عاشق الولهان ( ابن العم )

حلقه ⁦2️⃣⁩

توقعت يحبسني توقعت يضربني كلشي توقعت بس ما عرفت بيي فاقد لهدرجة

عيونه بيهن رفه مو طبيعيه

جرني وإني اضرب بي وادفعه وفتح باب بي ممر

اريد اخلص نفسي ماكو جان قوي حيل قوي

لازمني من شعري ويجر بيه لحد ما دخلني لغرفه نهاية الممر جانت مؤثثه بغرفة خشب قديمه

كمت اصرخ واضرب بي اريد بس افلت منه

بس جان حيل فاقد لو شارب لو مكبسل هم مراح يوصل لهدرجه

اول مرة اتعرض لصدمه من شخص جنت اكول عليه يأذي نفسه ومراح يأذيني

صرت مثل طفله اتوسل وابجي بس يعوفني لا يسوي الي يريده 

كمت أصيح مثل المجنونه على ماما لو بابا يخلصوني منه

بابا تعال شوف مدللتك نوران شبيها

بس كلشي مفاد

اخذ الي يريده وهو مغمض عينه ابتعد مني وهو يهتز مدري شصار بي

حضنت نفسي وابجي

وهو حصر نفسه بالزاويه وصافن بالفراغ

شويه ومثل حس على نفسه كام يضرب على رأسه ويدعي

..... من الله لا يوفقج نوران كله من وراج ومن ورى امج خليتوني اعتدي على عرضي بالحرام اني ليششششش

ويشيل ويكسر بالغراض

بعدها مثل طفت دنيا عندي وافترت صارت ضلمه

كعدت وإني بالمستشفى وحدي بالغرفه والكانيولا بيدي

من تذكرت دموعي كامت تنزل لا ارادياً

الممرضه اجتي تريد تسئلني بس دخل ولهان وما انطاها مجال

عيونه حمر وخشمه احمر

طلع باجه وخله الممرضه تطلع

راد يحجي خليت ايدي على اذني واشهك

.... اششش ماكو شي بنيتي اهدي

ويحاول يهديني ويحضني وإني ما اخلي

جر ايدي وراسي وحضني كوة

وإني ادفع بيي ما أريده

وهو يهدي بيه

.... كلشي يتصلح بس اهدي والله يتصلح  اسف والله بس ما ردتج لغيري ليش محد وكف وياي لا اهلي ولا اهلج لان مخبل والله مو مخبل اني كلشي ما بيه بس سايريني

من بين شهكاتي حجيت

.... ليش هشكل سويت ولهان حرام والله حرام

..... حرام عليه مو عليج

انطاني مي اريد اشرب ما قبلت بقيت بس ابجي