حسام : بغضب..مهند يا حقير
أيوب : ماشي جاى من داخله محروق..شن العمل توا
حسام : حط أيده على راسه..وين نندري أني
___________________________________________
شهد : تهدي في ريم. ريم خيرك شن فيه
ريم : تبكي وتعيط. برا أقلب وجهك معش نبي نشبحك يا خامر. معش حسيت بشى وإلا وأني طايحة
شهد : تبكي. ريم ريم فقي خيرك تعيط يا أبلة تعالي ساعديني نرفعها للمرضة
جبتها الابلة تجري قاموها ورفعوها
مهند : ضحك على جنب. مزال مشفتي شئ
فراس : شن قصتك معها
مهند : شبحلا ويضحك. مدخلكش. مشى وخلا يلي وراه قريب يطربق
___________________________________________
وصلو لي حجرة الممرضة داخلوها
شهد : تبكي. ياممرضة شوفيها خيرها
ابتسام (الممرضة) : باهي أطلعو توا نشوفها
طلعوا شهد والابلة
تمسح في دموعها. تقدري تمشي يا ابلة
الابلة : لا مش ماشية لن إنشوف ريم كويسة
شهد : عادي باري توا نقعد معها عندك حصة
الابلة : حق أنسيت الحصة باي اني ماشية
بعد ما مشت الابلة
شهد : فاهمة كل شئ. ميهمكش الحصة تهمك الفلوس بس يا طماعة
بعد خمس دقايق شهد ماشية جاية إنفتحت غرفة الممرضة
شهد : مشت نجري للمرضة. شن صار كيف حالها شن فيها
ابتسام : باهي باهي بالشوية مفيها شئ خل من الصدمة داخت
شهد : فرحانة. الحمد الله. خشت تجري ألقيتها قاعدة فاقدة الوعي قعدت نستنا فيها لين خذاني النوم
ريم : نضت إليقيت شهد مقعمزة بحداي وشادة إيدي ومسندا ضهرها على الحيط وراقدة قعدت إنفيق فيها وناضت
شهد : نحك في عيني. كيف حالك توا
ريم : باهي أسمعي
شهد : شني
ريم : قوليلي خيري هني
شهد : توا نحكيلك بعدين
ريم : لا توا توا
شهد : باهي وانتي عنايدية
شهد : قالت الابلة في طالب جديد جا تقريبا اسمه مهند اول مخش الفصل انتي بديتي تقوليله في كلام وتبيكي وتعيطي وبعدين دوختي
ريم : اول ما سمعت اسم مهند ولالي الماضي فجئة وبعد مانسيته ولالي علاش قطع حبل أفكاري صوت شهد تكلم فيا
شهد : إنحرك في أيدي قدام قدام عيونها. وين سرحتي في شئ
ريم : مسرحتش مفي شئ
شهد : باهي قوليلي شن قصتك انتي ومهند
ريم : عيني فيسع ماتعبو دموع. معش نبي نتذكر الماضي كل ماذكره نبدأ نبدأ نبكي نحس في قلبي يتقطع. توا بعدين
شهد : حسيتها متبيش لكن قولت خليها ترتاح توا بعدين تقولي. باهي على راحتك لكن راك تنسي تقوليلي
ريم : خل أتغير الموضوع احسن. هيا نمشو اللاستراحة
شهد : هكي أحسن خليها تستريح. باهي هى
ريم : طلعنا من الحجرة مشينا للساحة خدينا فطور فطرنا وتمشينا شوية استأذنت شهد ومشت للحمام قعدت واقفة نستنا فيها فيها جا مهند وقف قدامي نزلو الدموع من غير ما نحس
مهند : وقفت قدامها طول بكت زي زمان ديما تبكي حساسة. كيف حالك توا
ريم : بديت انعيط عليه عليه معش نبي جرح قلبي يزيد. برا امشي برا معش نبيك ياسر كسرتني وحطمت قلبي بعد ماحبيتك وانت شن قابلتني إلا بالخيانة
مهند : قاعدة منسيتش خل انجريها على خاطر هدفي. اسف واللهي اسف سامحني
ريم : نسامحك نسامحك بعد ما قلتلي : محبيتكش على خاطر نحبك حبيتك على خاطر فلوسك بس واصلا من يحب وحدة خامرة وكلبة زيك حتى تتصرفى زى الصغار عمري متحبيتك ولا إنحبك أصلا باي يا عيلة
مهند : شد ايدها. انسيه الماضي انسيه الي صار قبل أرجوكي سامحيني حني عليا شوية
ريم : فضت ايديها : إنحن عليك علاش محانيتش عليا قبل قولي علاش
مهند : م....
ريم : نمسح في دموعي. معش نبي نشبح خليقتك. ومشت وخلاته
مهند : باهي يا ريم توا نعرف كيف نتصرف معاك
ريم : حسيت بأرتياح بعد ما مشيت من بحداه جيت شهد تجري
شهد : خيرهم عيونك حمر
ريم : منبيش نحكي. لا لا شى خل عندي حساسية
شهد : حساسية باهي هيا قولي قصتك انتي ومهند
ريم : كنت نبي نقول لشخص خل يخفف عليا شوية وألقيت الشخ المناسب هوا انتي يا شهد
شهد : حبيبتي انتي
ريم :..........يتبع
❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
إن شاء الله الحلقة الجاية يوم الأحد ولا الاثنين
رأيكم يهمني💕
