🚫 ممنوعة من النشر الا بإدني 🚫
✨الاسطورة ✨
الكاتبة : Agasha Bell
✨ سمو غيوقع الى زوج ديال الناس تبادلو الاجساد ديالهوم و كل واحد اضطر يعيش حياة الاخر مختالفة كل الاختلاف على حياتو الطبيعية ✨
القصة تصنيفها ضمن #حب # الكوميديا # الرومانسية #المال#ال...
وقف السيارة و ضار عندها ما جا فين يهضر حتا كانت حلت باب السيارة و خرجات كتجري عض على فكو و حل باب السيارة كيجري و راها حتا لحق عليها و شدها من دراعها مراد : شششش سكتينا شمس غي مزادت كتبكي : لا عفااك متقتلينش .... هئ هئ مااا مااا مراد : اش كتقولي انتي سكتي شوية .... كنت غنديك لسبيطار شمس سكتات وجها كلو حمر بالاخص نيفها و شفايفها : اش كتقول انت اينا سبيطار مراد : كنتي قاطعة فالشانطي على غفلة كنت غنفوت فيك سكتات كتمسح فدموعها حتا بدات كتوضاح ليها الصورة و و بدات كتستعقل على كولشي عضات على شفايفها كتلعن فراسها ... علات عينيها لي عاد مدمعين فيه نزلت راسها للارض ساكتة مراد : زيدي دابا نديك لسبيطار يشوفو واش فيك شي حاجة شمس : احم لا انا مزيانة كيطرا ليا هكا غير مين كتصرا شي حاجة على غفلة مكنعقلش على راسي مراد : متأكدة ؟ شمس هزات راسها ليه بالايجاب تبغي نوصلك لشي بلاصة شمس : لا ماشي موشكيل نمشي غير بوحدي مراد شاف فيها بنضرة زعما واش متأكدة شمس دورات عينيها فالمكان لي راهوم فيه كانت الطريق خاوية تماما عضات على شفايفها و الخوف نوعا ما تسلل لقلبها مراد سبقها غادي لسيارتو مراد : كنتسناك تبعاتو كتحك يديها مع بعضياتهوم بكثرة التوتر و كاع الافكار السلبية زارو دماغها فخطرة ركبات فالكوسان حداه منزلة راسها للارض ديمارا اللوطو راجع على طريقو مراد : فين كتسكني شمس بنبرة صوة رقيقة : حي *** دقائق كان موقف السيارة حدا العمارة لي كتسكون فيها شمس دارت لعندو كتشتت نضرها من عليه : كنشكرك و كنعتاذر ليك جاوبها : ماشي موشكيل حلات الباب ناوية تخرج حتا وقفها بسؤالو مراد : مشرفتينيش بسميتك دارت لعندو بابتسامة بشوشة شمس : شمس
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
