✨الاسطورة ✨

الكل دار لعندها : و عليكم السلام
كلست فبلاصتها حتا نقزت غيثة
غيثة : احم نعرفكوم على شمس البيست فريند ديالي
و بدات كتعرفها على كل واحد من الاشخاص لي اول مرة تشوفهوم
كلسات شمس ساكتة و غير كتسمع كان جو لا يخلو من الضحك و كل واحد كيعاود على الطرائف و البزايل لي وقعولو
حتا نطق ايوب : كيعجبني نجي لهاد المطعم كنرتاح فيه بزاف
نطق واحد فيهوم ( انور ) : اه حتا انا ... اول مرة جيت لهنا كان عندي فضول نعرف الاسطورة لي كضور هنا
غيثة : اه حتا انا سمعت انه كاين شي اسطورة كضور هنا بالحق حتا واحد معارف علاياش كضور
نطق نفس الشخص ( انور ) : ثلات سنين و انا كنبحث عليها حتا عرفت جزء من الاسطورة ... كيقولو انه قبل قرون كان واحد الملك كيبغي واحد الفتاة فقيرة اية من الجمال و حسب ما سمعت انها كانت دات شعر اشقر و عيون زرقاء ( دار عند شمس ) تماما فحال صديقتك .... ( شمس خذوذها حمارو فاش كاع الاعين ضارت لعندها ) فات الوقت و علاقتهوم السرية بطريقة من الطرق خرجات للعلن ... العائلة الملكية مقبلاتش نهائيا بعلاقتهوم فلهاذا... قامو بتزويج الملك بزز .... اما الفتاة الفقيرة حتا هي واليديها قامو بتزويجها غصبا عنها ... فاتو سنين طويلة الملك تصاب بمرض خطير الشي لي كان مجرد عدة اسابيع باش روحو تطلع للسماء و خلى ولدو لي كان ففترة المراهقة ديالو ... اما بنسبة للفتاة الفقيرة لي عمرها نسات حبها الاول و بعد ما سمعات بخبر و فاتو ما هي الى ايام حتا وجدو قطع من من ملابسها حدا حافة جرف تما تأكدو من انتحارها باش تبع محبوبها و لكن مع الاسف حتا هي خلات بنيتة يتيمة لي تزادت بزز ولكن هادشي مكيمنعهاش انها تبغيها من كل قلبها الا ان الملك كان واخد مساحة اكبر من بنتها .... و كاينة اسطورة ان الفتاة الفقيرة تحولات لروح عايشة فالبحر اما الملك فتحول لنجمة من نجوم السماء ... فديك

الليلة تطلقة لعنة غتبقى روح الفتاة محبوسة فالبحر و روح الملك ايضا غتكون فالسماء و جزء من الاسطورة كتقول و هو انه بعد قرون غيتلاقاو زوج اشخاص حاملين دم الفتاة و الملك باش يكسرو اللعنة و يقدر المحبوب تجمع مع محبوبتو
كولشي سكت حتا كسر صمت المكان قهقهة رجولية
سعد : وايلي راها كتبقا مجرد اسطورة مكاين منها والو تبانولي كلكم تيقتوه
انور : اه كي ما قلتي كتبقا مجرد اسطورة تقدر تكون بصح او لا
( ضار عند شمس )
انور : و انتي واش كتأمني بهاد شي