أحببت طفلاً ❤️

البارت التالت﴿3﴾

اللهم صل وسلم وبارك على سيدنا محمد وعلى آله وصحبه أجمعين ومن تبعهم بإحسان إلى يوم الدين 💙💙💙💙💙💙💙💙💙
سبحان الله وبحمده سبحان الله العظيم 💙💙💙💙💙💙💙💙💙💙

.... دكتورة سلمى .. دكتور خالد سأل على حضرتك و على دكتورة هاجر و قال اول ما توصلوا تروحوله مكتبه

...... طب ما قالكيش عايزنا ليه ؟!

... لا والله هو قالى كدا بس

...... طب خلاص تمام

... عن اذنك يا دكتور

                  °°°°°°°°°°°°°°°°°°°

.... هاجر دكتور خالد عايزنا

...... دكتور خالد !! طب ما تعرفيش عايزنا ليه؟!

... لا دى الممرضة ال لسه قايلالى نروحله مكتبه

..... طب يلا بينا .. ثوانى بس همر على الحالة دى و نروح

... تمام

                  °°°°°°°°°°°°°°°°°°°

....... ادخل

...السلام عليكم .. ازى حضرتك يا دكتور

...... اهلا هاجر اهلا سلمى اتفضلوا

... حضرتك كنت طلبتنا

...... ايوة ف حالة عايز حد فيكوا يتابعها هى جديده عليكوا و فرصة كويسة جدا ليكوا و كويس انها هتمر عليكوا و انتوا بتدربوا

بدا الاهتمام يبان على ملامح هاجر و حبت تعرف اكتر عن الحالة دى

.... مين الحالة دى و عندها ايه بالظبط

...... الحالة دى شاب عنده 27 سنة عمل حادثة كبيرة و دخل بعدها غيبوبة و بعد ما فاق كان فقد الذاكرة

... طب و ايه الغريب ف كدا معروف ان فقدان الذاكرة بيرجع مع الوقت مش محتاج طبيب نفسي

..... بس الحالة دى مختلفة .. دا مش مجرد فقدان ذاكرة و خلاص .. الشاب دا عايش دلوقتي و كانه طفل عنده سبع سنين .. تصرفاته كلها تصرفات طفل مش شاب عنده 27 سنة دا غير كدا كان والده معاه ف العربية و اتوفى ف الحادثة و حالته حاليا بتدهور دايما حاسس ان ال بيحبهم هيبعدوا عنه و يسيبوه ... بيخاف يخرج من البيت بقاله 3 سنين دلوقتي على الحالة دى ما خرجش فيها من البيت .. بيبعد عن كل الناس ال ما يعرفهاش ليه اخ واحد و امه هما كل حياته ... دكاترة كتير حاولوا انهم يعالجوه بس كان بيبعد عنهم و يخاف منهم و حالته تسوء اكتر ... و الصراحة انا رشحتك ليهم يا هاجر

.... انا !!

...... ايوا  انا واثق فيكى و كمان ف طريقتك ف التعامل مع المرضي و شايف انك انسب واحدة للحالة دى و ان شاء الله تقدرى تعالجيه بعد ربنا طبعا

... شكرا جدا لثقة حضرتك يا دكتور و ان شاء الله اكون عند حسن ظن حضرتك

..... تمام كدا تقدرى تروحى للحالة دى من بكرة و اتفضلى الورقة دى فيها العنوان .. تقدرى دلوقتي تخلصى الحالات ال عندك انهاردة و تسلميها ل دكتور محمد .. من بكرة مهمتك الوحيدة الحالة دى