#منقول
امس توفي واحد من ساكن الشارع اللي ورنا الجماعة كانوا مدارين عزاء المرحوم رجل كبير في العمر الله يرحمه ،المهم
بعد ما صلوا عليه في المسجد اللي جنبنا ودفنوه رجعوا التابوت
وكان الوقت بعد العشاء والمسجد مسكر فحطوه التابوت قدام باب المسجد بش وقت صلاة الفجر يجي خادم المسجد ويرد التابوت في مكانه ،المهم جاء واحد للمسجد تقريبا قبل اذان الفجر بنص ساعة لقي المسجد مسكر استنى شوي لن قلق
ولا انفتح المسجد والرجل زاد عليه الصقع ناض فتح التابوت ورقد في داخله تقريبا نص ساعة وجاء خونا الخادم وفتح باب المسجد وجبد التابوت وحطه مكانه هو واحد من المصلين ورغم رزن التابوت ومن كثر النوم محسوش بيه واذن الشيخ صلاة الفجر وحضرو المصليين جو خمسين نفر و قامت الصلاة واني من بيناتهم وقفت في الصف الاول وفى الركعة الثانية يا جماعة شفت التابوت يتحرك شن معقولا .!😳😳
حكيت عيوني سكرتهم وغمضتهم وفتحتهم التابوت قاعد
يتحررك 😰😨 ناضو شياطين يلعبو بيا 👿
دوره ناض الراجل اللي في التابوت وفتح غطاء التابوت ومد
راسه وقال : صليتوا 😂😂😂 ؟؟؟؟؟؟
ياساتر كان تشوفوا شن صار فينا اني من ناحيتي طلعت
نجري حفيان 🏃💨💨 وبسرعة الف ووصلت الحوش مانندريش علي روحي حفيان هههههههه..😅😂
اخر حاجه شفتها الشيخ اغمى عليه وطاح علي لوطا 😂😂
والناس الي نخبط في الحيط والي طلع حفيان زيني😂😅
والي زلق في مكان الوضوء وعينك ما تشوف الا النور 😂😂
ما قعد حد في المسجد كلهم هربو 🏃💨💨🏃
😂😂
المشكله مش اهني المشكله ان الرجل الى كان في التابوت هرب معاهم مش عارف شن القصة 😂😂
