هو انتَ مثل السالفة الما تنگال!
سر يم فضولي تردله روحه حچاية.
كل غاية تحتاج لوسيلة وتبرير
وانتَ الوسيلة البررتها الغاية..
تروح.. ماتروح إنتَ وياية
النهر باقي شما يسافر مايه
هو الهوى شما يمشي ما چنا يروح
وشما مشت ما تنقص المشاية...!!زهرة:
اباوع ومصدومة !! معقولة يطلع هو ..
دخل وكعد علئ طاولة كدامنا وهو مامنتبه يلعب بتلفونه
واني اباوعله ومقهورة ..
نسخة من جسار!!
العيون واللحية والحركات وكلشي .. ..
كلبي ضل يدك بقوة وانقهرت حيل لأن جنت عبالي هوه وطلع مجرد شخص يشبهه ..رجعت اكمل اكلي بس انسدت نفسي وضليت اشرب بس عصير ..
كل شوي اباوع عالولد الي يشبه جسار
عيوني انملت دموع ..
دنكت ودرت وجهي وصرت امسح دمعة وتوكع الثانية ..انتبهت الولد خلص وطلع ..
واحنه هم طلعنا ، من طلعنا جان هو واكف ومنتجي علئ سيارة كبال المطعم ويخابر ..
وكفت ماما يمي وسألتنيام زهرة: شبيج؟
زهرة: اتنهدت وكتلها ...مابيه شي
مشينا وانداريت اشوف اليشبه جسار
انداريت باوعتله وهو ضل يباوعلي !!رجعنا للفندق واني راسا رحت للفراش ..
بجيت لحد ماتعبت ونمتاتمنيت لو يدزلي رسالة
اتمنيت اسمع صوته وهو يكلي (بنيتي)
بس لا رسالة ولا صوته ..
ونمت واني اتمنئ اكعد علئ رسالة منهكعدت الصبح الساعة 8 ..علئ صوت بابا وهو يكعدني حتئ اتريك ..
غسلت وجهي ورحت اتريكت
كملنا وبابا كال بدلوا حتئ نطلع
بدلت وطلعنا نفتر بالمولات ونشتري هدايا
اخذت 3 اسوارات بسيطة حيل وناعمة
جان يكتبون عليها الأسماء
كتبت عليها اسمي واسم زمرد ونورهان
حبيتهم كلش ..رجعنا للفندق تعبانين اتغدينا ونمنا
بليل رحنا نزور لان الجو حلو
ضلينا كاعدين بالحرم مالت الأمام
كاعدة وصافنة بحياتي ، جسار مختفي ومايحجي وياي
واني مااتحمل بدونه ..
اباوع علئ شباك الأمام شلون اكو نسوان تبجي ..
بجيت علئ بجيهن ودموعي نزلت
خليت راسي بين رجليه وبجيت
ماما جانت تصلي مامنتبهة وخواتي كاعدات ..
كملت صلاتهه واجت يميام زهرة: ابجي وطلعي البكلبج كله ..
زهرة: رفعت راسي باوعتلهه ودموعي تنزل
اتنهدت وكالت ..
ام زهرة: بجاه الرضا ابو محمد كون تنسينه
وما يجي علئ بالج ..لأن تعبتينيزهرة: يمه ماريد انساه!!
ام زهرة: ادري بيج
بس انتي تعرفين الضروف شنو وعمج منا وابوج
ودراستج ..شلون لعد؟
انسيه وفتحي صفحة جديدة من حياتج والتهي بدراستج يابنيتي ..
الفات مات وصار ماضي ومايرجع بعد ..
أنت تقرأ
نظرات جنوبية
Romanceعندما يجتمع الهدوء البغدادي مع عاصفـةً من الاضطرابات الجنوبيه ... عندما يجتمع القلب النقي ..مع القلب المتهور عندما يجتمع الماء والنار ...تنطفئ النار بسبب الماء لكن!! تبقئ اثآر الحطب المحروق ويبقئ ذلك السواد في قلب تلك الفتاة ... عندما تلتقي الزهرة م...