عقل انتحاري

اسكريبت عقل انتحاري
Don't forget vote❤️

اسكريبت عقل انتحاري
مبقتش قادر استحمل خلاص كل حاجه سودا مفيش شعاع نور واحد يخليني أكمل أو حتى استحمل، تعبان ومحدش حاسس بيا كلهم سابوني لوحدي محدش حتى فكر يطمن عليا بالغلط طلامه مليش لازمه عند حد يبقى هكمل في الدنيا دي ليه؟!
حتى الحلم اللي عيشت أحققه مكملش أنا مش هقدر أكمل في الدنيا دي، الدنيا دي قاسية أوي وانا مبقتش قادر خلاص أنا هروح للغفور الرحيم هو أكيد عارف أنا مريت بأية و هيسامحني
وقفت على كوبري قصر النيل وكنت على أتم استعداد اني أرمي نفسي كان في رجفة في قلبي مش عارف دي خوف ولا صعبان عليا نفسي اللي هموتها بأيدي غمضت عيني وانا مدرك ان دي النهاية خلاص، هنا سمعت صوت جمبي فضولي خلاني أفتح عيني لقيتها هي ظهرت من العدم زي ملاك بيظهر فجأه من إلا شيء
- تفتكر ده حل
=تعبان
-في ناس تعبانة أكتر منك يمكن وجعك ميجيش ذره في وجعهم
=بس أنا مش قادر استحمل
-لا يكلف الله نفسًا إلا وسعها
=بس أنا عايز أروح لربنا مش قادر استحمل الدنيا
-ولا تقتلوا أنفسكم إن الله كان بكم رحيما
=أكيد ربنا هيغفرلي
-ًومن يفعل ذلك عدواناً وظلما فسوف نصليه نارا وكان ذلك على الله يسيراً
=مش قادر استحمل البشر
- تروح تنتحر وتضيع الكام سنه اللي ربنا ادهملك عشان تطيعه فيهم وهما يبقوا عايشين مبسوطين وانت بتتعذب في جهنم هو ده تفكيرك صح
=كلامهم ليا وحش أوي
- ولقد نعلم أنك يضيق صدرك بما يقولون فسبح بحمد ربك وكن من الساجدين واعبد ربك حتى يأتيك اليقين
=أعيش في الدنيا دي ليه وهي مفيش فيها يوم واحد حلو
-(واصبر وما صبرك إلا بالله) وكمان ربنا قال ( وبشر الصابرين)
=اديني سبب أعيش الدنيا دي عشانه
- ربنا خلقك لسبب لو ملكش لازمه مكنش خلقك
=حلمي اتدمر
- وعسى أن تكرهوا شيئا وهو خير ليكم وعسى أنا تحبو شيئاً وهو شر لكم والله أعلم وأنتم لا تعلمون
= انتي ازاي شايفه الدنيا كده
- أنا جايه الدنيا دي أعيش فيها اليومين اللي ربنا كتبهم ليا ليه اعيشهم في حزن ويأس ونكد ربنا هيسألني عملت إيه في دنيتي أنا بقا موجودة في الدنيا دي عشان اجمع إجاباتي تقدر تقولي إيه إجابتك
بصيت ليها معرفتش أرد لو هي كانت اتأخرت دقيقة كمان كانت ايه الإجابة اللي هرد على ربنا بيها
- سرحت في ايه؟
نزلت من على السور ووقفت قدمها عايز اسأل كتير أوي بس لساني عاجز عن الكلام
-عيونك فيها اسأله كتير
=انتي مين؟
-بني آدمة ربنا حطها في طريقك يمكن تفوقك وأظن أني نجحت.
=عملتي كده ليه؟
-مقدرتش أشوف الشيطان بيدخل فرد جديد النار وأقف ساكتة وكمان يمكن اللي عملته ده تكون إجابة من إجاباتي لربنا.
=شكرا
-متشكرنيش اوعدني بس انك تشوف الدنيا بشكل تاني..... عيش الدنيا دي بحلوها ومرها والمر اللي فيها يخليك تتمسك بيها أكتر من الحلو يأخي ده حتى الحياة من غير مشاكل ملهاش طعم
هزيت راسي ليها وهي مشيت وانا مشيت وانا دماغي مكركبه بس اللي كنت متأكد منه أنها بداية جديدة لحلم جديد لأشخاص جديدة في حياتي و انهاردة أنا واقف في مكتبي صحيح مش أحسن حاجه بس نقدر نقول أن نص الحلم الجديد أتحقق مش عارف لو البنت دي مكنتش موجودة وقتها كان إيه اللي ممكن يكون بيحصل ليا دلوقتي خرجت من شركتي الصغيرة ورحت نفس المكان اللي كنت فيه من خمس سنين رحت نفس المكان بس كنت شخص تاني بعقل تاني بتفكير تاني
- شكلي فعلا نجحت والدليل قدامي أهو
بصيت ليها بس المرة دي بصه كلها شغف وأمل للحياة
=نجحتي وبامتياز
-جمعت إجابات؟
=طول ما فيا نفس داخل وخارج هفضل اجمع في إجابات