تراقب الشمس🌞 كل ما أفعله
لكن القمر🌚 يعرف كل أسراري.
-----------------------------------------
دانيه : محمد اروحلك فدوه عوفني 😔
محمد : شبيج 😕
دانيه : بطني توجعني
محمد : امممم
غطيتها وشغلت السبلت رحت جبتلها الحبوب وضليت كاعده يمها لحد ما غفت صار الساعه 2 بدلت ورحت للمطبخ وصيت شهد تنتبه عل دانيه واني رحت للدوام رجعت المغرب سئلت دانيه وينها كالو بعدها نايمه كلت لاتكعدونه ورحت للغرفه شفتها بعدها نايمه بدلت وتمددت يمها حضنتها من وره وهي كعدت
محمد : شلون صرتي
دانيه : احسن . محمد جان مخلي ايده ع بطني وخرت ايده رجع خله ايده ع بطني هم وخرته ضاج اندار وانطاني ظهره اني جنت حيل ضايجه وبعدني افكر بحجي اسراء جنت اكول يمكن جان اكو شي بينهم بس بعدين تذكرت حجي اسيف وارتاحيت شويه وقررت انسى حجي اسراء نمت لحد 10 كعدت شفت محمد كاعد وبيده موبايل يتصفح بلانستا
دانيه : مساء الخير
محمد (من ورا خشم ) : مساء النور
دانيه : تعشيت لو بعدك ؟
محمد : لا هسه كعدت
دانيه : اممم تمام .
كمت بدلت ورحت خليت الاكل علنار وبديت اسوي زلاطه لان محمد كلش يحب الزلاطه كملت وصبيت اكل الي ولمحمد خليتها ع صينيه واخذتها للغرفه كعدت يم محمد وبدينه ناكل هو جان متعصب وابد لا باوع عليه ولا حجى شي كملنا هو رجع عالجربايه ولزم موبايل واني كمت اخذت الصينيه للمطبخ وبديت اغسل المواعين اجه اسيف
اسيف : مساء الخير
دانيه : مساء النور اسيف شهد وينه؟؟
اسيف : والله رجعو
دانيه : صدك
اسيف : اي والله عود دانيه اكولج
دانيه : كول
اسيف : الصبح شصار اسراء شحجت ليش ضجتي
دانيه : ها لا مصار شي
اسيف : دانيه علينه 😏
دانيه : اسيف انسى ماكو شي
اسيف : تمام براحتج
دانيه : اني رايحه محتاج شي ؟؟
اسيف : لا سلامتج
دانيه :الله يسلمك
رحت للغرفه وتمددت يم محمد وجنت اباوع عليه وهو ولا اهتم ضل يتصفح بلانستا اخذت منه الموبايل راد يكعد بس ماخليته يكعد خليت ايدي عالصدره
محمد : دانيه انطيني الموبايل 😡
دانيه : لا اريد احجي وياك 🙄
محمد : انتي شنو شايفه روحج حتى تاخذين الموبايل مني
دانيه :مرتك اني 🙄
محمد : مرتي 😕
دانيه : عوفنه من هاي السالفه شبيك ليش متعصب ؟؟
محمد : دانيه اخر مره اكلج جيبي الموبايل
دانيه : تفضل
محمد : وهلمره اذا تكررين هاي التصرف اكسر راسج
دانيه : اكسرها عيني اكسرها هو باقي عالراسي
محمد : لج لسانج كلش طولانه . دفعتها وصرت فوگاها وجريت شعرها هي ضلت ساكته ماحجت شي جريت شعرها بكل قوتي هم ماحجت شي مجرد غمضت عيونها ونزلت دموعها مادري ليش انقهرت عليها عفت شعرها بس ضليت فوگاها
خليت راسي عالصدرها وجنت اسمع نبضاتها اويلي تخبل لزمت ايدها جانت ايدها حاره
دانيه : محمد فدوه وخر مريضه ظهري توجعني
محمد : امممم .
