موج: بيني وبينك حدود وبلاد وبحور وسفر..بيني وبينك شقوق وغياب وسكون وقدر
رعد: اي القمر ده يولا
موج: نعم!
رعد: صوتك حلو أيوووه كروان
موج: لا ده إنت بتستظرف
رعد: استني بس هو إنتي ازاى اتعودي مع بحري وبقيتي زيهم اللي اعرفه إن اللي من قبلي صعب يبقوا من بحري
كنت ببص له ومذهولة ازاى قدر يعرف إني من قبلي
رعد: بس اهلك اكيد مستحملوش دمعة من عيونك بس عيونك لونها مرتبط بالبحر زي اسمك لو كان أسطورة اطلنطس كانت حقيقة كنتِ هتبقي ملكة البحار السبعة
موج: بس اطلنطس حقيقة
رعد:لا مش حقيقة
موج: أنا بقولك حقيقة تعرف اي عن الكرتون إنت
رعد: أعرف إن آنا وإليسا اخوات طرزان
موج: وأخوات ازاى.!
رعد: لما الملك والملكة كانوا مسافرين في البحر والسفينة غرقت راحو علىٰ جزيرة هما اتقتلوا وابنهم فضل وهو ده طرزان
موج: الله صح صح
كنت بتنطط وفرحانة إن في حد مهتم يعرف المعلومات دي وكملت بعدها
موج: طيب اقولك علىٰ سر خطير
رعد: أنا اللي قتلت موسافا
موج: السمك اصحاب
رعد: مش طواجن
موج:لما الدنيا تديك ضهرها
رعد : ادي ضهرك للدنيا
كنت أول مرة اضحك كدا من فترة، من وقت ما افترقنا ومفيش غيره عرف يرسم الضحكه علىٰ وشي اتضايقت اني بضحك مع غيره وقلبي اتفتحله كشرت فجاءة ومشيت من قدامه
رعد: يبت بطلي جنانك ده هتفضلي هبله كدا دايمًا
كملت من غير ما أرد لحد ما وقفت مكاني من الصدمة لما قال
رعد: طب علىٰ فكرة بقا كنت جايبلك الشوكولا والقلم اللي بلون قهوة عيوني مش دي كانت أول جملة كتبتيها في مذكراتك اني لو نسيت الحاجات دي في اللقا الجاي مش هتكلميني أنا منستش وبرضو مش بتكلميني
كنت ببصله ودموعي كانت عارفه طريقها معقوله رجع بعد ١٢ سنة، رجع لي ممكن يكون صدفة مش أكتر
رعد: برضو لسه بتفكري لجوا طلعي الكلام يبنتي
موج: أنا بكرهك يا رعد بكرهك وافتكرتني امتا يا ترىٰ ولا كانت صدفة أنا ايوا كنت بحبك بس خلاص انتهي من ١٢ سنة فاكرة اليوم ده ولا لاء
Flash back
كنت بعيط وقتها لما قالي إنه ماشي طب وأنا ازاى اكمل وهو مش موجود كنت لسه ١٠ سنين لكني كنت بحبه بقلب أربعين خمسين سنة قلب شاف كتير واختاره
رعد: موجي أنا اسف مش بإيدي
موج: امشي يا رعد
رعد: هنروح اسكندريه
موج: ويهمني في اي إنت هتنسىٰ مع الوقت أنا هبقا هنا في القاهرة "قبلي" وإنت هتبقي في اسكندريه "بحري"
وقبلي وبحري مبيتجمعوش مشيت وقتها وأنا مش عارفه اروح فين هو ازاى فكر يسيبني فاكرة وقتها اني فضلت اربع سنين محدش عارف مالي زعلانه وبعيط وبس لحد ما بابا قرر اننا نروح اسكندريه حسيت روحي رجعتلي تاني دورت عليه في كل الوشوش والأماكن لكني أبدًا معرفتش مكانه لحد ما القدر قرر يلعب لعبته
Back
رعد:فكرتي فيا ده أنا رعدك اللي كان بيتوجع في بعدك اللي بقاله ٤ سنين بيدور في اسكندريه كلها لما راح القاهرة وعرف أنكم نقلتم هنا لحد من أسبوع لما قابلت باباكي صدفة في الشارع وساعدته في حاجات يطلعها البيت ولولا أني شفت صورتنا مع بعض كنت لسه هبقا تايه وبدور عليكِ بعقل عيل محروم فكرتي فيا.!
جريت من قدامه وأنا بعيط روحت ومسكت البوكس بتاعه وطلعت كُل اللي فيه صورنا القديمه كلها والهدايا وحتىٰ أول جواب بعتهولي ولحد آخر جواب بعته امبارح كملت عياط لحد ما لقيته بيقولي اتنيلي بطلي عياط عشان عيونك لما بتدمع البحر بيزعل إن في واحده من امواجه زعلانه
ابتسمت غصب عني وأنا ببصله لسه زي ماهو اطول مني بكتير لسه غمازته موجوده لسه عيونه قهوة لسه ضحكته بتزلزل قلبي لساني عشقاه
رعد: بصي بقا من الآخر عشان الإنسان زهقان بُعد تاني مفيش يبنت الناس والمفروض أسالك تتجوزيني وأسألك وكدا وتفكري بس بقولك اي يبت انتي الخميس الجاي كتب كتابنا سلام ي موجي
مكنش سايب ليا فرصه حتىٰ أفكر اي دا هو إللي قاله صح ولا سمعت غلط
__________
جه يوم الخميس كنت متوترة وفرحانة في نفس الوقت م عارفه أنا في حلم ولا دي فعلًا حقيقة كان باين عليا التشتت لحد ما حسيت العالم كله اصواته اختفت مع جملة "بارك الله لكما وبارك عليكما وجمع بينكما في خير"
معقول هو أنا في حلم ولا علم
رعد: علم يموجي علم وبقيتي مراتي
موج: لسه بتقرا أفكاري
رعد: لسه بتفكري لجوا
موج: لسه بكرهك
رعد: لسه عاشقك وعارف معنىٰ بكرهك فـمش هعلق
لـ أسيل مُحمد|"العابثة بالحروف"
