Unang kita ko sayo
Iba na pintig ng puso
Iyong segundo naging minuto
usapa'y tatagal panigurado
Tinitigan ka't hinawakan
Saya'y di matumbasan
kahit ano pang usapan
di pagsasawaan
Kahit ika'y nasa kabilang dako
Di alintana gano man kalayo
Kausap kay parang bisyo
Ang hirap nang lumayo
Mga araw ay nagdaan
Tunay na saya'y naranasan
Lungkot ay nabawasan
pagiging sawi'y kinalimutan
Nang dumating ka lahat nagbago
Ugaling minsa'y di maitatago
Kinayang intindihin, di susuko
Dahil umasang magiging tayo
Buwan ay lumipas, ako'y aamin
Ipadama tunay na damdamin
Sana ikaw ay ganun din
Pinili ang ikaw ay mahalin
Oo, mahal kita sana'y tanggapin
Mga katagang nakakatakot banggitin
Sapagkat ayokong dalawa'y pagsabayin
Tulungan sana, sinong pipiliin
Utak ay magulo sino nga ba sa inyo
Puso'y salawahan di ko to ginusto
Pipiliting ayusin, lahat ay iwasto
Sapagkat ayoko makasakit ng tao
Bitawan ka'y di madali't masakit
Hirap at lito ang syang sinapit
Dating saya pinalitan ng pait
Ganun talaga, wag ng ipilit
Tanggapin natin na lahat ay may kapalit
Inakalang saya'y aabot hanggang langit
Yun pala ay panandalian lang, wag magalit
Ipagpasa Diyos, wag nang manakit
Kalimutan mo na, bumitaw kana
Hindi lang para sayo para din sa kanya
Importante napangiti ka, napangiti mo sya
Nagmahal ako ng dalawa, posible pala.
