ليش البال بس وياك
يرتاح ادري انت بشر لو راحه البال
---------------------------------------
كملنا الاكل غسلت المواعين محمد طلع برا يمكن طلع ويا اصدقائه (ما اسئله وين رايح ماعليه بي)الحجيه راحت لغرفته تصلي وتقرأ القرأن واني رحت لغرفتي سبحت طلعت وشسورت شعري سويت مكياج خفيف نزلت شفت اسيف بغرفه الضيوف كعدت يمه وضلينا نسولف ونشاقه اخر شي اسيف كال
اسيف : دانيه عندج اخت اصغر منج ؟
دانيه : يي وحده عمرها 16سنه بس ليش ؟؟
اسيف: اي سويلي واسطه 😉😂
دانيه : لا عيني اني تورطت مستحيل اخلي اختي هم تتورط 😂
محمد : ليش مقصرين وياج بشي حتى تكولين اني تورطت ؟؟😡
دانيه : مممممحمد والله جنت اشاقه
اسيف : جاك الموت يا تارك الصلاه 😂😂
محمد : دانيه كدامي
دانيه : تمام . دخلت للغرفه ومحمد دخل ورايه قفل الباب واجه جرني وخلاني علجربايه وهو صار فوگي
محمد : الظاهر مقصرين وياج بشي لو مانعجبج حتى هيج تكولين ؟😡
دانيه : محمد والقرأن جنت اشاقه
محمد : لا عيني يلا احجي شبينه حتى مانعجبج .
محمد جان حيل متعصب ردت اسوي شي واهدي شويه لان صراحه كلش خفت منه اجتي فكره ابالي
دانيه بدلع : والنعم منك مثلك ماكو بالكون 🥺
محمد : تره هاي سوالف ميعبرن عليه 😒
دانيه بدلع : امممم يعني اغير الخطه 😅
محمد خله راسه علصدري وكال : دانيه كلش تعبان .
من كال هيج حسيته من صدك تعبان (امي جانت دائما من نتعب تخلينه بحضنه بأيدها اليمنى تلمس خدودنه وبأيدها اليسرى تلعب بشعرنه )واني هم هيج سويت خليت ايدي اليمنى على خدوده وصرت اتلمس خدوده وايدي اليسرى جنت العب بشعره
دانيه : محمد غمض عيونك ونام
محمد : يعني راح تتحمليني اليله ؟؟
دانيه : صحيح شوي ثكيل بس شسوي غصبا عليه اتحملك 😅
محمد : ههههه .
بستها من راسها ورجعت راسي علصدرها غمضت عيوني ودانيه ضلت تلعب بشعري لحد ماغفيت الصبح كعدت من النوم دانيه جانت بعدها نايمه بستها من خدها وكمت رحت سبحت طلعت شفت دانيه كاعده وتعدل الجربايه
محمد : صباح الخير
دانيه : صباح النور
محمد : دانيه اكول
دانيه : كول ؟
محمد : تدرين رغم عنادج وطول لسانج وخبالاتج وتصرفاتج الطفوليه بس حضنج بي دفئ وحنان بحياتي ماحسيت بي غير بحضنج
دانيه : اممم زين ليش شبي تصرفاتي ؟
محمد : تصرفاتج طفوليه كلللش
دانيه : امممم
مرت 5 شهور واحنا كل يوميه نتعارك والحجيه خطيه كلش تنقهر بس شسوي غير ابنه مخبل وخبلني ويا
الحجيه : بنتي اليوم بيت عمه محمد يجون حضري الاكل
دانيه : تمام
محمد : يمه منو يجي ؟؟
الحجيه : عمتك وبنته اسراء يجوون
محمد : تمام لعد اني اروح اجيب المسواك دانيه محتاجه شي
دانيه : لا سلامتك
اسيف : دانيه اساعدج بشي ؟!
