✨الاسطورة ✨

.....: شنو قلت ليك هاا ( بصوت مرتافع ) قلت ليك تكملي خدمتك غتخرجي تقااودي عليا
مخلاش ليها المجال فاش تهضر جرها من شعرها نيشان لجيهت الباب حلو ورماها بعنف ... مد يديه لجيبو فتح محفضة النقود هز مبلغ بعشوائية و رماه على وجهها ... دخل و لتخ الباب بجههد مخليها كتدور الايزار على جسمها العاري و دموعها دايزين ... هز قميجتو لبسها هز الفون ديالو ... وخرج من الجناح كانت ديك العاهرة مشات ... كمل طريقو عاقد حواجبو خرج من الاوطيل ... نيشان للباركينغ ..حل ليه واحد من ليكارد ديالو الباب .. ركب و ديمارا اللوطو طاير و موراه زوج سيارات من ليكارد ديالو ... مسافة طريق كان واقف حدا فيلا كبيرة خارج المدينة كطل على البحر ... دخل من الباب الكبيرة بعد ما حلوه اليكارد ... حط سيارتو فالباركينغ لي تما وخرج عاقد حواجبو دخل للفيلا نيشان لجناحو لي كانت كيتوسطو سرير كبير و فجنبو بالكون عريض كيطل على البحر ... رما الكونطاكت و الفون فوق السرير و توجه لحمام .
نزلات من الطاكسي حدا الباب الكبيرة ديال الجامعة .... دورات عينيها فين موالفة صاحبتها كتوقف ... علات يدها كتشير ليها مبتاسمة ابتسامة هادئة .. محسات غير بسيارة وقفات حدا رجليها ... حتا قفزت حاطة يدها على قلبها ... رجعات زوج خطوات للور ... تنهدات بانزعاج و هي كتلمحو حل باب السيارة خارج منها ... رجعات مكملة طريقها حتا حسات بقبضتو على دراعها ... دورات راسها ليه عاقدة حواجبها .