សួស្ដីមិត្តអ្នកអានជាទីគោរព !
ខ្ញុំមកនៅថ្ងៃនេះ គឺដើម្បីប្រាប់ពីដំណឹងមួយដល់អ្នកទាំងអស់គ្នាថា សៀវភៅ “She’s not a boy” នឹងត្រូវបានលុបចេញហើយ ចាប់ពីថ្ងៃនេះតទៅ, ពីព្រោះខ្ញុំបានសម្រេចចិត្តសរសេរវាឡើងវិញ និងបោះពុម្ពចេញជាសៀវភៅតែម្ដងបន្ទាប់ពីនោះ។
កំណែប្រែដែលនឹងធ្វើទៅលើប្រលោមលោកមួយនេះក្រោយពេលចេញជាសៀវភៅរួមមាន ៖
1. សាច់រឿង
ជាជាងបន្ថែមឈុតឆាក, គួរនិយាយបែបនេះវិញថាមួយផ្នែកធំនៃរឿងដើមនឹងមានការកែកុនចេញ, អាចនិយាយបានថាផ្លាស់ប្ដូរដល់ទៅ 80% ។ ក្រៅពីនោះក៏មានការកែកុននៅលើអក្ខរាវិរុទ្ធ និងរបៀបសរសេរឲ្យបានក្បោះក្បាយជាងមុនផងដែរ។
2. ឈ្មោះតួ
ជាមួយគ្នានឹងសាច់រឿង, ឈ្មោះរបស់តួអង្គមួយចំនួនធំ (ជាពិសេសឈ្មោះរបស់សមាជិក BTS ដែលត្រូវបានយកមកប្រើនៅក្នុងរឿងនេះ) ក៏នឹងត្រូវប្ដូរចេញដូចគ្នា ពីព្រោះត្រូវចៀសវាងនូវការបំពានច្បាប់ copyright ។
ដូច្នេះហើយសុំទោសផងណា៎.. តែក៏អរគុណច្រើនដែលបានចុចចូលអានរឿងមួយនេះរហូតដល់បានចំនួនមើលសរុប 30K ! ជាចំនួនដែលខ្ញុំមិនធ្លាប់បានរំពឹងទុក 😭❤ ពិតជាអរគុណខ្លាំងមែនទែន។
សម្រាប់ពេលនេះ សៀវភៅមួយនេះកំពុងតែស្ថិតនៅក្នុងការរៀបចំសរសេរឡើងវិញ ហើយខ្ញុំពុំទាន់ច្បាស់នៅឡើយទេថានឹងអាចចេញផ្សាយនៅកំឡុងពេលណា។ តែខ្ញុំនឹងព្យាយាមសម្រេចវាឲ្យបាននៅក្នុងពេលឆាប់ៗនេះ!
ជាចុងក្រោយ សង្ឃឹមថាគ្រប់គ្នានឹងមិនប្រកាន់ ដែលខ្ញុំធ្វើការផ្លាស់ប្ដូរតិចតួចទៅលើឈ្មោះតួ រួចប្រែវាទៅជាសៀវភៅប្រលោមលោកទូទៅ។ ដោយហេតុតែសម្រេចរើសយករឿងដែលធ្លាប់ផុសហើយនៅក្រោមនាមជា “fan fiction” យកមកបោះពុម្ព, ឈ្មោះថ្មីរបស់តួ ខ្ញុំក៏ប្ដូរឲ្យមានលក្ខណៈប្រហាក់ប្រហែលទៅនឹងឈ្មោះដើមតែម្ដង, ដូចជា ចនជុងហ្គុក ទៅជាចនជុងហ៊ូន, ផាកជីមីន ទៅជាផាកដេវ៉ុន អីបែបនោះ។
សម្រាប់ព័ត៌មានបន្ថែមចំពោះសៀវភៅនេះ អ្នកទាំងអស់គ្នាអាចរង់ចាំទទួលដំណឹងពី facebook page ឈ្មោះ Dream Books បានណា៎, តែក៏អាចតាមដាននៅក្នុង app ដដែលនេះដូចគ្នា ដោយ save សៀវភៅនេះទុកនៅក្នុង library, រួចខ្ញុំនឹង update បន្តទៀតនៅក្នុងភាគបន្ទាប់ ប្រសិនបើមានដំណឹងថ្មី។
សូមអរគុណចំពោះក្ដីស្រឡាញ់! 💕
YOU ARE READING
She's not a boy (KH) ✓
Fanfictionនាងបន្លំខ្លួនចូលទៅក្នុង all boy university ដំបូងឡើយព្រោះតែផាកដេវ៉ុនទេ, ក៏ប៉ុន្តែចនជុងហ៊ូន, ទើបជាមនុស្សដែលនៅជាមួយនាងដល់ចុងបញ្ចប់។ campus + sport au. [COMPLETED]
