣﺤﻨﻲ ﺗﺸﻮﻑ ﻓﻲ ﺍﻷﺭﺽ»
ﺃﻧﻌﻢ ﻳﺎﺷﻴﺨﻨﺎ ﺗﻜﺮﻣﻨﺎ ﻭﺻﺎﺭ ﺍﻟﻲ ﻓﻴﻪ ﺻﻼﺣﻨﺎ
ﻭﺟﺎﺕ ﺍﻟﻲ ﺗﺴﻠﻚ ﺃﺭﻭﺍﺣﻨﺎ..
ﺍﻟﺸﻴﺦ : «كرر سؤالو» ﻳﺎﻣﺮأة ﻓﻴﻬﺎ ﺍﻟﻤﻮﺍﺻﻔﺎﺕ؟
ﺍﻟﻘﺎﺑﻠﺔ : ﺃﻧﻌﻢ ﻳﺎﺷﻴﺨﻨﺎ ﺃﺳﻤﺤﻠﻲ ﺍﻟﺴﺮﻭﺭ ﺩﺍﻧﻲوﺍﻟﺒﻬﺠﺔ ﻧﺴﺎﺗﻨﻲ ﻫﻲ ﻣﻮﻻﺕ ﺍﻟﺨﺘﻢ ﺍﻟﺪﺍﻣﻲ.
ﻋﻼﺕ ﺍﻟﺒﻬﺠﺔ ﻭﺟﻬﻮ ﻭﺍﻟﺪﻡ ﺳﺮﻯ ﻓﻲ ﻋﺮﻭﻗﻮ ﻭﺣﺲ ﺍﻟﺪﻧﻴﺎ ﻣﺶ ﺳﻴﻌﺎﺗﻮ ﺷﺎﻑ ﻓﻲ ﺍﻟﻤﺠﻠﺲ ﻭﻧﻀﺮﺗﻮ ﻟﻴﻬﻢ ﺗﻌﺒﺮ ﻛﻠﻬﻢ ﻗﺎﻣﻮ ﻳﻬﻠﻠﻮ ﻭﻳﺸﻜﺮﻭ.
ﺍﻟﻘﺪﺭ ﺍﻟﻲ ﻓﺮﺝ ﻋﻠﻴﻬﻢ ﻭﺷﺎﻑ ﻓﻴﻬﻢ ﻭﺍﻟﻠﻌﻨﺔ ﺯﺍﻟﺖ ﻋﻠﻴﻬﻢ..
في جهة خلاف كانت مرا في وسط السرير وجها صفر تاعب وشواربها بيضين عينيها يتحلو ويتغلقو مش قادرة تثبت على حال ..وفوقها قماش أبيض ولى كلو أحمر بالدم ...
راجلها واقف يشوف فيها لكن متحركش ولا عمل حتى أي شي رجعت القابلة شاف فيها وشاف في مرتو
الراجل : تعيش ؟
القابلة: منضنش راهي فقدت بزاف دم ولادة المختومة مش حاجة ساهلة باش تمد حياة لازم تعطي حياة في المقابل والمختومة تساوي آلاف الحيوات مش وحدة يعني إذا ماتت الوالدة مش خسارة كبيرة ..
شاف فيها راجلها آخر مرة وبادلاتو الشوفة ..كانت نضرتها مكسورة حزينة صح كانت تغيب وترجع لكن لكلام الي قالوه في هاذ الدقيقة سمعاتو كلو...
بقات تهدر بينها وبين نفسها: لازملي القوة والطاقة نقدر نغير حاجة نتمنى يطول عمري ولو دقايق معدودة بنتي بريئة مش لازم تولي حياتها هكذا (هبطو دموعها )
شافتها القابلة تعصر روحها والجرح في كرشها غير ينزف هي زيدت ولادة قيصرية مش ولادة طبيعية.... والإمكانيات منعدمة حتى خياطة مخيطوهاش خلاو كرشها محلولة حست دقايقها معدودة...
ساحو دموعها وهي تشوف جهة بنتها الي كانت محطوطة في الأرض راقدة تبسمت شحااال كانت تبان شابة شحاال تبان مميزة وغالية لكن مش لشي الي خيروه لها لحياة هانية وسعيدة ..
شوافرها الكبار كحلين وشعرها الخفيف الي يبان كحل وجها المدور وعينيها الي مغمضين لكن يبانو كبار تهبل بالمختصر حست قلبها يرفرف وحست بالأمومة تسري في جسدها وفي نفس الوقت بالذنب أنها رايحة وتخليها بين هاذ الوحوش ...
عوجت القابلة فمها وقربت من الطفلة هزتها مدتهالها...في حجرها ...شدي بنتك علبالي حابة تمسيها أول وآخر مرة.
