أُلَمِلَأُزُمِ وِأُلَطٌأُلَبّةَ 💙،

أّلَخَأّمََّس عٌشٍر

•بعد مرور شهر•

جمان/كاعدة بغرفتي الجو صار بارد لفيت البطانية علي غطيت راسي طلعت بس وجهي وادرس اجتي المدرسة واجتي وياهه تحاضيرهة ضل بالي علئ اية اتكول ننتصل علئ اخوي وماكو ماعرف ليش كلساع انتصل عليهة حتة اعرف اخبارة صدك ضل بالي يمة درست التاريخ كملته وخذيت الرياضيات انتصل التلفون رفعته حتة اشوف منو رقم سويته صامت وكملت دراسة فصل ورجع هم انتصل الساعه11منو هذا شوي وجاني مسج ع الواتساب صار عندي فضول اشوف منو سديت الكتاب وفتحت الرساله باوعت علئ خلفيتة ركزت بيهة
اي هوة والله بس شنو رايد مني؟؟

سيف/هذا الشهر كلس تعبت نوم ماكو اصلن واربعه وعشرين ساعه واكف وكلساع هبطة لو راح يدخلون علينة لو قاصفينة لو قاصفيهم الواحد ما ضامن نفسة يعني بأي لحضة واحد تنتهي حياته
ماعرف ليش بالي يمهة صح مشغول بس تفكيري بيهة مجاي يفاركني الدنيا ليل كلفت واحد يوكف بمكاني ودخلت الغرفة الاستراحة سحبت التلفون ونتصلت عليهة ماعرف ليش بس حبيت اسمع صوتهة انتصلت عليهة مرتين مردت دزيتلهة مسج اعتقد حتعرفني من خلفيتي
-شلونج
بقيت منتضر ردهة

جمان/جاي اتخيل لو حقيقة شنو رايد مني ارد لو لا من شافني شفت الرساله رجع انتصل هم مرديت اجتني رساله كاتب بيهة ردي ورجع انتصل ما احجيلكم علئ التوتر الي صابني ايدي ترجف فتحت خط اجاني صوتة تعبان

سيف/واخيرآ رديتي اكيد متفأجاه لان انتصلت بيج بهيج وقت اعتذر

جمان/لا عادي مصار شي

سيف/شلونج

جمان/الحمدلله انتة شلونك
اخذ نفس وحجة

سيف/موزين وكلش تعبان بس من سمعت صوتج صرت تمام

جمان/ماعرفت شنو احجي ليش جاي يحجي وياي هيج سكتنة اثنينة حجيت اني
ليش مجاي تنتصل علئ اهلك خطية باقين بقلق عليك

سيف/مفارغ والشبكة مو زينة هنا

جمان/حتة لو تنتصل عليهم هسة وطمنهم

سيف/اوك
جمان

جمان/نعم

سيف/فكرتي

جمان/بشنو

سيف/هيج يلة اترخص بس حبيت اسمع صوتج اسف ع الازعاج

جمان/عادي
فصل الخط ليش ضاج شنو الي لازم افكر بي
•
•
•
بدر/ليش ضايج

سيف/اني لا مضايج علئ شنو اضوج

بدر/اذا تعبان روح ارتاح صارلك يومين منايم

سيف/ماريد طار النوم من عيني بس تدخل انطيني حباية وجع راس

بدر/هسة اجيبلك