المقدمة ♥

86 2 2

بواسطة Anobapanda

بقلم Anobapanda

﮼رواية،عناد،الحب *❤️
﮼للكاتبة :❤️Anobapanda

تزوجنا بعد عرم مشاكل تزوجنا بعد كل شي صار معانا اليوم فرحي مع شخص الي صبرت اني وياه ع كل الي صارن معانا زعمك بيهنيني زعمك ح يقعد يحبني زي مايقول حتى بعد عاندت امي حتى بعد عاندت خوتي وعاندت كل ناس الي يحبوني باش ناخذه 💔 امي تغيرت عليا لان اخترت شخص هيا ماتبيشي مش متريحتله وتقولي سيبيه هذا مش ح يريحك بس اني سكرت راسي وقتلها هوا بس نتعارك اني وامي كله يوم عشانه تزوجته وامي مش راضية عليا كييف بتكون حياتي ؟؟؟؟💔

نسيت ماخبرتكم اني ايات مواليد 90 طولت ماتزوجت كل بنات الي نعرفوهم وخواتي صغار تزوجو بكري وجابو الا اني كنت نرفض ف زواج اكيده عرفتو ليش صح 😂🤧
احني عيلة متحفظة بكل ماعندناش بنت ادير علاقة وحب والخ... خوتي متدينين وخواتي يصلو ويحفظو في قرآن الا اني كنت مدايره سبلتي حوش ومطبخ ومانفضاش باش نحفظ وصلاة كنت نصلي صبح اول مانوض وباقي كله مع بعضه
*تعالو نعرفكم ع عيلتي جميلة ❤️
*الاب سالم إمام في جامع خاتم كتاب الله كل ناس تحبه وتحترمه راجل يوقف مع كل حنون وطيب عمره ماضربنا ولا قسي ع حد منه.
*الام عائشة حنونة وطيبة وجميلة بكل ❤️🥺 كل ناس تحبها وتحترمها معروفة انها فزاعة وتوقف مع كل وعرس تقيمه لك بدون ماتشكي تحبنا بشكل كبير وتخاف علينا ممكن نقولك اضحي بروحنا عشانا ودير كل شي ديما تقول اني راحتكم عندي ب دنيا وكلمتها هذه هيا الي خربتني اني ح نقوللكم ليش بعدين ❤️

*الاخ الاكبر علي متدين ومتزوجة مرأة سلفية اسمها فاطمة زي عسل عمري ماحسيت انها مرت خوي نحس فيها اختي عندهم بنية اسمها عائشة على امي زي الغزال 🥺❤️وهيا حامل 🤰🏻

*هذه اني 😁 ايات اخت كبيرة واعرة الي كل يحوش يخاف منها ب كلمة بس مني يعم سكوت في حوش 😂🤧 كملت قرايتي ف الاقتصاد وخذيت شهادتي خدمت فترا بعدها سيبت فترا الي خدمت فيها هذه تعرفت ع شخص اسمه خالد وقعدنا اصحاب وبعدها تطورت علاقتنا وقعدنا نحبو بعض لينا تو 4سنين علاقة ح نحكيلكم بعدين طريقة تعارفنا وغيره .

نكمل تعريف 😁❤️

*خوي عبد الرحمن اصغر مني ب سنتين متدين طبعا بس كان عصبي وواعر هوا وحيد الي عارف طبي 🤨😂 والي كنت نخاف منه بصدق عاقل ومش امتاع لا زواج ولا خطوبة مع انه كان حد زين وملامحه الي يشوفه معاش يقدر ينساه ...

*اختي مريم مواليد 94 متزوجة وعندها ولد وبنية
تزوجت زواج شرعي تقليدي زي مانقولو احني (قطوس في شكارة )😂😁 بعد تزوجت حبت راجلها وراجلها حبها وعايشين احلى حالة حب. كنت تقريبا نحسد فيها ع راحتها ونقول حتى ني بعد ياخذني خالد ح نتريح زيها 💔🥺 اختي مريم كملت قرايتها ف حوش راجلها لان بوي يشرط ف قراية ،قعدت تخدم معاه بس خدمتها ف حوش .

*اختي نورا مواليد 97 متزوجة ليها سنة بزبط تزوجت نفس مريم نظرة شرعية عجباته وعجبها نخطبو وتزوجو وحتى هيا متريحة وعايشة حالة حب معاك وخداني💃🏻 بس مازال ماحملتش لانها تبي تكمل قرايتها قبل 🙃

*اخر العنقود عبد الله مواليد 99 هذا مش متدين. ومتهور كيفي 😁 لهذا كنت نحبه هوا اكثر واحد حنون علينا وطيب وعنده خواته ب دنيا ❤️🥺 وهوا وحيد الي وقف معاي ف زواجي مع خالد .
##########
هكي كملت عيلتي ❤️🙈 خليني نعرفكم ع صاحبتـჂ̤
طبعا اني كانن عندي عرم صاحبات بس كنت نسيب فيهم مانكملش معاهن بذات لما يعارضوني ع خالد ويقولو هوا مش لك .!
وحيدة الي قعدت معاي هناء من جامعة واني وياها صاحبات هناء ماكنتش تختلف عني واجد حتى هيا علاقة مع حد تحبه وخذاها هلها وافقو طول مافكروش انهم يرفضو لان كانت مخبرا امها انها تحبه وتبيه عائلتها تختلف ع عائلتنا واجد بكل .

*بطل رواية خالد 🤧❤️
خالد اكبر مني ب 5سنين شركة الي خدمت فيها ني كانت شركة بوه عائلتهم ديما مشاكل خوت يتعاركو وبات متزوج 3 وحياته متلخبطة بكل ومش قادر ع اولاده وكل مرا حد منهم محبوس خالد كان يحبني بشكل مستحيل نوصفه ليكم❤️

ح نحكيلكم قصة تعارفنا ني وياه ❤️🤤

كان اول يوم ليا في عمل و متوترة بكل بوي خوي وافقو ع عمل عشان عمي شكرلهم شركة 😑
لبست عبايتي شرعية ومكياجي خفيف لانه الي وصلني بوي لو كان عبد الرحمن راهو خربلي وجهي 😑
وصلت للعمل حطيت عطري وخشيت عطيتهم اوراقي ودزوني لبنت باش تشرحلي نوع عمل وبديت نتعلم وبسرعه ماتعلمت لدرجه ان خو خالد محمد انعجب في سرعه فهمي وعملي عطتني بنت ورقة قاتلي رقيها لمدير محمد عطيتها له وقعد يتوددلي ويضحك معاي واني طبعا قعدت نضحك معاه مافهمتش ليش مهم طلعت من مكتبه واني نشوفله ونضحك معاه وهوب ينقلب مسلسل تركي ونخش في واحد زي ساس 😂😂😂💔 اكيده عرفتوه منو صح. طبعا خالد وللامانة نسيت اني في شخص اسمه محمد ذبت في جمال خالد وفي عيونه الي كانن سود وكبار لا اني قدرت نحول عيوني عن عيونه ولا حول عيونه عن عيوني 🙈🤨 وبطتنا بطة بطتكم 😂😂😂🤧💔 ومن هنا بدا حبنا الكبير الاول والاخير 💃🏻

*سادكم يوم لعند هنا 🤨❤️ هي تفاعلو ع رواية واحكولي شن رايكم فيها 🥺🙈 .وكالعادة رواية من خيال ❤️

#أنـوبــة 🥺❤️