همسه حب......♥️
في الكافية
لؤي: انتِ جيباني هنا ليه!
همس: اهدى بس وخد افتح الورقه دى
اخذ لؤي منها الورقه لينظر لها بصدمه: اي دا
همس: انت شايف اي
لؤي: انتِ عيزاني ادخل البطولة دي تاني واعيد نفس الوجع دا تاني
همس: لؤي اسمعني الوجع اللي اتسببت فيه البطولة اللي فاتت مكانش بأيدك كانت ظروف خارجية فرضته عليك ودا طبيعي جدًا بيحصل بس اللي مش طبيعي أننا نقبل بالأمر الواقع حتى لو مش عاجبنا! مش عايز تحقق حلمك وحلم طنط الله يرحمها طيب؟
لؤي ولأول مره تتساقط دموعه منذ وفاة والدته: صعب صعب اوي يا همس، صعب اني اشوف عيلتي بتموت قدامي بابا اللي كان طول عمره السبب في تدمير سعادتي بس بردوا هيفضل ابويا شوفته بيموت قدام عيني، و ماما...ماما انا حتى مالحقتش أودعها واقعد معها انا مكونتش جنبها، عارفه أوقات بحس أن ربنا ريحها كانت عايشه طول حياتها بوجع في قلبها اي حاجه كانت بتتعبها هي مالهاش ذنب ذنبها الوحيد أنها اختارت لينا اب معندهوش رحمه مينفعش يتقال عليه اب.
همس وقد أدمعت عينيها اثر كلماته: طيب الست الطيبه اللي بتقول عليها دي مش جه الوقت تحققلها حلمها بقى وتريحها من عذاب أنها عاشت طول حياتها بتأنب ضميرها، شايفة أنها كانت السبب في تدمير مستقبلك خلي روحها ترتاح على الأقل وانا واثقه انك بكل تأكيد هتبقى بطل وهتثبت للعالم كله انك مش جبان زى ما الكل مفكر
لؤي بشرود؛ سبيني افكر
همس: مفيش تفكير والمفروض بقى النهارده تفتح الصاله اللي بقالها شهرين ما اتفتحتش دى ونبدأ تمرين عشان البطوله وانا بعت ناس ينضفوها عشان تبدأ تمرين على طول
نظر لها لؤي بأمتنان مُتحدثًا: شكرا بجد يا همس انا لازم احقق حلم ماما و هحتاج مساعدتك الفترة الجاية كتير
همس بإبتسامة: في الخدمة يباشا
بادلها هو ابتسامتها بأخرى مُحبه.
عند شمس ومالك
شمس: لوكا لوكا
مالك: اي لوكا دي يا بت ماتحترمي نفسك
شمس: احم احم خلاص ماتتعصبش عيزاك في موضوع
مالك: عايزه اي يا اخرة صبري
شمس: بص بقي يا ابن الناس اختك القمر اللي قدامك دي جيلها عريس
وجدت علامات الصمت على وجهه لتنظر له بإستغراب
_مالك انت معايا ؟
مالك بإبتسامة: معاكِ يحبيبتي تعرفيه منين طيب وأنتِ رأيك اي فيه ؟
شمس ببعض الخجل: هو الدكتور بتاعي فـ الكلية و شبه معرفش عنه حاجة غير أنه شخص كويس طلب مني رقمك واديتهوله وبس.
احتضنها مالك بإبتسامة وهو يُقبل مقدمة رأسها قائلاً بضحك: عيشت وشوفتك مكسوفة يا بت يا شمس قبل ما اموت
لتنظر له الأخرى بتذمر ليتحدث هو سريعًا: بس والله قمر بردوا بس من غير البوز دا
شمس وهي تبادله الحُضن: رخم بس لو هشحت كدا محبش قدك يا واد يا مالك
_طب اتكلي على الله بقى عشان شكلك خدتي عليه
بضحك وهي تركض من امامه تغلق الباب: اما اروح اشوف هلبس اي عشان اما يجي قرة عيني بكرا تعرفوا قيمتي.
أنت تقرأ
همسه حُب "بقلم حبيبة محمد"
Storie d'amore_فتاة جميله في مُقبل العمر تتميز بشخصيتها القوية، تُمارس رياضة الكاراتية والعديد مِن الألعاب القتالية ولم تؤمن بالحُب يومًا. _ يتميز بوسامته مُدرب لرياضة الكاراتية، يقف ماضيه عائقًا لحاضره، يرفضه الجميع مُتهمًا بالخوف والجُبن والفشل. يجمعهما القدر ف...
