(استنت امينه زياد لما يخلص الاجتماع)
امينه: استاذ زياد انا اسفة
زياد: بقى أنا اهلى معرفوش يربونى دة انا هوريكى
امينه:تعرف حضرتك انا اول ما شوفتك كدة قولت انك قمه فى الاحترام والأدب
زياد:بس معلش مش هقبل اعتذارك
امينه بعصبيه وصوت عالى : يعنى اية بقى مش هتقبل اعتذارى انت مش عارف انا بقالى 4 سنين فى الشركة وأن دة اول اجتماع ليا بعد ما والدك وافق انى احضر وفى الاخر تيجى انت وتطردنى
زياد:هو انتى صوتك عالى ولا بيتهيالى
امينه:انت اللى بتعصبنى ولا انت فاكر علشان انت مديرى هسكتلك
زياد:طيب بصى بقى مش أنا طردتك من الاجتماع صح ولا لا؟
امينه: صح
زياد : بس انتى شكلك كدة عايزانى اطردتك من الشركة كلها
امينه : لا طبعا
زياد: يبقى خلاص صوتك ميعلاش هنا تانى ويالا على شغلك
******************
(راحت امينه على كافتيريا وهى هتتشل)
ريهام : اعتزرتيله ولا كرامتك لسه غالية
امينه: انتى تسكتى خالص علشان انتى السبب
ريهام :انا السبب! لى هو انا قولتله انك مش متربى
امينه:لا بس انتى قولتيلى روحى اعتزريله
ريهام بابتسامة: يعنى اعتذرتيله؟
امينه بصدمه : هو انتى مالك مبسوطة كدة لى
ريهام :علشان اللى يشوفك من شوية ساعت كنت بتقوليلى استحاله اعتذره وكرامتى غالية
امينه : ما هو مش علشان قمر و كيوت و عسل و مغرور هسكتله (و هى بتقول الكلام دة كان زياد وراها )
ريهام وهى بتغمزلها : بس هو بردو مديرنا لازم نحترمه ونسمع كلامه
امينه :انتى بتغمزيلى لى وكمان وانا هسمع كلامه لى هو ابن خالتك وانا معرفش
زياد: لا مش ابن خالتها لا
امينه بصدمة :انت ااااا
زياد: انا اية مالك هنجتى كدة لى
امينه :وانت مالك اقول انا عايزاه
زياد : انا مالى! لو مكنتش قفشك وانتى بتعكسنى
امينه : بعكسك اية هو انت فيك حاجة عدله دة انت شبه جزمة الفى رجلى
زياد: هو انا تقريبا حظرتك انى على وشك طردتك من الشركه كلها .وشكلك عايزة تطردتى دلوقتى علشان كدة بتحاولى تستفزينى
امينه:لا ابدا طرد اية .تعرف حضرتك انك فيك شبه من والدك
زياد :طيب خلاص صعبتى عليا تقدرى تحضرى الاجتماعات من بكرا
امينه بفرحة : متشكرة جدا جدا عن ازنك بقى قبل ما تغير رايك
***************
( رأيكم)
