حكايه ملك (مكتمله)

الفصل الثانى عشر

فى صباح يوم جديد وأحداث جديده على الأبطال
تستيقظ شمس فى هدوء وتصلى وتروح المطبخ تعمل فطار ليها ولملك وتبدأ تصحى ملك
ملك بنزعاج:هو فى ايه انا عايزه انام
شمس:هو ايه الا عايزه انام اصحى كده وفوقى يلا عملت ليكى الفطار هروح أجيبه ارجع تكونى قومتى يلا يختى بطلى كسل
ملك:اممم ماشى
شمس راحت جابت الفطار وملك راحت فى النوم
شمس بنرفزه:يبنتى قومى يلا وافطرى علشان عندى مشوار مهم اوى
ملك:مشوار ايه بس إلا دلوقتى
شمس بفرحه:عايزه ننزل كده نجيب شويه هدوم جديده ونتمشى شويه
ملك بخوف:هدوم ايه الا هننزل نجيبها انا مش عايزه اى هدوم روحى انتى
شمس حاسه بخوف ملك بس عايزه تكسر الخوف ده
شمس بتمثل الزعل:كده يا ملوكه انا زعلانه منك اوى انا نفسى انزل واجيب هدوم
ملك بخوف:بس اناامش هعرف
شمس:مش هتعرفى ايه علشان خطرى بقا
ملك:موافقه
شمس يلا يا قلبى افطرى يلا وبداو بفطرو مع بعض
لبست شمس فستان رقيق خالص لونه موف فيه ورد ابيض وطرحه من نفس اللون
ملك لبست بنطلون جينز وبلوزه لونها ابيض وشعرها كان كعكه بطريقه عشوائيه طبعا بمساعده شمس
وملك سلمت على بابها قبل ما تنزل وطبعا فرح اوى انها هتنزل وهتكون معاها شمس
كان فى عربيه بالسواق منتظراهم واختارت شمس المول ونزلو هناك
شمس:عايزه تشترى ايه بقا يا ملوكه
ملك بخوف وتوتر:اى حاجه
شمس باتسامه:ملوكه ما تلبسش اى حاجه استنى انا هجيبلك فستان ايه رايك نجيب كده لون هادئ رايك ايه
ملك بابتسامه حزن:على اساس يا شمس انى هشوف اللون الهادئ ومن العادى هاتى اى حاجه مش فارقه
شمس:مفيش حاجه اسمها مش فارقه ماما هتحجزلك عند اكبر دكتوره متقلقش انتى بس وترجعي تشوفى تانى واحسن من الأول
ملك بامل:ممكن بجد ده يحصل
شمس:هيحصل أن شاء الله يا قلبى مسكن ايد ملك يلا بقا نجيب فستان كده يلا بقا
واشتريت شمس فستاين هاديه وجميله اوى للخروج
وخروج وركبو العربيه وملك طول الطريق سرحانه هى فعلا ممكن ترجع تشوف تانى ولا لا
فى فيلا صالح السيوفى
تجلس صفاء وتمسك التلفيون
صفاء:الو لو سمحت انا كنت عايزه اسال عن دكتوره عيون لسه جايه من بره وعرفت انها فى المركز ده
الرجل:ايوه يا فندم فعلا
صفاء:طب لو سمحت انا كنت عايزه احجز للبنتى
الرجل:تمام يا فندم ان شاء الله معياد حضرتك انهارده الساعه 6
صفاء:تمام شكرا
الباب خبط ودخلت شمس ومعاها ملك
صفاء:عامله ايه دلوقتى يا ملوكه كويسه
ملك:الحمد الله يا عمتو كويسه
صفاء بفرحه:بصى يا روح عمتك انا حجزتلك عند اشطر دكتوره وإن شاء معيادنا انهارده الساعه 6
ملك بخوف:تمام يا عمتو
شمس:احنا هنطلع بقا يا ماما
ملك:عمتو لو فين بابا ومحمود
صفاء:هنا راحوا الشركه يا قلبى قالو حاجه بسيطه وهيرجعو ادخلو ريحة شويه ا عقبال ما يرجعو واكون حضرت ليكو الأكل بليدة
