مساء الخير
قدري المؤلم
البارت ١٤
عطر الورد 🌹
ريام،،، كل الفتره الفاتت خلصته بين البيت والدوام سنه وره وفاه بابا واني ماكو تغير بحياتي وره السنه بشهرين بيوم اني بدوام قبل لااطلع من الشركه دز عليه ابو كرار رحتله للمكتب دكيت الباب ودخلت لكيته محضرلي شكم ملف مراجعه راجعناهم سويه مابيهن اي أشكال واخر شي قبل لا اطلع ابو كرار كال اليوم بليل جاينكم اني وأم كرار استغربت من جيتهم بس مابينتله بالعكس رحبت بفكرته بعدها عفته وطلعت ورجعت لمكتبي خلصت شغلي البقيه آخر شي انتهه الدوام مر رياض عليه وطلعنه سوه للبيت برجعتنه حاجيت رياض وكلتله اليوم ابو كرار هو ومرته يردون يجون علينه هم عندك علكم بهيج شي من سمع كلامي هم استغرب من جيتهم كل ضنه جيتهم الخاطر الماما لأن دائمن يسمعون بيه مريضه وأخذ اجازه علمودها وصلني رياض للبيت وراح دخلت للبيت لكيت براء وماما كاعدات بلمطبخ ومرت عمار وجهاله يمهن كاعده سلمت ورحت بدلت ملابسي وتوضيت وصليت ورجعت نزلت لكيتهم محضرين الغده والولد جاين صبينه الاكل ورحنه بل الصاله نجمعنه سوه علئ غده بعدها خلصنه ولمينه هوستنه وغسلنه اماعينه وجاي صبيناه خلصنه كلشي ونطيت خبر الماما علمود جيت ابو كرار عفتهم وصعدت نمت لأن تعبانه للعصر كعدتني براء علمود سهئ ورياض اجو علينه
كمت من الفراش طلعت للحمام غسلت ورجعت لفيت حجابي ونزلت جوه لكيتهم كلهم ملتمين حتئ بيت عمار جاين وكاعدين يشربون جاي وكعك جايبين ويدكون سوالف دخلت يمهم سلمت وكعدت علئ واهسم هم شربت جاي واكلت كعك بعدنه كاعدين نسولف وجهال ماخذيلهم هم صفحه لعب وصايح دك موبايل رياض والعرفته المتصل ابو كرار ضل يسولف وياه وختمه المكالمه بس ماحجه رياض شي سوالف مستمره والكعده حلوه قبل لا اصير صلاه المغرب ردنه تبلش بلعشه بس عمار ماقبل كال اني اجيبلكم من بره
براء كيفت خلصت من سالفه الماعين
طلع عمار عاف الولد وراح يجيب اكل واني واخواتي رحنه نصلي وره ماخلصنه صلاه حضرنه شغلات بسيطه للعشه بس زلاطه وفواكه ودخل عمار جايب كباب وبيتزا للجهال ولبن وبيبسي وحلويات انطانه الغراض وراح واحنه بلشنه بتحضير هن علئ ماخلص عمار صلاه فرشنه سفره ونجمعنه كلنه سوه علئ العشه رياض الوحيد متعلمين نكعد يمه وناكل مانستحي لأن قبل لايصير رجل اختي هو ابن عمي
خلصنه عشانه وماعدنه هوسه بسرعه لملمنه المطبخ وحضرنه صينيه جاي والقوري واخذته سهئ وراحت للصاله صبت الجاي واحنه وراها رحنه كعدنه يمهم هل مره الولد خابصينه بلعبه البوبجي ومخبوصين بيه وعايشين دور وبراء تريد تنزله بس جهاد متيخليهه وهيه ضاله تتحرمص علئ العبه وسهئ ناصبه عليها آخر شي عافتته وراحت ضاجت واحنه كاعدين والولد مندمجين ندكت الباب طلع جهاد
شوي اجه وكال ابوكرار وياه مره اجو الولد طفرو الاستقبال
اني رحت للمطبخ وهمه دخلو ابو كرار الاستقبال شويه وسمعت صوت مرته بقيت كاعده بلمطبخ استحي ادخل يمهن بس حضرت المي وكلاصات اجه جهاد اخذ مي وكال حضري جاي وطلع واني هم حضرت الصينيه والاستكاين شوي ودخلت سهئ كالت عيب شكو خاتله تعالى يمنه عيب عفتهه راحت يمهم واني حضرتلهن صينيه الهن خليت الاستكاين وكلاص مي للمره صبيت الصواني ودكيت علئ جهاد بلموبايل شوي اجه اخذه وراح واني شلت الصينيه وطلعت من المطبخ للصاله اول مادخلت سلمت علئ ام كرار
وقدمتلهه جاي ومي بس ماشاء نصدمت بمضهره ولا كنما ولده اكبار مبينه مهتمه بنفسه هواي ومبين عليه ملامح التكبر والغرور من كميه لبس الذهب الابسته بعد ماسلمت كعدت يمهن بس اضاهر ام كرار حتئ من تسولف جر بالكلام جر مدري جايه علئ أعصابه ومانعرف لحد الان شنو سبب زيارته النه لان حتئ من توفه بابا مااجت ولا متخالطه ويانه خلصت اسوالف علينه شكال الصايغ افلان واشتريت من صايغ العلان ودخلت للمركز الفلاني واشتريت هيج حاجه وسوالفه كلش كلش ماعجبتني آخر شي وقبل لا تطلع نصدمت من وجهت كلامه وكالت انتي ريام لو موانتي
ماما جاوبته بلطافه اي عيني هاي ريومه هيه من جاوبته ماما وعرفتني ضلت اباوع عليه شوي وبعدين ضلت تسولف شلون ابو كرار دائمن يمدحلهه بأخلاقي وصدق عملي واخر شي طلقن القنبله والحجايه الكالتهه صدمتني من حجت وكالت احنه اليوم جاين وابو كرار الجابني ورايد بنتكم ريام الابني أمير واني من بعد كلام ابو كرار مااكدر احكم وضلت تكسر وتجبر بسوالفه الفهمته منه هيه إرادته الولده رايده من بنات اخته بس اضاهر مابيده اي أمر
