SA PAG-MULAT NG AKING MGA MATA

  (S P O K E N  P O E T R Y )

Ang tulang Ito ay pinamagatan kong 'Sa Pagmulat ng Aking mga Mata"
Sa pag-gising ko pa lamang sa umaga
Sa pagmulat pa lamang ng aking mata
Inaasahan ko na bumungad sa akin ang isang maganda umaga
Ngunit teka naririnig ko nanaman sila
Sila Mama at Papa  na walang tigil na nagbubunga sa isa't isa.

Hindi ba sila nagsasawa?
Hindi ba sila napapagod?
Kasi ako pagod na pagod na Hindi na natahimik ang kapaligiran
Lagi na  lang may Ingay sa loob ng tahanang ito
Mga away na hindi matigil  ng isang saway

Sa inis ko pumunta na lamang ako sa kusina 
Nang nakita ko kung anong oras na
Agad akong kumilos para pumasok na sa eskwela
Dahil bawal akong mahuli maski isang minuto pa

Sa paglabas ko sa tahanang iyon Sa unti unti kong paglayo mula sa malakawang na pintong ilang taon nang nasanay sa araw araw na ingay ng mga away
Laging naririnig at unti unti ka na lang masasanay.

Mangangarap na sana bukas mayroon ng kapayapaan
Kapayapaan na matagal ng  hinahangad ng lahat
Hindi makamtan dahil sa paulit- ulit na  digmaan
Sa pagitan ng dalawang dati ay nagmamahalan
Humantong sa alitan na hindi na napigilan

Sa pagtitig ko sa magandang kalangitan, sinariwa ang mga alaala
Hindi malilimutan
Mga alaalang masaya pa ang lahat
Sa mga simpleng dahilan
Ang lahat ay nagmamahalan

Pinanganak ako sa masayang pamilya
Pero lumaki ako na wala na silang pagkakaisa
Si Ate na lagi na lang kaaway si Kuya
Si Mama na paulit-ulit na lang sinisisi si Papa
At ako na nakatitig habang nagkakagulo sila

Sa pag-uwi ko galing eskwela
Sa paglakad ko sa madilim na kalsada
Nagdarasal na sana walang mangyaring masama
Dahil sa lipunang ito hindi kana makakasigurong magiging ligtas ka

Nang makapasok ako sa nakakatakot na iskinita
Puno ng mga taong walang ibang ginawa kundi  uminom at magpakalasing
Buong maghapon  na may kasamang asaran
Humahantong sa sakitang hindi inaasahan

Dahil sa sobrang kalasingan
At nandyan pa ang  mga nagsusugal
Naiinis sa sunod sunod na pagkatalo 
Inakalaang dinadaya ng kalaban Sa pagpapatuloy ng laban
Isa lang sa kanila ang mananalo at maraming madedehado

Para lang digmaan sa pagitan ng dalawang partidong lumalaban para sa kapangyarihan
Nagdudulot ng kahirapan sa mga taong nakapaligid sa kanilang digmaan

At nakahinga ako ng  maluwag nang malagpasan kaguluhang iyon
Salamat sa diyos nakauwi ako nang maayos
Maayos? Maayos nga ba? Nakalimutan ko may gulo pa din pala.

Nakarinig ako ng ingay
Narinig ko nanaman ang mga ingay
Nagmumula sa tahanang dapat ay puno ng kasiyahan at kapayapaan
Nasanay na ko kaya wala na lang ito
Matutulog na lang ako
At patuloy na papangarapin na sa paggising at pagmulat ng aking mga mata ay may kapayapaan na