عشقي

🌸البارت 27 🌸

🌸 البارت 27 🌸

      " عشقي "

#بقلمي/هاجر _مصطفي🥀
#ملكه الابداع♥️
#عاشقه الروايات
#روائيه صغنطوته

_________________________

" لا تيأس مهما حدث فإن كان بداخلك وجع فإعلم أنه سيزول مع مرور الوقت وسيحل محله الفرح والسعاده...... ف الحزن ليس دائما والفرح ليس دائما فقط كن علي يقين أن كل شئ سيبقي علي ما يرام 🌸 "

تشرق الشمس لكي تعلن عن صباح يوم جديد مليئ بالأمل والسعاده والحب استيقظ جميع ابطالنا وفعل كلا منهم روتينه اليومي ماعدا مالك الذي استيقظ مبكرا وودع أمه وأبوه وذهب إلي غرفه عشقه وإطمئن عليها وقبلها من جبينها قبل أن يذهب الي المطار لكي يرحل الي  إيطاليا

♡♡♡♡♡♡♡♡♡♡♡♡♡♡♡

«« غرفه عشق »»

استيقظت عشق وإرتدت ملابسها وأدت فرضها ودلفت الي غرفه همس لكي تويقظها ولكنها لم تستيقظ بعد فتركتها وهبطت الي الاسفل ووجدت الجميع يجلس علي المائده يتناولون طعامهم فذهبت اليهم والقت عليهم السلام

عشق بابتسامه: السلام عليكم

الجميع: وعليكم السلام ورحمة الله

صفاء بابتسامه: تعالي ي حببتي اقعدي افطري

عشق: لا يحببتي انا رايحه الشركه ومش جعانه

أمال باستغراب: رايحه الشركه ليه

أحمد بابتسامه: هي قالتلي امبارح انها عاوزه تنزل الشركه تشتغل معاهم هي وهمس وانا قولتلها الي يريحك اعمليه

عشق بابتسامه: ايوه هروح انا وهمس بدل ماحنا قاعدين كده مش بنعمل حاجه وزهقانين

صفاء: وتتعبو نفسكو ليه ي حبايبي ما تقعدو هنا وتخرجو وتشوفو أصحابكم وتعيشو حياتكم

عشق: مش هنتعب ولا حاجه ي طنط بالعكس ده احنا هنبقي مبسوطين اووي 

أمال بابتسامه: ماشي ي حببتي بس خلي بالكو من نفسكو 

عشق وهي تقبل يد أمال : حاضر ي ست الكل ومتزعليش مني انا عارفه اننا بقالنا فتره كبيره مش بنقعد مع بعض ونتكلم زي الاول بس اوعدك ان ده هيحصل قريب اشطا

أمال بحب: مقدرش ازعل منك ي حته من قلبي وأنا كل الي يهمني راحتك وسعادتك 

عشق بابتسامه: ربنا يخليكي ليا وميحرمنيش منك ابدا ي مامتي

مازن بضحك وهو يهبط السلم : ده ايه ده بتحبو ف بعض من غيري ي أمولتي لا انا زحلان

أمال بابتسامه: مقدرش علي زعلك ي حبيبي

مازن بابتسامه: صباح الخير عليكو

الجميع: صباح النور

مازن: اومال فين همس وادم ورائد