عند وليد وعهد وليد بلع ريجه من الصدمة اول م سمع كلامها له، واهو كان متأمل شي غير وباله رايح مكان بعيييد، غمض عيونه وكلامها يتردد بعقله، وليد انا ابيك تعتبرني مثل اختك، مثل م انا اعتبرك اخوي وليد انا ابيك تعتبرني مثل اختك، مثل م انا اعتبرك اخوي وليد انا ابيك تعتبرني مثل اختك، مثل م انا اعتبرك اخوي غمض عيونه وضغط ع ايده والغصه بقلبه، يدري انها م تحبه ويدري انها تحب غيره، بس م يدري ليش فكره راح بعيد وتوقع أشياء ثانيه منها خصوصا بعد المواقف الاخيره اللي تصير بينهم أهما الاثنين عهد طالعته باستغراب: وليد شفيك صار لك شي وليد قام واهو مكسور قلبه: لا ماكو شي بس تذكرت شي مهم، عن اذنج عهد هزت راسها: مع السلامة طلع وليد بسرعه، وعهد قعدت واهي للحين تفكر شلون انقلب جذي مره وحده
صباح السبت ببيت عمر قامت من النوم واهي تطالع المكان الغريب عليها، كانت متمدده ع السرير، وتطالع السقف، ابتسمت واهي تتذكر عمر وطيبته معاها، قعدت تتذكر امسس اول م وصلوا لبيت عمر
( طبعا عمر كان يسوق السياره ومنيره يمه، وهيفاء قاعده بالخلف، وبسياره غير بشار ومعاه جم واحد من اهله، اول م وصلوا البيت، دشو مع بعض، وعمر وصف لهيفاء غرفتها، وطبعا بشار راح غرفته لأن باجر راح يسافر عمر مسك منيره من ايدها، وراحوا مع بعض لجناحهم اول م دشت انبهرت بالجناح الفخم والواسع، بلعت ريجها من اللي تشوفه وقعدت تتأمل باعجاب عمر طالعها بابتسامة: شرايج فيه منيرة: حيل عجبني عمر: كنت ابي اخذ رايج بس قلت بالبداية راح يكون ع ذوقي ومن بعدها إذا تبين تغيرينه بكيفج منيرة: ماله داعي اغيره حيل حلو وذوق عمر ابتسم لها ودشو غرفه النوم، منيرة ابتسمت بإعجاب: صج ذوقك حيل حلو عمر همس باذنها: اكيد دامي اخترتج مرتي منيرة ابتسمت له بحيا، وبعدها قعدوا ع السرير وللحين عمر ماسك ايدها: منيرة ادري اني خطبتج بسرعه وفاجأتج، وملجنا وعرسنا بسرعه، بس صدقيني ومثل م قلت لج اول م شفتج م حبيت اضيع سنين عمري أكثر عشان جذي استعيلت منيرة هزت راسها له بتفهم عمر: عشان جذي انا م ابي اضغط عليج بالبداية، وراح اعطيج فرصه تتعودين علي وتعرفيني أكثر منيرة ابتسمت براحة لأنها حيل كانت خايفة عمر مسك ويهها: ها شقلتي منيرة بحيا: اللي تشوفه عمر ابتسم لها: وإن شاء الله بعد اسبوع راح نسافر لشهر العسل، لاني عندي شغل ولازم أرتب وقتي، وعشان هيفاء تتعود على البيت لموعد سفرتنا منيرة هزت راسها: إن شاء الله عمر: قومي الحين بدلي هدومج، وانا راح اطلب لنا عشا، وبعدها ننام، انتي بتنامين هني وانا بنام بالغرفه الثانيه منيرة ابتسمت له: إن شاء الله) ابتسمت وبعدها قامت، دشت تاخذ لها شاور ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