دانيه : لا انت بس سولفلي عن الحب 😉
اسيف : منو تقصدين ؟؟
دانيه : اكو غير رنا الروح
اسيف : لا شبيج رنا مثل اختي
دانيه : تره هاي سوالف ميعبرن عليه عينك فضحك
اسيف : دانيه هسة عوفي رنا خلي اكولج شي
دانيه : ها كول ؟
اسيف : دانيه عمتي و بنته من يجون حاولي تبتعدي منهم وانتبهي لروحج اوك
دانيه : وليش
اسيف : مو هاي اسراء جانت تحب اخوي بس اخوي مانطاها مجال واكيد هسة هي تكرهج وخاف تسويلج شي انتبهي وامهل هم بصفها ابد مو راحه
دانيه : اها تمام
اسيف : يي
دانيه : اسيف سؤال بس امانه جاوب بصراحه
اسيف : سئلي
دانيه : محمد قبل مايتزوجني جان عنده علاقه ويا بنات ؟؟
اسيف: دانيه سمعيني والله اخوي اعرفه اكثر من روحي بحياته مامرتبط واصلا ماجان يحب هاي سوالف ولا عبالج اخوي جان مجبور يتزوجج تره اخوي اذا مايعجبه شي لو تنگلب الكون مايقبل مستحيل احد يكدر يجبره
دانيه : لعد شلون وافق بالزواج ؟؟
اسيف : صراحه بس توعديني الحجي بينا
دانيه : يي يي لك احجي شكو
اسيف : اخوي شايفج من قبل وين وشلون ماعرف
وهو اصلا جان يحبج والدليل اول ماكالو طلبنا فصليه ولازم انت تتزوجه ماوافق بس من كالو الفصليه بنت فراس كبل كال اني موافق
دانيه : يعني اخوك جان يحبني ؟
اسيف : اي جان يحبج بس هسه ..
دانيه : بس هسه شنو
اسيف : هسه يموت عليج
دانيه : ههههه واني صدكت
اسيف : دانيه تره والله صدك احجي اخوي يحبج ويموت عليج
دانيه : واني اكول ليش 24 ساعه يتعارك ويايه ويرزلني
اسيف : اخوي بحياته مامرتبط ولهيك مايعرف شلون يتصرف ويا اليحبه وهو تره صحيح يرزلج ويتعارك وياج بس انتي باوعي بعينه وحاولي تفتهمينه بوكته تدرين شكد يحبج
دانيه : كوم كوم مسوي روحك دكتور الحب عليه
اسيف : مو صوجج صوجي جاي احجيلج
سمعنا صوت الباب
اسيف : وهاي اجه الحيه وبنته
دانيه : عيب لاتكول هيج هي عمتك
اسيف : من تعرفينها زين عود تعالي وكوليلي عيب
رحت اسلم عليهم اشو حجيت ويا العمه جاوبتني من ورا خشم اما بنتها اصلا ماجاوبتني ماهتميت كلت راح احترمهم لعيون محمد رحت جبتلهم الماي
اسراء : انتي الفصليه 😏
محمد : هاي مرتي واسمها دانيه
اسراء : بس هي فصليه
محمد : اتوقع جنتي معزومه للعرس وانتي تدرين الفصليه ماتعرس
باوعت لمحمد شفته شلون يدافع عني كلش فرحت هو باوع عليه غمزلي وضحك واني هم ضحكت
طلعت من الصاله ورحت لغرفتي وجنت حيل فرحانه انفتح الباب ودخل محمد اجه وكف كدامي
محمد : خو ما ضجتي ؟؟
دانيه : من شنو ؟؟
محمد : من حجي هاي اسراء
دانيه : لا عيني انت جاوبته ودافعت عني
محمد : ها صرت عيني . وتقربت منه هي ابتعدت لحد ما صارت ظهرها علحايط واني تقربت منها لدرجه جنت اسمع صوت انفاسه ا
دانيه : يي شكو بي يعني تضوج اذا اكول عيني
محمد : لا بلعكس . دنوووو اكول
دانيه : هااا
محمد : شسالفه اليوم طالعه كلش حلووه .
جسمها صارت مثل النار وصارت حتى بلحجي تسحك وماتعرف تحجي 🤦🏻♀️😂
دانيه : اننننني اييييي ما.. ...
بهل لحظه دخلت اسراء وخربت كلشي
محمد : شوكت تتعلمين ادكين الباب قبل ماتدخلين
اسراء : اسفه نسيت انك متزوج . محمد اريد احجي وياك
محمد : حاليا مشغول ويا مرتي غير وكت نحجي
اسراء : بس موضوع كلش مهم
محمد : يمي ماكو شي اهم من مرتي
اسراء : بس ... سديت الباب بوجهه وقفلته
دانيه : محمد عيب ليش هيج تسوي
محمد : هي قصدا دخلت بدون ما ادك الباب وجذب ماكو موضوع ضروري مجرد يضوج اني يمج ادري سوالفها
دانيه : اممممم
