فصليتي ولكن الظروف.....

الاخير البارت الثالث والعشرون

(البارت الختامي)

مجتبى

مر شهرين واني اراقبها من يوم اللي شفتها بالعمادة وهيه دخلت كَلبي تجي اوقات بنص الاكل واتصفن اتخيل ملامحها وهيه كَاعده كَبالي اكثر من مرة امي انتبهت عليه
اول يوم العيد نزلت صبحت على اهلي وطلعنا مثل كل سنة الصبحية لبيت جدي ننجمع خوالي وعمامي كبار صغار استغليت الفرصة عالريوك وحجت امي....... مادامكم مجموعين وابو وليدي الله يرحمه اليوم اريد افاتحكم بموضوعه نيابة عن المرحوم

عمي كَال.....كَولي ام ايهاب مايردج غير لسانج

الوالدة جاوبته......ناوية ازوج وليدي هالتشوفه وحيده بقه والبيت فرغ وحتى ولد ابني راح عند امه وخواله

جاوبها عمي الثاني......اي والنعم منه ومن اخلاقه ياشر على بنات عمه ويكَبع وياخذ

رأسا نطيت من يمي......لا عمي اني عاجبتني بنية مو من بنات عمي وهنه ماعدهن قصور كاملات والكمال لله

ابتسموا بوجهي وكالوا......مايصير خاطرك الا طيب

الحلو بعمامي منفتحين همه وخوالي مو مثل اهل كَبل بنت لعم لابن العم
وراحت امي وبعض من نسوان عمامي وخوالي يخطبولياها  رجعوا طفرت عليها.....بشري يووم

ضحكت وكالت.....والله يايمه ماردولي خبر كالوا نشوف ولد عمامها اذا رايديها ونسأل عليك ونشوف رأي البنية هم

رفعت حاجبي.....خوب كولوا ماتنطونياها وخلص

ام ايهاب......يايمه غير هاي الاصول

......خوش يمه خوش

ضليت اليوم كله ضايج مر اسبوع كَاعد بغرفتي داكَلب بموبايلي وسمعت الهلاهل كَمزت جوه عبالي صاير شي ضحكت امي وباستني من خدي......الف مبرووك يمه شايف كل الخير

🍃🍃🍃🍃🍃🍃

اسيل

اباوع سيروان غطه وجهه بايده وخرتها بس ميقبل لحد ماسمعت شهكه خفيفه طلعت منه جريت ايده حيل باوعلي همس بصوت مبحوح......فسخي خطوبتج اسيل

باوعتله بانكسار رجع كال.....فسخي اسيل لتدمرين روحج وتخليني اخسرج مثلها

ميلت راسي وحجيت بصوت كوه ينسمع......مو بيده سوه بماما هيج والله مو بيده جان مجبور

دفر الطبله وصار يصيح.......لتكفريييييييينييييي اسيييييييل لتكفرييييينييييي مجبووووووور يعذبهااااااا مجبووووووور يكتلهاااااا مجبوووووور يخووووونها ويه رنااااا لتخبليييينيييي كاااااافي تدافعييييين عنه

اجوي على صوت صياحه تخبل شنو يشوف كَدامه صار يكسر كَوه لزمه محمد
بس ماطول دفعه حيل وطلع من الغرفة راح لغرفته صار يلم بجنطته بخبال لزمته من ايده قوي واتوسل......سيرووواااان بس اسمعنيييي كاااافي خبال لتروح الله يخليييييك