عند عهد رجعت ولفت بعد م سمعت صوته: عهد نزلت رأسها ودشت، بدون ولا كلمة طالعها باستغراب لأنها اول مره تيي بيته بروحها: فيج شي طالعته وآثار الدموع ع ويهها، هزت راسها بلا عقد حواجبه: عهد انتي باجيه عهد بجت بقووه: وليد انا تعبت قرب منها أكثر ومسك ايدها: اشش اهدي قوليلي شفيج، وليش طالعه من البيت هالحززه عهد قعدت بضيج: مو مهم طالعها وليد واهو مستغرب من حالتها، قعد يمها عهد طالعته: تخيل بعد هالسنوات، وكنا ننطر نخلص الجامعه عشان نتزوج ويقول يبي يأجل تنهد وليد واهو فهم عن منو تتكلم: ليشش عهد طالعته: مادري مادري هذي المشكله مادري وليد بهدوء: م سألتيه شالسبب عهد: سألته بس يقول ماكو شي بس من نفسه وليد سكت واهو مو عارف شنو يقول لها عهد: قعدت امشي وحسيت اني ابي اشوفك وأفضفض لك وليد هز راسه لها وحضنها له واهو يهديها بعدها شالت نفسها واحس عمرها هدت شوي وليد: زين قومي اوصلج بيتكم الوقت متأخر عهد سندت رأسها ع الكنب: تصدق مالي خلق وليد رفع حاجب واهو يبي يمحي شعوره من قربها له، خلاص اهي الحين مخطوبه م راح تكون له عهد بحماس: وليد عادي انام هني اليوم، بغير جو وبحاول م افكر عفييه وليد بلع ريجه، اووف شنو هذي تبي تينني: واهلج عهد بدلع: اوف وليد عادي، انت دق ع ابوي وقوله، وبعدين انت مو غريب عشان تقول جذي، وطالعته بنظره: عفيه وليدد تنهد: زين بدق عليه وإذا وافق قعدي عهد بحماس م تدري شسببه: يسسس
الصباح بشقة نايف قامت من النوم واهي تحس نفسها تعبانه عقدت حواجبها واهي تشوف التاريخ: اووف موعدها حطت ايدها ع بطنها ودشت الحمام، خذت لها شاور دافي وطلعت وللحين فيها التعب، ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
راحت المطبخ واهي تشوفه مليان من الأغراض لأنها م استخدمت اي شي للحين من اللي يابه لها نايف، بعد م راح السوق واخذ لها أغراض واكل وملابس وفون تنهدت بتعب، واهي تشيل النعناع، عشان تسوي لها مشروب دافي لأن الدوره شرفت بس تذكرت ان نايف م اخذ لها احتياطاتها أبرار بتعب: اووف يعني شنو تتوقعين اييب لج أغراض الدوره، شيدريه اهو وشلون اقوله صج م استحي قعدت تفكر شتسوي، لازم تروح الصيدليه تاخذ لها وما تدري إذا اكو صيدليه هني والا لا ابرار بتفكير: لازم انزل واشوف إذا أكو صيدليه، معقوله اقعد جذي بدون شي حست بألم بطنها يزيد، ردت للكنب وتمددت عليه واهي تضغط ع بطنها وتحس نفسها بتبجي بهاللحظة سمعت صوت الباب، بالأول خافت بس بعدها ارتاحت لما شافته نايف نايف اول م دش شافها متمدده ويبين انها تتألم: قوه أبرار بهدوء: الله يقويك نايف: فيج شي أبرار حمرت خدودها، شلون تقوله الحين: لا ماكو شي حاولت تقعد بس حست بألم ببطنها: اااه نايف راح لها ومسك ايدها: شفيج نزلت دموعها من الحيا منه: ماكو شي بس بطني نايف: شفيه م قدرت تتكلم وبدت دموعها تنزل نايف حس انه فيه شي جايد: زين اهدي الحين افحصج غمضت عيونها: لا مو لازم انا اعرف شفيني نايف باستغراب: شفيج غطت ويهها باحراج منه وبجت حيل نايف انصدم هذي شفيها: أبرار تحجي شفيج أبرار وللحين مغطيه ويهها: الدوره نايف ابتسم واهو اخيرا فهم، وحس فيها منحرجه: اممم صج نسيت، الحين انزل الصيدليه واييب لج هزت راسها بايه بدون لا تطالعه قام نايف وطلع من الشقه واهو يبتسم ع شكلها المحمر
