رقية بخرابة تنتحب بليل ولبوها حنت ..!
بعبرة ودموع الهاملة لزينب الحرة اتعنت .
ياعمة مليت الصبر وروحي لبوي اتمنت .
دارت وجهها بت علي لارض الطفوف و ونت ..!!
و سلت الطفلة بالعذر ..ياعمة لازم ننتظر ادريج مليتي الصبر وادري بكلبج من جمر وبصدرج تلوج اللوعة ..
نامت الطفلة وصبحت كبل الفجر مفجوعة يا عمة اجالي والدي بالطيف تجري ادموعة .. ناشدني المن دمعتج جاوبته انه موجوعة ..!!
علة فراكك والدي كل مالها جاي تزيد .. وحبل اليسر يا والدي مشدود ويحز بالايد ورمت متوني من الضرب هذا اثر سوط ايزيد ..!!
صوت البجي منها علة وبصرخات صااحت يااااااحسين ...!!
صوت البجي هز العرش وتلاطمت حور العين ...ويزيد فز من نومته وصاح البجي هذا منين ؟
كالولة طفلة ميسرة مرعوبة وتريد حسين ..!! كاللهم الراس بطشت ودولها شمتانين ..كالوله ما تحمل فجع عمر الطفلة اتلث اسنين ..!!
كالهم اي ودو الراس بلــﭼــن تبطل ونها شافته مكطوع بطشت واعليها اشتد حزنها شبكت عليه ونادته بنتك ازرك متنها ..!!
افتح عيونك والدي بالبضعة انة اترجاك عندي عتاب لحضرتك يحلا العتب بس وياك سولفلي انام بيا حضن وشلون احمل فركااك !!
كابلت وجهه بالوجه وبس تنسمع نحباتها هالطفلة موقفها صعب هلحيرت عماتها.. لن ساعة لن كف البجي وبطلت من وناتها !!
وزينب الحرة ام الخدر ضلت تأشر بالرمز نامت رقية من التعب بطلن بجيجن لا تفز صاح العليل وعبرته بكليبة ﭼالخنجر تحز..!!
ماتت رقية من الحزن شيليها عمة من الراس ..شالتها لن دمعة بجفن مكطوعة منها الانفاس بحضين زينب ذبلت كالوردة مجروحة احساس صاااحت زينب بالقهرررر ترضة الهضيمة عباااس ...!؟
ادريك خوية ياا نفل لا والله ماترضاها وهسها حسيت بجمرتك ولهيبها ومجواها خدري امانة ابركبتك حيدر علي خلاها وانة رقية بركبتي امنها ابوها المذبوح وكلي امانة بركبتج يا خوية كبل ماروح عينج عليها لو رحت تراها طير ومجروح ..
وانة عكبكم هل ضعت وضاعت رقية ويااي
