جايه اشيل الاطباق مكان الاكل لقيت مصطفي شدني عليه وبيقولي اكيد بتقولي هو ليه المجنون ده قال عليها حلوه مع انها مالهاش طعم صح؟؟!
انا اتلبكت جامد ووشديت نفسي وقولتله
يسرا:مصطفي متحاولش تقربلى تاني بدل ما هنزعل وانا زعلى وحش
مصطفي:ههههه ماشي يبنت خالتي حاضر
يسرا:اها مقولتليش بقى يفيلسوف لي قولت على البيتزا حلوه مع انها وحشه
مصطفي:احم اه مهي عشان حلوه فعلا انا مكذبتش
يسرا :خلص قول ي صقر عشان متعصبش
مصطفي: صقر؟!ههههه تصدقي اني الكلمه دي مسمعتهااش منك من زمان اووى
(انا كنت على طول بنادي على مصطفي من وانا صغيره با الصقر عشان في صفات في مصطغي بتشبه الصقر جدا)
يسرا:مش هقولهالك تاني ي صقر قصدي ي مصطغي
(شيلت الاطباق ودخلت المطبخ اغسلهم وقعدت افكر معقول مصطفي بيحبني لاا لا طب هو بقى كويس معايا كده ليه ده كان قبل الجواز طريقته مختلفه خالص وكان مجبور عليا ربنا يهديه ياارب)
____________________
جه المساااء وكنت قاعده طول النهار لوحدي في الاوضه ومصطفي نفس الشئ وكان الجو ممل بطريقه فظيعه فدخلت اوضة الاطفال عند مصطفي وبقوله
يسرا:مصطفي
مصطفي:خيررر عاوزه اي
يسرا:يبني انت بحالات انت عندك انفصام في الشخصيه جاوبني مره الاقيك كويس معايا ومره تانيه الاقيك متعصب علياا زي ما اكون عدوتك
مصطفي:انتي ناويه نكد ولا اي على المساا كده خلصي قولي عاوزه اي
يسرا:انا مش بحب اقعد لوحدي خصوصا بالليل بخاف
مصطفي:اه عاوزه اي يعني بردو مش فاهم
يسرا: يارب صبرني انت بجد مش فاهم انا عاوزه اي
مصطفي:لا خالص
يسرا:بص انا هقعد معاك شويه ولما اعوز انام هدخل انام جوه عشان انا خايفه والجو ملل اصلا.بس اوعي تفهمني غلط
مصطفي:ههههه قولي كده بقى يبطه ..طيب اقعدي البيت بيتك يختي ههه
يسرا:مش عارفه لي حاسه انك بتتريق عليا بس ماشي اشطا هعدهالك
(قعدت جمب مصطفي على السرير وفي مسافه بينااا لقيته مشغل التليفزيون وعلى فيلم رعب الله واكبر يعني)
يسرا:يبني انت ناوي تجيبلى جلطه ولا عاوز تموتني يعني ما تشغل فيلم عدل بدل الفيلم اللى هيموتنا ده
مصطفي: لو مش عاجبك قومي نامي انا بحب الافلام دي
يسرا:لا وعلى اي اتفرج معاك وامرى لله
مصطفي: ايوه كده جدعههه
يسرا بصوت منخفض: ربنا يهديك يصقر قلبي ياارب ويشفيك على الهبل اللى انت فيه