شدتها بحرقة وحست روحها قريب تخرج وهي تمس هذاك الكيان الصغير شحال حلوة شحال رطبة يدياتها خدودها الحمرين ياااه شحال حلوة ..تمنات لكان تقدر تعيش معاها غير يوم ولا زوج لكن مكتبش تنهدت بقوة وحست دوخات يلعبو بيها شافت في القابلة الي حاجة متحركت فيها ونطقت بصوت ضعيف تقريب ميتسمعش.
سورين : عيطي لختي سونيرا راهي برا نحب نشوفها ...
القابلة : علاش؟
سورين: راني نموت حسبيها أمنية ميت .
شافت فيها مليح بعدها خرجت دقيقة رجعت وهي معاها
الي عيطت طول مشافت أختها في دمومات غارقة ودموعها ساحو ....
سورين سوريييين!! واش بيك؟
سورين بلعت غصتها ودموع شلال في عينيها مقدرتش تحكي وهي تشوف في القابلة وتشوف في أختها.....
ﻓﻬﻤﺖ ﺳﻮﻧﻴﺮﺍ واش حبت توصللها ﻭﺷﺎﻓﺖ ﻓﻲ ﺍﻟﻘﺎﺑﻠﺔ ﻭﻋﻘﺪﺕ ﺣﻮﺍﺟﺒﻬﺎ ﻭﻫﺪﺭﺕ ﺑﻠﻬﺠﺔ ﺷﺪﻳﺪﺓ ﺗﻠﻴﻖ ﺑﺴﻼﻟﺔ ﺍﻟﺼﺎﻓﻲ..
ﺃﺧﺮﺟﻲ ﻧﺤﺐ ﻧﻘﻌﺪ ﻣﻊ ﺧﺘﻲ ﺑﺮﺍﺣﺘﻲ..
ﺗﻘﻠﻘﺖ ﺍﻟﻘﺎﺑﻠﺔ ﻟﻜﻦ ﻣﻌﻨﺪﻫﺎ ﻣﺘﺪﻳﺮ ﺧﺮﺟﺖ ﻭﻫﻲ ﺗﺮﻣﺮﻡ ﺑﻴﻦ ﺷﻔﺎﻳﻔﻬﺎ.
ﺗﺒﺴﻤﺖ ﺳﻮﺭﻳﻦ :(ﻫﺪﺭﺕ ﺑﺼﻮﺕ ﺿﻌﻴﻒ ﺑﺰﺍﻑ) ﻛﻨﺖ ﻧﻌﺮﻑ ﺃﻧﻚ ﺍﻟﻮﺣﻴﺪﺓ ﺍﻟﻲ ﻧﺘﻜﻞ ﻋﻠﻴﻬﺎ..
سونيرا ﺳﺎﺣﻮ ﺩﻣﻮﻋﻬﺎ ﻭﺷﺎﻓﺖ ﻓﻴﻬﺎ ﻭﻓﻲ ﺍﻟﻄﻔﻠﺔ ﺍﻟﺼﻐﻴﺮﺓ ﻭﻫﻲ ﺗﺸﻬﻖ: ﺩﻋﻴﺖ ﺩﻋﻴﺖ ﻳﻜﻮﻥ ﻭﻟﺪ ﻭمتﻜﻮﻧﺶ ﻃﻔﻠﺔ ﻭﺗﻤﻨﻴﺖ ﻛﻲ ﺗﻜﻮﻥ ﻃﻔﻠﺔ ﻣﺘﻜﻮﻧﺶ ﺍﻟﻤﺨﺘﻮﻣﺔ ﺩﻋﻴﺖ ﻣﻦ ﻗﻠﺒﻲ لكن القدر قال كلمتو..
ﺳﻮﺭﻳﻦ: ﺻﺎﻓﻲ ﺳﻤﻌﺘﻴﻬﻢ ﻳﻬﺪﺭﻭ؟
ﺳﻮﻧﻴﺮﺍ : ﺍﻟﻘﺎﺑﻠﺔ ﻧﺸﺮﺕ ﺍﻟﺨﺒﺮ ﻗﺒﻞ ﺣﺘﻰ ﻣﺘﺘﻨﻔﺲ بنتك!!
ﺳﻮﺭﻳﻦ: ﻣﻦ ﺍﻟﻴﻮﻡ ﻫﻲ ﺑﻨﺘﻚ أﺣﻤﻴﻬﺎﺍ أﺣﻤﻴﻬﺎ أﺣﻤﻴﻬﺎ
ﻣﺘﺨﻠﻴﻬﻤﺶ ﻳﺪﻳﺮﻭ ﻭﺍﺵ ﻓﻲ ﺑﺎﻟﻬﻢ هي بريئة ﻫﻲ ﺑﺮﻳﺌﺔ ﻣﺘﺨﻠﻴﻬﻤﺶ بلاكي...طرطقت بالبكا...