كمت عليها وتمددت يمها وهي انطتني ظهرها واني حضنتها من وره
محمد : تره اني رجلج ومن حقي اتقرب منج بس انتي ماتخليني اتقرب منج واسويها على اقل خليني احضنج 😒
دانيه : تمام . محمد حضني ونمنا الصبح كعدت من النوم محمد جان بعده نايم انداريت وجنت اباوع عليه جان كلش حلوو نايم وهادئ جنت اتلمس خدوده حسيت بي كاعد بس ميحجي تذكرت حجي اسيف ردت اعرف محمد جان شايفني قبل لو لا
دانيه : انت شايفني قبل مانتزوج ؟؟
محمد : وليش هل السؤال 😕
دانيه : هيج بس فضول
محمد : ييي
دانيه : شكم مره
محمد : 5 مرات
دانيه : لعد ليش اني مشايفك
محمد : مره جنتي طالعه ويا امج واني جنت بيت اخوي شفتج بلباب و مره من جنتي رايحه للمدرسه ومره بالعيد ومرتين جبتي اكل لبيت اخوي دكيتي الباب اني فتحت الباب
دانيه : ها يي تذكرت بس ماجنت اعرف هاذ انت
محمد : جنت اني
دانيه : شلون وافقت على الزواج جنت مجبور ؟؟
محمد : دانيه احسج تريدين توصلين لشيء ؟😕
دانيه : لا هيج غير اريد اعرف
محمد : بس اني ماريد تعرفين 😒
دانيه : شكد عصبي شو مانكدر نحجي شي 🙄
محمد : يي اني هيج عندج مانع لو معاجبج
دانيه : حتى لو معاجبني مجبوره اتحملك انت وعصبيتك 😒
محمد : اي وغصبا عليج 😒
دانيه : محمد ليش ماتخليني اكمل دراستي ؟🥺
محمد : احسن
دانيه : لعد امتحن خارجي سادس ؟
محمد : طلعي فكره دراسه من راسج
دانيه : وليش
محمد : احسن ماتتعبين انتي عليج مسؤليات هوايه ماتكدرين تقرين
دانيه : عادي اقره واسوي شغل البيت كلها
محمد : كلت لا وكافي سدي موضوع
دانيه : اوووف تمام
محمد : اووف بعينج
دانيه : وبخشمك 🙄
محمد : 🤨
دانيه :اروح احضر الريوك
كمت رحت للمطبخ اسراء جانت كاعده بلمطبخ
دانيه : صباح الخير
اسراء : صباح النور اشو البارحه كضيتي بس نوم 😒
دانيه : جنت مريضه
اسراء : وادللين علينه
دانيه : لا ادلل على زوجي 😏
اسراء ضاجت كامت راحت واني بديت احضر الريوك كملت حضرت السفره وصحت الكل كعدنه ناكل
الحجيه : بنتي هسه شلونج
دانيه : الحمدلله حجيه
اسراء : مجانت بيها شي بس ادلل 😒
اسيف : اي عادي خلي تدلل براحتها تستاهل😉
اسراء : وليش
اسيف : والله مثلها ماكو ذهب
دانيه : عابت خجلتني 😂
كملنا الريوك لميت السفره اسراء ساعدتني اتعجبت اخر شي اجتي للمطبخ اخذت شي وراحت ماعرف شنو اخذت بس ماهتميت بديت اغسل المواعين وبعدين بديت اغسل البيت اشو هاي اسراء ابد ماتتحرك من مكانها المهم انكسرت ظهري وكملت رحت سبحت وشسورت شعري صارت الساعه 10 ونص ردت اخابر امي جنت مخليه موبايل على الكاونتر رحت باوعت مجان اكو دورت زين مالكيته
رحت للغرفه الضيوف
دانيه : محمد خابر ع موبايلي مادري وين
محمد طلع الموبايل من جيبه راد يخابر
اسراء : دانيه هاي موبايلج
دانيه : ييي
اسراء : خليتي اهنا
