#ولد_العمه
#الجزء_الاول
#الكاتبة_سارة
امي تنادي عليا هيا وتي روحك ساعه وانتي في الماعين ناسيه انه اليوم أيوب ولد عمتك سعاد بيروح وبوك من بكري يستنا يبي يستقبله في المطار
كملت بسرعه ولبست عبايتي وطلعت بكامل تشردي واني وبوي طول طريق يهزبو فيا
حطنا بوي في حوش عمتي وكان الحوش زعما عمامي وصغارهم ومساوينهم وجيرانهم
خشيت طول لي دار مابيتش نسلم وامي تفنص فيا تعالي تعالي واني مكمله 😄
دار كان فيها بنت عمتي خيريه(وصال) ومعاها بنات عمي موسى (ندى ونرجس )
علاقتنا معاهم مش مليحه خير خير وهما ناس طبقه هلبا
وقفت وصال وقالتلي امتا جيتو وبكري خالتي تسأل وينكم
قولتلها كيف بابا مشي لي ايوبوندى ونرجس يشوفولي من فوق لي تحت وحتا سلام ماسلمو
قعمزت واني نتفرج عليهم وهما يمكيجو ويلبسو ويستشورو واني فاتحه فمي فيهم
خشت عمتي سعاد جيت سلمت عليها نجري وقعدت تحضن فيا وتسأل على بوي
قالتنا بالله توا عمكم مفتاح جاب بضاعه في المطبخ طلعو فرقو على ناس
طلعت اني ولحقوني وصال ونرجس
واني نغسل في الماعين وحطيت شاهي والقهوا على نار وحطيت عصير وشكلاطه وهما واقفين عليا
وصال ماسكه تليفونها وكيف بنطلع سفرا خدتها مني عالجاهز
ونرجس من فوق لي فوق
وبدي الكلاكس والالعاب ناريه عمتي طلعت تجري تزغرط فرحانه ولدها روح عاد ليه 5سنين برا في كندا يقرا في طب
طلعت واني نتفرج على عمتي كيف فرحانه بطير وايوب مضبطها ويبكي
متغير هلبا عضلات ولحيه
وكلهم يبو يسلمو عليه عمي مفتاح قالهم اكيد تاعب من سفر خلوه يرتاحهداكا اليوم
واني طول الوقت في المطبخ ظهري انقسم وبعد روحو ناسبوي قالنا اقعدو باتو عاخاطر الحوسه
قعدت وامي روحت ووصال وندى قعدو حتا هما
بعد فضت دنياخش ايوب لي الحوش وعمتي حاضناته وتقوله استاحشتك ياولدي
وصال جت تتدلع وتقوله أوبه حمدالله على سلامه وندى تضحك وجوها مليح
واني قلتله حمدالله على سلامتك ايوب
وهما ضحك وهوا مش عاجبه
شافلي قالي راويه تغيرتي على آخر مره خليتك فيهاويشوفولي وصال وندى من فوق لي تحت
قولتله عاد خمسه سنين ماشفتنيندى قالتله حتا انت وليت طلقه ولد عمي
أيوب شاف لي عمتي وقالها نبي نرقد
خش أيوب لي دارهوخشينا رقدنا في صاله
لما طلعت لقيت عمتي اضم في جنان
جيتها نجري قولتلها والله تخشي انتي طول اليوم واقفه
قالتلي انتي يلي بكري في الكوجينه والله تبهدلتي اليوم يابنت خوي
قولتلها لاتبهديل لا شي انتي خشي واني توا نلمها الكناسهلميتها وقعدت تستنا فيا وخشينا
واني طول ليله ماقدرتش نرقد نوم هارب اول مره نبات برا الحوش
ونشوف ساعه نلقاها 3
طلعت لي مطبخ شربت ميهوكيف بنطلع نتلاقى معا
وننخلع
يتبع
ترقبوني
لو فيه تفاعل نزل باقيها لو لا حاتتوقف