ﺳﻮﻧﻴﺮﺍ ﻭﻫﻲ ﺗﻤﺴﺢ ﺩﻣﻮﻋﻬﺎ ﻭﺗﻬﺪﺭ ﺑﺠﺪﻳﺔ ﻛﺒﻴﺮﺓ
ﺗﻌﺮﻓﻲ ﺃﻧﻬﻢ ﻣﺘﺄﻛﺪﻳﻦ ﻣﻦ ﺍﻷﻣﺮ ﻭﻣﺘﻘﺪﺭ ﺣﺘﻰ ﻗﻮﺓ
ﺗﺤﺒﺴﻬﻢ ﻭﻻ ﺗﺤﺒﺴﻮ ﻣﻦ ﻏﻴﺮ ﺍﻟﻤﺨﺘﻮﻣﺔ..
ﺳﻮﺭﻳﻦ: ﻫﺎﺫﻱ ﺑﻨﺖ أﺧﺘﻚ ﻣﺘﻘﻮﻟﻴﺶ ﻋﻠﻴﻬﺎ ﻣﺨﺘﻮﻣﺔ
ﺍﻧﺎ ﻧﺴﻤﻴﻬﺎ
ﺳﻮﻧﻴﺮﺍ: ﻟﻜﻦ ﻣﻤﻨﻮﻉ ﻋﻠﻴﻨﺎ ﻧﺴﻤﻮﻫﺎ ﻫﻲ ﻻﺯﻡ ﺗﻜﻮﻥ
مختومة ﻫﻜﺬﺍ ﺑﺮﻙ!!
بقات سورين تشوف فيها مدة وهي تتأمل تفاصليها بعدها همست هي مش مختومة وأنا نسميها هي ﻣﺎﺍﺍﺍﺱ ﺻﺎﻓﻲ..
ﺳﻮﻧﻴﺮﺍ :«ﺗﺒﺴﻤﺖ» ﺃﺳﻢ ﻏﺮﻳﺐ ﻋﻠﻴﻨﺎ؟
ﺳﻮﺭﻳﻦ: ﺃﺣﻤﻴﻬﺎ ﻣﻦ ﻣﺼﻴﺮﻫﺎ ﻭﻏﻴﺮﻳﻪ ﻣﻌﻨﺪﻱ
ﻏﻴﺮﻙ ﻧﺘﻜﻞ ﻋﻠﻴﻪ..
ﺳﻮﻧﻴﺮﺍ: ﺗﻌﺮﻓﻲ ﺃﻧﻮ ﻫﺬﺍ ﻣﺴﺘﺤﻴﻞ ﻏﻴﺮ ﺇﺫﺍ....
ﺷﺎﻓﺖ ﻓﻴﻬﺎ ﺳﻮﺭﻳﻦ ﻭﺷﺪﺕ ﻳﺪﻫﺎ ﺑﻜﻞ ﻗﻮﺓ ﻗﻌﺪﺕ ﻓﻴﻬﺎ ﻭﻫﺪﺭﺕ ﺑﺤﺰﻡ : ﻭﻟﻮ ﻟﻘﻴﺘﻲ ﺭﻭﺣﻚ ﻣﺠﺒﺮﺓ ﻣﻜﺎﻧﺶ ﺣﻞ ﺁﺧﺮ ﻭﺍﻟﺤﻞ ﺍﻟﻮﺣﻴﺪ ﺍﻟﻤﻜﺮﻭﻩ ﻫﻮ اﻟﺒﺎﻗﻲ ﻧﺤﺒﻚ تستعمليه ﻣﺘﺨﻤﻤﻲ ﺣﺘﻰ ﻓﻲ ﺷﻲ !! ﻭﺗﻨﻘﺬﻱ ﺣﻴﺎﺗﻬﺎ ﻫﻲ ﺍﻷﻫﻢ ﻭﻋﺪﻳﻨﻲ؟
ﺳﻮﻧﻴﺮﺍ: ﺗﻌﺮﻓﻲ ﺃﻧﻮ ﻫﺎﺫ ﺍﻟﺸﻲ ﻣﺤﻀﻮﺭ ﻭﻋﻨﺪﻭ ﻋﻮﺍﻗﺐ ﻛﺒﻴﺮﺓ ﻋﻠﻴﻬﺎ!! ﺭﺍﻩ ﺳﺤﺮ ﻛﺒﻴﻴﻴﺮ....؟
سورين: حياتها أهم وعديني!!!
أنت تقرأ
꧁ختم ماس꧂
خيال (فانتازيا)القصة من وحي الخيال يعني خيالية بحتة من نسج افكاري الخاصة لا تمت للواقع بأي صلة ليس لها علاقة لا بدين ولا بأي شي يتعلق بأي طائفة كل الأفكار وليدة خيالي قصة جديدة ونوع جديد مقريتوش كيفو مغامرة راح تديكم لأبعد العوالم متابعة ممتعة.... ♕فنتازيا ♕...
