المي وملاذي

البارت الخامس عشر 15

السلام عليكم 🌺🤍
★#ألــــمـــي_ومــــلاذي★
★البارت الخامس عشر15 ★
الكاتبة اساور حسين

لا ترتكب نفس الخطأ مرتين إلا إذا كان خطًأ جيدًا، مثل أن أحبك مرَّتين وثلاث وأربع وإلى ما لا نهاية، رغم أنك تسببين لي كل يوم انهيار عصبي، وتلف بالأعصاب، وتستفزينني دائمًا بطرق تجعلني أودّ أن أخنق عنقك الصغير بيدي، وشجار طويل على سبب بسيط جدًا مثل أني قد نسيت أقول صباح الخير ياجميلتي، أنتِ خطئي الصحيح دائمًا ♥️
ً♡♡♡♡♡♡♡♡♡♡♡♡♡♡♡♡♡♡♡♡♡♡♡
رهف..

ضليت امشي والجوو بارد سرعت مشييتي كوه وصلت للبيت هلكانه اتنفس سريع..فتحت الباب وصار رائد كبالي هوه شافني ومااشوف غير عيونه صارت بكصته ركض وهجم عليه خليت ايدي احمي نفسي.. لزمني من ايدي بقوه ودفعني للبيت وفتح الباب وطلع يتلفت منا ومنا..

وسعت عيوني مصدومه وبنفس الوكت خايفه من عنده.. سد الباب بقوه وصرخ..

رائد: ليش جنتي تركضين احد يركض وراج اتحارشو بيج..

ضليت جامده بمكاني وحرف واحد مااكدر انطق عصبت حيل وصرخت بوجهه..

رهف: انت عااقل شهل استقبال ليش هيج تهجم عليه وتدفعني فووكاها شمسويه انيي..

رفع راسه للسما وصاح..

ـ اخخخ ياارربيييي اخخخخ..

رهف: والله مااعرف شحجي وشكول خلي افوت للبيت احسن..

درت وجهي اريد افوت سحبني ورجعني المكاني مسح وجهه وحجه بهدوء..

رائد: من احجي وياج لاتنطيني ضهرج رهف وجاوبيني على سؤالي جنتي تركضين..

تأفأفت من اسألته الزايده عن الزوم وتحكمه بيه بكل مره رديت بتملل..واني ابعد وجهي منه ماريد اباوع الوجهه..

رهف:مجنت اركض اجيت مشي اني والبنات عوفني هسه..

رد عليه وهو مقلص عينه ويأشر على وجهه ويسأل من كل عقله..

رائد:اذا متركضين شلون خدودج هيج صايرات حمر دمم..

رفعت تك حاجب مستغربه من كلامه المو منطقي عضيت طرف شفتي استغفرت ورديت..

رهف:تعبت من المشي والطريق طويل طبعا يصيرون حمر بعدين شهل اسأله الغرريبه!!

رائد:مو صوجج صوج الخاايف عليج والله كلبي راد يوكف من شفتج بهل حاله..

رهف:دسكت ابو الوق وق اليسمعك يكول جايتكم ملابسي مشككه وكلها طين..

رائد:بوويه انا ابنك يعمران غير اتخبل رسمي واموت اذا اشووفح هيج..

طلعت اسنوني وقلصت ملامحي ملت راسي اعيب عليه كتله..

رهف:اتخبل على راحتك اني افووت..