ملك بفرحه:الله هاكل من إيدك يا عمتو
صفاء:اه يا قلب عمتك ادخلى ريحة شويه
طلعت ملك وشمس فوق وصفاء بتحضر الأكل
بعد شويه كانت صفاء حضرت الأكل وحطت كل حاجه على السفره ومحمود وصالح رجعو من الشغل
صفاء:انا هروح اشوف البنات وارجع تانى
صالح:تمام يا حبيبتى
صفاء دخلت بهدوء صحت شمس
ولسه هتصحى ملك كانت صاحيه
ملك:انا صاحيه يا عمتوانا منمتش اصلا
صفاء:يا حبيبتى انزل علشان نتغدى
ملك:حاضر
خرجت صفاء وشمس قامت من على السرير بس كانت ملك ساكته خالص
شمس:مالك يا ملك
ملك:بخوف انا خايفه اوى يا شمس
شمس قربت منها اوى:ليه بس يا قلبى خايفه من ايه
ملك بتوهان:خايفه تكون الضلمه تكون جزء من حياتى ومن يومى
شمس:ليه بتقولى كده أن شاء الله هتروحى الدكتوره انهارده وهطمنك وهتعملى العمليه وهترجعى تشوفى تانى
ملك:خايفه اوى اتعشم عارفه نفسى اوى اوى بس خايفه اتصدم بالحقيقه
شمس:ما تخافيش يا قلبى اهم حاجه روقى كده ويلا بقا انا هموووت من الجوع
ملك بابتسامه:هو انتى طول عمرك جعانه نفسى تكونى شبعانه شويه
شمس بضحك:مينفعش يبنتى ما اكنش شمس
ونزلت شمس وملك وقعدوا يتغدوا فى صمت كل واحد كان بيفكر فى حاجه بس كله كان خايف من معياد الدكتوره
قطعت الصمت ده
صفاء:يلا يا ملك قومى البسى علشان المعياد بتاع الدكتوره قرب
ملك بخوف شديد:حاضر
محمود:ما تخافيش كلنا هنكون معاكى
ملك:حاضر
قامت ملك بمساعده من شمس
ملك لابسه بنطلون وبلوزه من اللون الأسود فى ابيض ورفعت ليها شمس شعرها على هئيه كيكه فوضوية
ركبت ملك العربيه وكان الكل فى حاله توتر شديده جدا
وهى فعلا ممكن ترجع تشوف تانى ولا لا
وصلو المركز بتاع الدكتوره
ملك كانت خايفه اوى اوى انها تدخل لأن ده هيحدد مصيرها
دخلت بخوف شديد ورجفه ماسكه جسمها كله
قربت منها الدكتوره بهدوء شديد
الدكتوره:انا عايزكى ما تخافيش خالص انتى اسمك ايه
ملك:انا اسمى ملك
الدكتوره:الله اسمك جميل خالص انا اسمى منار
ملك:اسمك حلو
منار قعدت ملك براحه على الكرسى وبدأت تكشف عليها وملامح وشها بدأت تتغير
صالح:طمنينى يا يبنتى
منار بهدوء شديد:مفيش اى حاجه كل خير هنكتب شويه أدويه وكل حاجه تمام
ملك:يعنى حضرتك مش مخبى عليا حاجه
منار:لا خالص
شمس:تعالى يا ملك انا عايزه انزل اجيب حاجه اشربها تعالى معايا وخدتها وخرجو
صفاء:قوليلى يبنتى
منار:الصراحه مفيش اى أمل دلوقتى لأن الخبطه أثرت جامد وكمان حالتها النفسيه وحشه مينفعش اى عمليات دلوقتى
صالح بحزن:يعنى ملك مش هتعرف تفتح دلوقتى
منار:للاسف لا بس مع الوقت والأدوية فى أمل ان شاء الله
ملك دخلت فجاءه الاوضه
ملك كانت داخله علشان تجيب الشنطه بتاعتها بس سمعت كل حاجه
ملك بعياط شديد:انا عمرى ما هعرف اشوف تاااااانى اااااااااااه وراحت اغمى عليها

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
تفتكروا هيحصل ايه؟