هـروب " حياة ثانية " ❤️

الـمقـدمـة ❤️

رواية : هروب تحت عنوان :" حياة ثانية " ❤️

للهاوية : Alaa Hassan ❤️
الـمقـدمـة ❤️
اللهم صلي وسلم على سيدنا محمد ❤️

ياما سمعنا ع قصص البنات الي يهربن من هلهن ، واغلبهن مصيرى انتهى بالقتل او قلة سماح ، ونادرا ماتنتهي بسماح هلهن ، قصتي اليوم مختلفة تمامآ ع القصص هذنا ، ح ندمجلكم اكثر من قصة في قصة وحده ، القصة الرئيسية مختلفة ومميزة بس القصص المتفرعات ممكن يكونن مرات عليكم ، خلوني نعطيكم نبذة بسيطة عليهن ❤️

القصة 1 :
عادتا البنت تهرب من هلها بس بنت هلها يساعدوها ع الهروب ؟ امتى عمرها صارت هذي ؟ كيف هل يخلو بنتهم تهرب ؟ ومن من تهرب اصلا ؟ وشن مصلحة الهل انهم يهربو بنتهم ؟ 

القصة 2 :
فتحت عيونها ع الدنيا ومالقتش باتها وامها موجودين ! ، وكل ماتسأل عليهم ماتسمعش غير اجابة ان باتها وامها توفو في حادث من زمان ، وكل ماتطلب صوره لهم يتحججو بأنه صورهم انحرقن من زمان ، الكلام هذا صح ولا فيه قصة ثانية ؟

القصة 3 :
القصة هذي متكررة في اكثر من رواية وحتى في الواقع ، الجد ظالم وحاكم ع ابنائه كلهم ومافيش حد يقدر يناقشة ويفتح فمه بحرف ، توصل بيه الحقارة ان يفرق ام عن بنتها ، ويقتل بنت بنته قدام باتها وامها وماحدش فيهم يقدر يدير شي ، ويطلق بنت ولده من راجلها الي تحبه ويجوزها لولد عمها الي متزوج ويحب مراته ، هذا حيوان مش انسان

القصة 4 :
كانت حياتها مع خوها في وسط المدينة بسيطة وجميلة ، فجاءة تلقا روحها في وسط الريف مع مرأة كبيرة في العمر مايربطهاش بيها اي صلة ، كيف ؟ وامتى ؟ وليش ؟ ماحدش يعرف

القصة 5 :
كانت قاعده في فرح صحبتها وتلعب وتضحك وترقص ، فجاءة في رمشة عين تلقا روحها في قسم الشرطة متهمة بقتل صحبتها العروس ، كيف صار ؟ هل هي قاتلتها صح ولا في ملعوب ف القصة ؟ وكيف تقدر تثبت برائتها وهي كل الادلة جايه ضدها وكل شي يثبت انها القاتلة ؟

القصة 6 :
بنت عادية جداا مخطوبة لشاب احلام كل بنت ، وحياتها كانت حلوة جدا ، لعند فجاءة تكتشف ان امها حامل ، المشكلة مش هنا المشكلة ان باتها متوفية وامها مش متزوجة ؟! ، والكارثة ان امها حامل من خطيبها ! ، شن ح تكون ردة فعلها وكيف ح تواجه الامر هذا

القصة 7 :
فجاءة وبدون سابق انذار ينقلب الفرح لعزاء وخيم الفرح ينقلبن خيم عزاء ، هي مش مستوعبة كيف تؤامهاا الي كانت معاها من ساعتين توا مقتولة قدام عيونها ، هي متأكده ان صاحبة اختها مش القاتلة وان في ملعوب كبير صاير وماحدش يعرفه ، شن الي مخليها متأكدة ؟ ومن الي قاتل اختها ؟ وكيف تبي تثبت الشي هذا ؟!

القصة 8 :
مقولة " النصيب اقوى من اي شي " ، ح يمشو بيها ابطال روايتنا ولا ح يحاربو النصيب عشان ياخذو الي يبوه ؟

كل قصة مختلفة ع الاخرى بس كلهن تجمعهن قصة وحده ❤️ ، الاسرار كلهن ح ينكشفن ومافيش شي ح يبقا مدفون ، بس ياترا هل ح يتغلب الخير ع الشر زي ماتعودنا نشوفو في الروايات والرسوم والافلام والمسلسلات والقصص الدينية ؟ ، ولا في روايتنا هذي ح تنقلب الموازين ويفوز الشر ؟ ، بس قدرة ربي اكبر من اي شي ، والمكتوب مافيش منه هرب ❤️

يتبـع ❤️ .

رأيكم ؟ وعطونيي اسماء حلوات نختارهن للأبطال ❤️