ورود: جانت امتحانات نهاية السنه او الكورس الثاني بالنسبه الي وخلصت اخر امتحان رياضيات اوفف عبالك خلصانه من نار جهنم من خلصت منه اني ارجع مشي للبيت مدرستي مو كلش بعيده عن بيتنه فااتونس بالمشي واحرك الاكلته بالمدرسه تفكير خنفشاري جنت دامشي وافكر بحالنه وحال ابويه واتخيل نرجع مثل قبل واحسن صحيت من صفنتي من لكيت سياره بيهه ولدين ديمشون قريبه مني وكامو يذبون كلام
.....: اروح فدوه لهل الطول ولهل شعر
ورود: انت صدك متستحي ترح منا لا افتح راسك بحذائي (احجي بصوت عائلي بلكت احد من هل بيوت يسمعع ويطلعلي صح رديت عليهم بس كلبي راد يطلع من مكانه من الخوف )
.....: شدعوه يحلوو حرام نتغزل
ورود: روح منا احسلك لا الم الناس عليك (عزاا اشو هذاا فتح باب السياره ونزل )
......: اشوو بله لمي عليه الناس داسمع صوتج الحلو
ورود: هستوني دارد علي واشوفه انسحلل من ياخته شفت واحد ضخم لابس قميص ابيض مركزت كلش بي بس انهزمت من الخوف سويت الطريق خطوتين رجعت الهث للبيت
زمن: ياا ورود هاي شبيج تلهثين شنو راكض وراج جلب
ورود: لو راكض ورايه جلب ولا هل جلاب الوكفو يمي
زمن: يا جلاب ولج شصاير
ورود: من الخوف كمت ابجي امي تخبلت عبالهه بيه شي
زمن: لج ورود احجيي شبيجج احد وياج بالطريق احد حاجي وياج
ورود: لا ماما دامشي وكفت سياره يمي ضلون يذبون كلام ورديت عليهن بعدي جا واحد تعارك وياهم واني من الخوف رجعت ركض كلبي كام يوجعني
زمن: يمه بنيتي عبالي بيج شيي لج وكفتي كلبي هو هيجج خرب ببليسج
نور:ماما مصار الغده هاي شبيك رواد شبيهه عيونك
ورود: عوفيني عفيه بابا وين
نور: خابرته كال جاي بالطريق ويا يونس
زمن: اممم شنو لازم خلصان غداهم جا لعدنه
ورود: شكد جنت احبه بس من وره دكته الناقصه اشوف دم سنوني ولا اشوف
Flash back
زيد:يونس متأكد من هل صفقه متخسرنه الاول والتالي
يونس: اكلك قابل هي اول مره احنه بالسوك
زيد: مو اول مره بس المبلغ جبير ولازم نتأكد
يونس: اني استفسرت وسويت كل المطلوب بقه بس توقيعك
زيد: توقيعي وشنو الفرق بيني وبينك انت وقع مكاني
يونس :ميقبلون يريدون يشوفون اصحاب الشغل ثنينهم موقعين علمود خاف باجر اصير سالفه همه مأمنين روحهم
زيد: الله كريم انطيني الاوراق خل اوقع
يونس ونظراته لاابويه لمليانه حقد وكره بذاك اليوم من طلع مخلي يوقع علع اوراق ينقل كل الاملاك باسمه ومسويله توكيل عام وابويه الي وثق بصديق طفولته ووقع بدون حته ميقره مأمن بي صحبة زمن بس عرف ابويه بهذا اليوم انو ماكو صديق
زمن: لك زيدد شسويت بحالنه معرفت تقره من انطاك العزه والصخام بعيني
زيد: شقره لج صديق عمري هذا امشي ورا جنت واني مغمض اتوقع اهلي يخونوني ولا يونس
زمن : شوف يونس شسوه بينه شوف شلون حافظ عله صديقه وعشرتهم رح يهجول صديقه ومرته وبناته بالشارع علمود يتونس بتعبك عل حاضر
زيد: خل يتونس الله مينسه عبد والله كريم اهمشي احنه سالمين والبنات مابيهم شي بالفلوس ولا بيكم
زمن : هو هم هيج بس الظالم ويم يروح من ربه
