🚫 ممنوعة من النشر الا بإدني 🚫
✨الاسطورة ✨
الكاتبة : Agasha Bell
✨ سمو غيوقع الى زوج ديال الناس تبادلو الاجساد ديالهوم و كل واحد اضطر يعيش حياة الاخر مختالفة كل الاختلاف على حياتو الطبيعية ✨
القصة تصنيفها ضمن #حب # الكوميديا # الرومانسية #المال#ال...
✨اصبحنا و اصبح الملك لله ✨ فاقت مبوقة كي العادة دارت روتينها الصباحي كي كل مرة لبسات حوايجها و خرجات شدات طاكسي نيشان للجامعة ...تلاقات مع غيثة كتسنا فيها سلمات عليها و تمو داخلين متوجهين للقسم لمحات سعد من بعيد كيهضر معا صحابو عطاتو بالضهر و كلسات فمقعد من المقاعد الكثير لي تما ... كتسمع لغيثة لي متحمسة للمفاجئة لي غدير لحبيبها ... ما هي الى دقائق حتا دخل الاستاذ و كلشي سكت عاطي تركيزو لشرح من غير شخص واحد و شكون منغيرو سعد لي عينيه متزحزحوش من على شمس . ✨ خرج من الفيلا بسيارة بورش حمراء مكسيري باقصى سرعة ... مسافة طريق كان واقف حدا شركتو ... خرج من السيارة عاقد الغوباشة كيتمشى معلي راسو بكل تكبر .. دخل لشركة ديريكت لاسنسور ما وقف حتا لطابق الاخير تمشى ديريكت للمكتب الخاص بيه متخطي السكرتيرة لي غتاكلو بعينيها . 🔮✨بعد مرور عدة ساعات ✨🔮 خرجات من الجامعة كضحك مع غيثة تسالمت مع غيثة لي مشات مع حبيبها و شمس شدات طاكسي لدار ديالها ... دخلات كلات ماكلة خفيفة و خدات دوش خفيف ... خرجات كتنشف شعرها بفوطة باللون الوردي واقفة حدا الخزانة ديالها كتشوف فالملابس لي عندها ... حطات الفوطة كتقلب بينهوم ... و المشكل ماعندها حتا شي لبسة نتاع الحفلات او الخرجات ... هزات سروال جينز ابيض مزير عليها و مبين منحنيات جسمها بشكل مثير ... و سوفيطمة فالابيض سميطات مبينة ربع خسرها ... و كاط بيضاء ... و قفات حدا المرآة كتسرح شعرها بالبلاك ... دارت مكياج خفيف ضلال العيون بلون ترابي و ايلاينر مع ماسكارا و احمر شفاه بارزهوم ليها بشكل جذاب ... رشات من عطرها الاونوثي ديالها ... و هزات جاكيط لي كانت فالابيض و الوردي لبساتها و هزات الفون سيفطات ميساج لغيثة كتعلمها بخروجها من المنزل ... هزات ساك فاللون البني ديالها خشات فيه سوارت الدار و الفون و طبعا الكادو و هبطات خارجة من العمارة ... و قفات كتسنا فشي سيارة حتا وقفات وحدة و ركبات فيه السائق كيشوف فيها باعجاب من المرآة : الوجهة ؟ شمس شافت فيه بابتسامة : مطعم الاسطورة✨
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
