# بالجرم المشهود بقلم هناء عبد الفتاح عاشور
مقدمه+الحلقه 1
سجن ....اول ما يخطر في بالك لما تسمع الكلمه هادي يخطر في بالك مجرمين ...قتله...تجار مخدرات ...والخخ
لاكن في وجه تاني للسجون والي هوا ...المظلومون الناس يلي نحرمت من ابسط حقوقها انها تعيش طبيعيه ...الناس يلي انسلبت منهم حقوقهم بغير وجه حق ....
بس مش هادي الفئه يلي حنتكلم عليها اليوم... الفئه يلي حنتكم عليها اخطر بي 100 مره من الفئتين يلي فاتوا ، الفئه هادي يلي مهما ارتكبت من جرائم غلط يكون مكانها السجن ......
ايهاب مربوط بالسلاسل ووجهه متورم وجسمه كله جروح من التعبديب المستمر لمده 3ايام ، لكمات وضربات متتاليه لي ايهاب من غير الضرب بالكهرباء ، وقله الاكل والشرب والنوم ، بس مع الاسف هادا كله محركش فيه شي كانه ميحسش او فقد احساسه بالالم ومعترفش بالاتهمات الموجه ليه رغم التعديب القاتل ليه.......شنو السبب َ؟
احمد "المحقق" رجع خطوات للوري بتعب : تكلم انطقققققق
ايهاب قام راسه بتعب وشافله بهزوه: مش حنتكلم واعلي ما في خيلك اركبه ..قاطعه احمد بضربه موجهه لي قلبه تالم منها ايهاب : اااااااخخ
احمد بغلل : نبدا كلب كان مجبتش الكرسي بايديا من تحت رجليك يوم اعدامك
ايهاب منزل راسه والدم ينزف من خشمه وضحك بي هستيريا لدرجه يلي في غرفه التحقيق كلهم استغربوا ...
احمد مسح جبهته من العرق بتعب : فكوه وارموه في الشيله من غير شراب لا ايكال نبيه يجيف يموت من الشرر ...قال كلامه وطلع
فكو الضباط ايهاب ورموه في الشيله
الضابط يسكر في القضبان : ياويلك من احمد اعترف وخلي يعطوك حكم ويبطلوا يعدبوك
ايهاب اكتفي بالصمت وقعمز في الزاويه وهوا ضام رجليه لي صدره وسارح
الضابط سيبه ومشي .....
ساره : كلام الضابط صح
ايهاب اكتفي بالصمت ومردش
ساره حطت راسها ع كتفه : حبيبي صدقني ربي حيديرلنا طريق
ايهاب ابتسم ع جنب ونزلوا دموعه يلي زادوا جمال عيونه العسليه : انشالله خير
-------------------------------------
طق طق.....
علي "النائب" يرجع في اوراق قدامه : ادخل
احمد خش : السلام عليكم
أنت تقرأ
بالجرم المشهود
Horrorقصه من واقعنا العربي ،دور احداثها داخل السجون ، تعديب وقتل دفن خارج ايطار القانون روايه لا تفوت ....قرائه ممتعه هناء عبد الفتاح عاشور
