✨الاسطورة ✨

دورات راسها ليه عاقدة حواجبها .
...... : طلق مني
رد شعرو الاشقر اللور و نطق كيشوف فعينيها بتركيز
سعد : شمس عطيني فرصة ن( قاطعاتو كتنتر دراعها من وسط قبضة يدو )
شمس : قلت ليك طلق مني
طلق من يدها و خشاهوم فجيبو يلاه فتح فمو باش يهضر حتا سبقاتو
شمس جامعة يديها عندها مطلعة فيه راسها : مكاين لا علاقة لا زوج ..غي كضيع وقتك معايا و من الاحسن تبقى بعيد عليا
مخلاتش ليه الفرصة باش يهضر حتا فاتت من قدامو ... بقا متبع ليها العين حتا تاجهت لصاحبتها سلمات عليها و دخلو لجامعة ... تنهد متاجه لسيارتو طلع فيها و حطها فالباركينغ لي تما
دخلات لقاعتها خاشية يدها فدراع صاحبتها كضحك ... حتا كلسو فمقاعدهوم ... سكتات عاطية كل تركيزها للاستاذ و اي معلومة جديدة كتدونها فدفتارها .
خرج من الفيلا عاقد حواجبو كي العادة ... ركب فسيارة اخرى من نوع الرونج روفر ... ديمارا خارج من الفيلا مسافة طريق كان خارج من سيارتو قدام مبني ضخم كلو زاج ... و على الباب مكتوب بخط عريض بالانجليزية (( شركة فهد الاسماعيلي )) ... لبس نضراتو الشمسية و خشا يد فجيب السروال و دخل كيتمشى بالنخوى ... معلي راسو الفوق بكل تكبر .... دخل لاسنسور الخاص بيه مخلي كاع انضار الموضفين متبعينو... ضغط على زر الطابق الاخير دقائق كان خارج منو كيشوف نيشان قدامو ... فور ماشافتو السكرتيرة ديالو تمات تابعاه كتعوج فمشيتها دخلات لمكتب و سدات الباب ....