ဟိုဘက်အိမ်ကကိုကိုရေ…
🎶ဘယ်ရှေးဆုတောင်းတွေကြောင့်များကိုယ့်အိမ်ဘေး
မင်းတို့ပြောင်းလာတာလဲတွေး🎶
Benjamin Sum ရဲ့ ဟိုဘက်အိမ်ကကောင်မလေးသီချင်းကို ကျွန်တော်အရမ်း၊အရမ်းကိုကြိုက်ပါတယ်။
ဟိုလူယုတ်မာလေး,မဆိုခင်အချိန်ထိပေါ့။
အခုလည်း အဲ့ကောင်လေး ဂစ်တာတနှောင်နှောင်နဲ့ဆိုနေပြန်ပြီ။
🎶မင်းအရိပ်လေး၊မင်းအငွေ့လေး စိုးမိုးထားပါပြီလေ
ကိုယ့်ဘဝမှာ အဝေးကငေး၊အဝေးကဆွေး
ကိုယ့်အကြောင်းလေးတွေသိမလား ဟိုဘက်အိမ်ကကောင်မလေး🎶
ကျွန်တော်ရဲ့ သည်းခံနိုင်စိတ်တွေကုန်လွန်သွားခဲ့ပြီ။ဒီကောင်တော်တော်လွန်နေပြီလို့မထင်ဘူးလား။ကျွန်တော်နဲ့ညီမလေးတို့ ဒီအိမ်ကိုပြောင်းလာတဲ့နေ့ကတည်းက ဒီကောင် ည,ညဆို ဂစ်တာတစ်လက်နဲ့ကျွန်တော်တို့အိမ်ဘက်ကိုကြည့်ပြီး ဒီသီချင်းကို အကျယ်ကြီးဆို,ဆိုနေတာ။အစ်ကိုတစ်ယောက်လုံးရှိတာတောင်မှ ညီမကို ကြောင်ရဲတဲ့ဒီလိုကောင်မျိုးကို မှတ်လောက်သားလောက်ရှိအောင်တော့ ပညာပေးရဦးမည်။ညီမလေးနဲ့ကလည်း အတန်းတူဆိုတော့ ညီမလေးကိုလည်းစိတ်မချရဘူး။ကိုးတန်းဆိုတဲ့အရွယ်က ပညာရေးကိုပဲ အာရုံစိုက်သင့်တဲ့အရွယ်မဟုတ်လား။ကျွန်တော်ကတော့ ဆေးကျောင်းပထမနှစ်လေ…
ကိုးတန်းအရွယ်လေးနဲ့ ဒီလို သမီးရည်းစားစိတ်တွေဝင်နေတဲ့ ဟိုငနဲကောင်ကိုလည်း စလန်တမိသည်။ဘာပဲဖြစ်ဖြစ် အခုတော့ပြောစရာရှိတာသွားပြောရမည်။
"ဟေ့ကောင်,အစမ်း မင်းဒီလာခဲ့စမ်း။"
သူ့နာမည်က ချစ်စမ်းမောင်တဲ့။နာမည်ကိုက တင်တင်စီးစီး အမြင်ကိုကပ်တယ်။ချစ်ဆိုတဲ့စကားလုံးကိုလည်းမခေါ်ချင်၊မောင်ဆိုတဲ့ စကားလုံးကိုလည်းမသုံးနှုန်းချင်တာကြောင့် ကျွန်တော်,သူ့ကို အစမ်းလို့ခေါ်လေ့ရှိသည်။
ကျွန်တော်သူတို့ခြံရှေ့ကနေ လက်ရက်လှမ်းခေါ်တော့ ဘာလဲဆိုတဲ့ပုံစံနဲ့ ခေါင်းကိုမော့ပြီး ကျွန်တော့်ဆီလာနေတယ်။သူ့ကိုယ်သူ ဘာအပြစ်မှလုပ်မထားတဲ့ပုံနဲ့။
BẠN ĐANG ĐỌC
ချင်းတွင်းသက်သေနှင့်အခြားဝတ္ထုတိုများ(ခ်င္းတြင္းသက္ေသႏွင့္အျခားဝတၳဳတိုမ်ား)
Truyện NgắnOneshot လေးတွေပါ။