وره ما اخذ يونس الراده وبيتنه العايشين بي انتقلنه لبيت ابو امي الشي الوحيد البقه عدنه
نور: ماما شلون رح انظف البيت صاير خرابه
زينه:نور سكتي ونظفي ماما تعبانه
زمن : اشويه اشويه يتنظف ورود روحي يم ابوج ولتطلعين لا اي مكان المنطقه جديده
ورود:هنا جان عمري 6 سنوات صح جنت افتهم بس مو كلشي عله كد عقلي اباوع لاامي مهمومه بس تشتغل بكل قوتهه وابويه الي التفكير معافه يوم واحد واستقرينه بهذا البيت وبدت حياتنه الجديده الي منعرف بيهه شنو منتضرنه كامت امي تعرفت عل جوارين وصارولنه اهل وساعدو امي هواي وهي اتعلمت الطبخ بعد ما جانت مو كلش تعرفله وتعلمت الخياطه من جيرانه ام احمد جانت اتخيط لنسوان المنطقه
ام احمد: زمن صح هذا يمكن ياثر عله رزقي بس انتو خوش اوادم الله يرزقكم من اوسع ابوابه رح اعلمج تخيطين وشويه شويه خيطي ويايه لنسوان المنطقه يحبن هل سوالف
وصدك من يومه امي كامت تخيط خياط يجنن وتعلمت منه زينه ونور اله اني كضيته لعب ويه الجهال بالفروع
نرجع للمسقبل!!
زينه: هووووو يمعودد رواد وين صرتت
ورود: اوي متخلون واحد يصفن براحته
نور: بابا وصلل متحمسه اشوف شكل يونس من كام ياكل بفلوسنه حته مخجل يكله تعال هاك هذا حلالك
زمن: اشش كافي ابوجن تعبان تعالو ساعدوني بالغده
ورود: هاييي شنو مسويه برياني دجاج اوفف
زمن: هههههه ام بطن ادري بيج تحبينه واليوم اخر امتحان كلت شويه ادللج
نور: وام السادس ما الهه دلال لوو شنووو تره تعبانه نفسيتي
زمن: انتي نجحي واحله خروف ينذبح جوه رجلج
نور : يبوووو عمي ماريدد شبي الدجاج يخبل
زينه: خرب يومج نور بس امي دواج
ورود: باوعت من شباك المطبخ انفتحت الباب وفات بابا ويا رجال جبيرر ضعيفف ظهره مقوس وفات ورا ولد ضخم جسمه يجنن لابس قميص ابيض لحظه هذاا مو الي ظرب الولد بالشارع
زمن: لكم هذا مو يونس
ورود: مااماااا هذا الولد الي تعارك ويه ذوله الثنين بالشارع مدري هو مدري لاا بس يشبهه خرب حظييي
زينه: يا ولدد دباعو يونسس شصاير بحاله ساحله الزمن وشوف ابويه يمه صدقه
زمن: لجج كولي ماشاءالله ولضلون اتباعون عوفو الشباك
ورود: شفتهم ضلو واكفين بالباب ضليت مركزه بملامح الولد جان شعره مي ومخربط ممرتبه جسمه رياضي كلشي ولابس قميص ابيض بارز عضلاته وجه مخنزر عيونه رصاصي سبحان الله الله منطي جمال وشخصيه بحيث احس اذا اوكف يمه انجبر احترمه من شكله
نور: هم صفن المطي
ورود: لججج ادبسززز
زمن: هاي شبيهم ضلو واكفينن
زينه: خاف صعدة الخوه بيونس ورح يعزم ابويه
زمن: علمود احركم عله شنو لعد هذا الغده
ورود: هذا راح همزينننن الله ليلفي
نور: لمااا كصيتي الولد وياا يا يلفي
زمن: اسكتن شهل حجيي يجي زيد ونفتهم
زيد: سلام عليكم
الكل بصوت واحد: شبيهم طلعو ذوله
زيد بوجه مصدوم: دسلمو دردو السلام مو نسوان كارثه
زمن: عفيه سدو موضوع يونس تعبت نفسيتي منه خل يويلي
البنات:يييي يييي هاذ هو
زيد: متأكدات
زمن : تعالو ساعدوني دنصب الغده
ورود: عاشت ايدج ماما شهل برياني اليطك بالكاع
زمن: الف عافيه وردتي
زمن: اكوللل زيد شجاه رايد هل عجيزان
زيد: مو سديتو الموضوع؟؟
