زمن والانتظار
مساء الخير
للكاتبه بنت الرافدين
(عشتار )
......
رحت وراهم امشي وانه اصيح عليهم
انتصار.... بنراس
مايردن ملتهيات يسولفون
رحت اركض وأنه اصيح عليهم وصلت الهم
ها شتردين
يعني تسمعون ليش،
ماتوكفين
شتردين؟؟؟
شبيج انتصار
يعني مشكله صارله ايام
وانتي بعدج زعلانه عليه
شدعوه عليج
اي تستاهلين روحي لاختج المقعده
المن جايه عليه
عيب شنو هل الكلام تقبلين
انه احجي اختج علئ هيج
وانتي تلحكين٠اختي
عمي امشي
شبيج انتصار شنو شبيج فد مره انكلبتي
عليه
شغله وصارت وأنه لهسه مااحجي ويه
اختي ماحجي َوياها علمودج
وانتي هيج تحجين عليه
دخلت نبراس وكالت لانتصار
شبيج عليها
هاي البنيه جاي تعتذر منج
لا تصيرن حقوده عليها
يالله تصالحو ا
قريتنا من بعض وتسالما اني وياها
واني فرحتي ماانطيها لأحد
عبالك هي الأوكسجين وجان مكطوع
عني َ وهسه رحعلي
ماعرف شنو من عقل شايله
دك الجرس ودخلنا للصفوف
وأنه اتوسلها عفيه يالله وأنه اشيل
بجنطتها يالله تعاي رجعي اكعدي
برحلتج.
اجت كعدت وهي تتدلع
وتبيع ثكل
عليه
وأنه طايره من الفرح
لأن قبلت تراضيني
اجت المدرسه وبدينا الدرس
ومن صار وقت الفرصه
رحتنا
نفتر بساحه انه وياها ونبراس طبعا
نفس طبعها بلتحشيش
وأنه اضحك علئ كلمه دكولها من كل كلبي حتى لو ماافهما
حتئ ماراجعت ولا فتحت كتاب
ملتهين بس نكركر
دخلنا للصف
وهيج كمل اليوم
وطلعنا للبيت بس ماقبلت تروح وياي
كالت اروح وأنه بنراس من غير طريق
مو علئ بيتكم
علئ بيت بنراس هم يوصلني للبيتنا
وهم عدنا شغله سواه
ويضحكن
اني صح ضجت بس
فرحانه لأن اصالحت وياها
يجوز باجر أنه وياها ا نروح بنفس الطريق
رجعت للبيت وحدي واختي وحد
بس توصل قبلي لأن مشيها سريع
واني أظل افتر بلساتين
وأنه امشي قريب علئ بيتنا
يعني بعد ماكو بنات بس انه
اشوف ولد شاب
تعده من يمي يغني
حلو طولك ومن تمشي وأنه راد
هو يغني وعينه عليه
وأنه الثوله فاكه حلكي واضحك.
ظليت متبسه بوجها الئ أن تعديت من يمه
ولافهمت قصده ولاشي
وهنوب بطلت من تجميع التمر
ظليت اقني بيها انه مااحفظ اقاني
ولانكعد علئ التلفزيون
واجد محد يقبل اصلا منين عدنا وكت
من الشقل للمدرسه
من قير ابوي هم مايقبل نسمع اقاني
اصلا أكثر الاقاني إلى اسمعها أو حافظتها منها كم مقطع هي من البنات
اسمعهم إلى بلمدرسه
وعندي
شي معته
ظليت اليوم كله اردده بيها
إلي يكول نشيد وطني مو اقنيه
رجعت للبيت ولكيت الطاف تشوي سمج.
يااا هاي يمته اجت يمته طبخت
القداء
دخلت وابوي
فو ك راسي
وين جنتي
يوباا
بلمدرسه
مدرسه عمه بعينج
ولج تضحكين عليه مو هاي اختج
من يمتى اجت وين جنتي تسختين
والله يوبا بلمدرسه والقرآن
جا لطيفه كبلج وصلت
سكتت
وانتي ليش، ماتجن سواه ها
اجت لطيفه
كالت يوباه انه طلعت درس الخامس
وزمن عدها ست دروس
جا غير تانين اختج.
مو يوباه استعجلت لأن محد بلبيت وانت وامي
بلشقل
هي زمن شعدها طبخ ...خبز
كلت تجي بحدها
هي تحجي وتخزر بيه
انه صراحه كلش خجلت
يعني هي تستر عليه ومايهون عليها اتزرل لو انكتل من ابوي وأنه رافعه خشمي عليه
