✨الاسطورة ✨

السكرتيرة : موسيو فهد
كلس على كرسيه متفطح حيد النضارات و فتح الابتوب كيبقشش مخاصرش عليها حتا شوفة
السكرتيرة خدات نفس : موسيو فهد هادو وراق العقد ديال الشركة الالمانية محتاجين التوقيع ديالك باش نبداو فالاجرائات اللازمة ( حطاتهوم ليه فوق المكتب و كملات هضرتها ) و غذا مع الساعة التاسعة كاين اجتماع مع موسيو مراد فمطعم الاسطورة
هز دوك الوراق قراهوم على خاطر خاطرو وقع فيهوم و حطهوم فوق المكتب ... هزاتهوم و خرجات و دقات قلبها علاين يسكتو .
نزلات راسها كتكتب فدفتارها هزات راسها على غفلة حتا لمحات سعد ساهي فيها ... عقدات حواجبها بانزعاج و رجعات متبعة مع الاستاذ ... الوقت داز كيجري ... جمعات دفتارها حطاتو فالساكادو و خرجات مع صاحبتها كضحك
حتا ضارت عندها غيثة ( صديقتها )
غيثة : اوف متصوريش شحال راني متحمسة لحفلة ديال غدا متحمسة نشوف ردة فعل ايوب
شمس شافت وراء غيثة لمحات ايوب
شمس : سربي دغيا راه حبيبك كيتسنا فيك عنداكي يعيق بشي حاجة
غيثة ( سلمات عليها ) لا كوني هانية
و مشات تجري لعند ايوب
شمس عضات علا شفتيها الكادو مشا من بالها نهائيا ... شدات طاكسي مسافة طريق كانت واقفة حدا محل بسيط لبيع الاكسسوارات الرجالية ... دخلات كتدور عينيها و كترجع خصلات من شعرها الاشقر اللور... حتا استقرو عينيها على ساعة رجالية رياضية كلها فالاسود ... تبسمات برضى و هزاتها خلصات مول المحال بثمن بسيط و خرجات من المحل كتمشى بين المارة و لا بد ميلوح ليها شي واحد كلمة من كلمات الغزل لجمالها الروسي لي كياخد اعين الرجال بصفة عامة ... و صلات لشانطي كتحاول تجاهل الشاب لي تابعها من اللور ... رجعات خصلة من شعرها اللور بانزعاج ... يلاه جات تقطع محسات غير بسيارة و قفات حدا رجليها حتا تحكو الروايد ... طاحت للارض على كرشها مكالية بيديها ... خرج من السيارة بخطوات سريعة يشوف الشخص لي كان على وشك عمل حادث معاه .... بقات على حالها مخرجة عينيها اللون هرب من وجهها كلها كترجف بكثرة الخلعة و دقات قلبها مسموع بشكل واضح للحضة مبقات كتشوف والو من غير اللون الاسود و اصوات المارة لي تجمعو عليهوم كتسمع ليها فحال راها فشي بير ... حتا حسات بيدين كبار تحطو على كتافها و تكلم شخص بصوت رجولي حرش