🚫 ممنوعة من النشر الا بإدني 🚫
✨الاسطورة ✨
الكاتبة : Agasha Bell
✨ سمو غيوقع الى زوج ديال الناس تبادلو الاجساد ديالهوم و كل واحد اضطر يعيش حياة الاخر مختالفة كل الاختلاف على حياتو الطبيعية ✨
القصة تصنيفها ضمن #حب # الكوميديا # الرومانسية #المال#ال...
شمس : ها انا ... امممم فالحقيقة لا غيثة : انا كنضن اه .... معرفتش كنضن انه تقدر تكون ... اي حاجة ممكنة فهاد الدنيا كملو هضرتهوم و صوت الضحك مالي المكان ✨ دخل فهد للمطعم عاقد حواجبو معلي راسو الفوق بكل تكبر و زوج من ليكارد وراه واخد انضار كاع الفتيات لي تما ... توجه نيشان لطابلة لي كان كالس فيها مراد مع زوج رجال اخرين ... سلم عليهوم باليد ... كلس متفطح شعل كارو كيكمي بهدوء ✨ عند شمس قدرات انها تداخل معاهوم خصوصا انهوم كانو ضراف بزاف و كيتصرفو معاها كما لو انهوم كيعرفوها من زمان ... جا سيرفور خدا طلبية كل واحد فيهوم اربعون دقيقة تقريبا كان كل واحد والطبق ديالو قدامو ... بداو كياكلو و يهضرو فمختلف المواضيع ... نفس الشيء بالنسبة لفهد كان كينقب من طبقو و كيهضر مع مراد على الخدمة . عند شمس الكل سالا ماكلتو و حطو ليهوم عصير بارد مع شي حاجة حلوة ... شمس ضارت عند غيثة شمس : غنمشي لحمام واحد الدقيقة غيثة : اكي حبيبتي ناضت شمس كتسول سيرفورات لي دايزين على الحمام فنفس الوقت مراد كان خارج من الحمام ديال الرجال حتا لمحها من بعيد جايا مقاتلة مع ساكها مراد باستغراب : انسة شمس ضارت لعندو قافزة تبسمات : موسيو مراد مراد بابتسامة : صدفة زوينة هادي ... اش كديري هنا شمس : غير عيد ميلاد واحد الصديق مراد : عيد ميلاد سعيد ليه شمس : شكرا ... نخليك دابا مراد مد ليها يدو : فرصة سعيدة بمعرفتك شمس سلمات عليه دغيا و خطفات يدها : شكرا دخلات لحمام وقفات امام المرآة حلات الصنبور و بدات كتفوت الماء على عنقها كتحس بنفسها مقطوع و قلبها مقبوض عليها كما لو انها حاسة بشي حاجة غتوقع جددات مكياجها و رجعات الابتسامة لثغرها و خرجات من الحمام عاد لمحات مراد كالس مع زوج رجال و واحد عاطيها الضهر فور ما لمحاتو حسات بريح قوية ضربات فوجهها حتا طار شعرها .... رجعات شعرها اللور و و كتحس بخفقان سريع على قلبها ... رجعات لطابلة فين كانت و نفسها مقطوع فنفس الوقت فهد كان كيحس براسو مخنوق فتح صدايف قميجتو الاماميين و شعل سيجارة كيدخن بهدوء كلست شمس فوق الفوتاي حتا نغزاتها غيثة و قربات ليها كتهمس شمس شافت فالساعة كان قريب منتصف الليل ... حركات ليها راسها بالايجاب ... ناضت غيثة و ماهي الى دقائق حتا كانت راجعة و فيديها كيك متوسط الحجم بنكهة الشكولاطة كلها سوداء من الفوق فيها كرات من الشوكولا الذهبية و السوداء و رقم 30 باللون الذهبي اما من الجناب فكانت مزينة بشكل عشوائي بخيوط بيضاء من الشوكولا و الكرات كولشي وقف كيصفق عليه و حتا الحضور لي كان تما بداو كيصفقو عليه غيثة حطات الكيك و طارت عليه بتعنيقة غيثة : joyeux anniversaire chérie❤️ فهد دار يشوف سبب هاد الضجة بعيون حادة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