استغربت اني متاكده خليتها عالكاونتر اصلا دائما اخلي هناك رحت لغرفتي خابرت امي حجيت وياها شويه وسديت المكالمه رحت للمطبخ بديت احضر الاكل خليت الاكل عالنار ورحت كعدت يم محمد جان يتصفح بلانستا
دانيه : اكول
محمد : كولي
دانيه : انزل انستا
محمد : يي نزلي
دانيه : صدك احجي
محمد : ومنو كال اني اشاقه
دانيه : يعني تقبل
محمد : يي شكو بي جيبي انزلج انستا
دانيه : اوك . انطيته الموبايل نزل انستا وخله حساب بأسمي وعلمني شلون استخدمها صحيح ماجان عندي بس جنت اعرف استخدمها المهم خلص ورجعلي الموبايل
دانيه : ثانكيو 😊
اسراء : دانيه لو تبقين كاعده وتضحكين تحترك الاكل
دانيه : لا عيني منتبها للاكل
اسراء : اي مبين
رحت للمطبخ طفيت الاكل وحظرت السفره وكعدنا ناكل
الحجيه : دانيه عمري عاشت ايدج الاكل كلش طيبه
دانيه : بلعافيه حجيه
اسيف : بس للاسف ماكو زلاطه 😂
دانيه : نسيت اسوي😂
محمد : دانيه انطيني كلاص مي
دانيه : تمام تفضل
كملنا بديت اغسل المواعين كملت رحت للغرفه محمد جان طالع من حمام
دانيه : محتاج شي ؟
محمد : لا سلامتج
دانيه : الله يسلمك اكول
محمد : كولي
دانيه : مشتاكه لاهلي شوكت توديني لبيت اهلي ؟؟
محمد : المغرب ورا العشاء نروح
دانيه : تمام شكرا
محمد : عفوا
محمد راح للشغل واني كعدت بغرفه ضيوف اباوع عالتلفزيون اجه اسيف
اسيف : دانيه اكولج انتي شلونج بالرياضيات
دانيه : زينه ليش ؟
اسيف : فاهمه موضوع قطع الناقص
دانيه : يي
اسيف : تمام فدوه تعالي فهميني صارلي ساعه اقره وحتى بالنت قريت مافتهمت شي
دانيه : اوك تدلل
اسيف راح جاب الكتاب وبديت اشرحله موضوع افتهم الموضوع كملت الشرح
اسيف : دانيه شكرا
دانيه : عفوا
رحت للمطبخ شفت اسراء واكفه وبيدها موبايلي
دانيه : شتسوين بموبايلي ؟😕
اسراء : ها ايي سمعت اجاج اشعار
دانيه : وانتي شعليج . اخذت منه الموبايل
اسراء : تره ماكلنه الموبايل
دانيه : خاف تاكلي 😏
رحت لغرفتي تمددت شويه تصفحت بلانستا ونمت لل5 اجه محمد وكعدني
محمد : دانيه دانيه
دانيه : هممم
محمد : كومي صار المغرب خلناكل ونروح
دانيه : اي تمام
كمت ورحت للمطبخ خليت اكل علنار وسويت زلاطه كملت حضرت السفره وصحت الكل كملنا الاكل
محمد : اسراء ممكن انتي اليوم تكملين الشغل بدل دانيه لانو نروح لبيت اهلها
اسراء : اممم تمام 😒
كمت رحت لغرفتي بدلت لبست بنطرون اسود وبلوز نيلي سويت مكياج دخل محمد للغرفه ضل صافن عليه
دانيه : والله هسه البس الحجاب بس خل اكمل
محمد : تمام
لبست حجاب كملت طلعنا من البيت وصلنا لبيت اهلي سلمنا عليهم كعدنه شويه ومحمد استأذن وكال نروح لبيت ابو منير طلعنا من بيت ابوي رحنا لبيتهم ضلينا لل 11 هناك جان طبعهم كلش حلوو من تدخل لبيتهم ماتحس روحك غريب
المهم رجعنا للبيت محمد خطيه جان حيل تعبان نزع القميص تمدد وكبل نام
