ذنوب ليست لنا ..

البارت 7

#ذنوب ليست لنا ..
#بقلمي park_hiu_je
#البارت السابع

...
يگلبي احبابك بعااااد دمعك ما يردهم !
...

الجدة : عله كيفكم خلي نشوفها ليش ما تريد
ابن عمها ؟ ليش يمة بلقيس ما تريدي
شو رجال حوگ ومية وحدة تتمنى

بلقيس : بيبي اني اريد اكمل دراستي

الجد : بس احنة ما عدنة بنية تفوت وتطلع
البنية مردودها لبيت زلمتها !!!

بلقيس : ماعرفت شجاوبهم واني اعرف
كولش زين عادتهم وتقاليدهم الكل التزم الصمت
باوعت لهذة راس البله ابو جگارة منزل راسه
ومكور ايده مبين عصبي ..

رجعت باوعت لبابا بترجي وتوسل
وعيوني تكله بابا ماريد اتزوج .. بس هو
كأن عيونه تگلي يبنتي وافقي ولتكسرين
چلمتي كدام ابوية .. هذا ابوية واعرفه
فجأة حجة هذا ابو جگارة ..

حمزة : جدي عن إذنك بس مو المفروض
تاخذ رأينا وتناقشنا بهذا المـوضوع ؟
يعني هذا زواج مو لعبة

الجد: هاي تاليتي حفيدي يعلمني الأصول
يا خسارة التربية والتعب بيك

:- جدي مو هيج الگصد
وانت ابو الأصول ونعالك تحطه على راسي
ما اعترض بچلمة ..
بس جدي مو زواج ومسؤولية وحيآة

فهد : يابه يعني انته ما كايل للشيخ
وما ماخذ رأيه؟

الجد : انه كلت بت عمك وانت اولى بيها
من الغريب .. تريد نأجل سالفة الزواج شوي
ما عندي مانع .. بس تحلم چلمتي تنكسر
واذا قدر الله واخذ امانته ..

الكل : عمرك طويل

الجد : كلنه عله هالطريق اييه اذا الله
اخذ هالروح وصيتي تتزوج بت عمك

فهد: يابه اذا هو ما مارايدها ما مجبور بيها
اخاف بـاجر يكسرها بضرة وانه بنتي
بنت دلال ما تهون علي دمعتها

:- لاا بوية فهد انه ادري الشيخ حمزة
رجال حوگ والنـعم واخو خيته لوما اعرفه
راح يصونها ما اختاره الها هي حفيدتي
عزيزتي وانه ما يهون عليه تروح للغريب
اللي اخافن ما يسعدنها

بلقيس تشجعت وكلت  :  اسمحلي جدي
انت لو صدك تعزني وتدور سعادتي
ما تجبرني على شي ما اريده !!

الجد : بوية انه ادور مصلحتچ
واعرف ابن عمج كدها وكدود

:- جدي اخر همي الزواج
طموحي اكمل دراستي واتوظف
ويصير الي قيمة وقدر بالمجتمع

:- هيبة المرة بهيبة زلمتها ..
وانه انطيكم فرصة تفكرون واجي اسمع موافقتكم
وحتى اذا رفضتو هذا ما يمنع اتمم زواجكم

حمزة : جدي اريد احجي وياك لوحيدنه

الجد : تأمر يشيخ وانه عندي شغل بالديوان
امشينا ونحجي هناك ابو كرار شوي والحكني