ضلت بس صورهم
اغلى ناسي ضلت بس صورهم
حايرة ابجي لان ماتو لو ابجي لان الدكتور يكول مو حادث لو ابجي على ناس اعتبروني بتهم وولا يوم سمعوني حجاية شنو اذكر من خالة تكلي امولة ام عيون الغزال لان عيوني كبار ومكحلات لو خالو الي يكول تذكريني بأمج جانت احلى وحدة بينة صح حنطية بس ملامحة محبوبة جنت دوم افرح من يكلولي تشبهين امج وبيبيتج بالطول جانو دوم يدللون بية ولا يوم غثوني صح الدكتور عافنة وراح بس ضلت كلماتة بذني شلون عرف هيج عفت هند تواسي علاوي ورحت بدون مااكلهم ادور على الدكتور لحد مالكيتة بغرفة الخفر كاعد يخابر ردت ادخل واسألة اشلون عرف وهو بالمستشفى ومحد شفتة وياي مااذكر صح جنت خايفة وابجي بس حتى الخابر علاوي وحاجا عافني وكال مالي دخل توكع براسي زين هو شدراه
ردت ادخل وسمعتة يكلة اطمن اختك صح ماماتت بس زوجهة مات واختك تركتهة تنزف يعني اشوي وتودع ونسلمهم جثتهة ويضحك ياربي شنو من بشر هذا رجعت اركض وخايفة من الدكتور رجعت لعلي الي كاعد يلطم مثل النسوان وبيبيتة تطلم وياه والكل حاضر ويبجون صحت بصوت طلعت بي كل حزني واني اصيح علاوي خالتي ماميتة ماميتة بس علاوي ماسمعني وهند اجت
هند...... امل كافي حبيبتي الله يرحمهم
امل...... هند والله ماميتة اني سمعتة يكلهم عفتهة تنزف والله هذا السمعتة
هند...... كافي امل ترى البينة كافينة وين عايشين. احنة ماتكليلي
امل...... والله صدك ليش ماتصدكوني
علاوي..... امل مابية حيل اهلي عافوني وحدي ليش تطيني امل عايشين وهم وعافوني
امل...... علاوي والله كلتلكم السمعتة بعدين شلون عرف مو حادث ها ماتكلي وهو بالمستشفى
علاوي...... شنو قصدج
امل...... نعرف خالة وين بالاول وبعدين عود اسال
وصدك محمد صديق علاوي وكم واحد وياه كلبو المستشفى لمن لكوهة بغرفة الانعاش بس
بغير اسم والحمد لله لحكو عليهة ومحمد جاب كرايبة دكتور وبمعرفتة كدر ينقلهة ويعالجهة بمشفى اهلي
ماتركني محمد و ضل يدور على الدكتور بكل طوابق المستشفى حد مالكاة وصاح اصدقائة وياه وشبعوو كتل لحد ماعترف سعد ورة كل شي بس حتى اموت
اماعلاوي فكان بالطب العدلي بالمستشفى منتضر يسلمو ابو وامة لان ماصدك همة عايشين بس محمد صدكني واجة وياي ضليت منتضرة محمد يجي وهوة يكلة على خالة واني وكفت منتظرة يسلمون جثة خالو ضلية واكفين اكثر من خمس ساعات ومحد سلمنة لحد مامحمد اجة وكال لعلاوي ماراح ينطوك بس ابوك
علاوي....... محمد اني روحي رايحة وتعبان وحيلي بايد وانتى تصنف ليش خوية ليش
محمد...... لااصنف ولاشي بس امك عايشة وهسة خابرت ابن عمي وصلت لمستشفى بأمان والدكتور سلمناه لشرطة لان كاللكم ماتت وهي جذب بس ماعرفت ليش
أنت تقرأ
بعد العذاب..... أمل
Storie d'amoreكل الطريق امشي ودموعي مانشفت ليش بس اني بهاي الدنيا هيج حضي حتى الاحبهم يرحون عني..!. .. اسمي امل من الديوانية وحدية امي وابوي قصتي بدت وياكم اليوم امي بعد ولاتي بسنتين توفت وضل ابوي حاير بية واشلون يربيني بس بيبي كانت سند الي وتعلمني على كلشي ك...
